فوتو: elements.envato.com
2023 جىلى اتوم ەلەكتر ستانتسيياسىن (اەس) سالۋ اۋماعىن تاڭداۋ مەسەلەسٸ قوعامدىق تالقىلاۋعا شىعارىلادى. بۇل تۋرالى ەنەرگەتيكا مينيسترٸ بولات اقشولاقوۆ ايتىپ بەردٸ, - دەپ حابارلايدى Tengrinews.kz پورتالى.
ەنەرگەتيكا مينيسترلٸگٸنٸڭ باسشىسى 2022 جىلى تەكسەرٸلگەن رەاكتور تەحنولوگيياسىن جەتكٸزۋشٸلەر تٸزٸمٸ جاسالعانىن ەسكە سالدى – قىتاي (CNNC), رەسەي (روساتوم), كورەيا (KHNP), فرانتسييا (EDF).
"بيىل رەاكتور تەحنولوگيياسىن تاڭداۋ جۇمىستارى جٷرگٸزٸلەدٸ. اتوم ەلەكتر ستانتسيياسىن ورنالاستىرۋ ٷشٸن وڭتايلى ورىن رەتٸندە الماتى وبلىسىنىڭ جامبىل اۋدانى ۇسىنىلدى. 2023 جىلى اەس ورنالاساتىن اۋماقتى تاڭداۋ مەسەلەسٸ قوعامدىق تالقىلاۋعا شىعارىلادى", - دەدٸ اقشولاقوۆ ۆەدومستۆونىڭ القا وتىرىسىندا.
