"قىرعىزستاننىڭ ۇلتتىق قاۋٸپسٸزدٸك قىزمەتٸنٸڭ تەرگەۋ يزولياتورىندا قاماۋدا وتىرعان بۇرىنعى پرەزيدەنت المازبەك اتامباەۆتىڭ دەنساۋلىعى ناشارلادى" دەپ حابارلادى ونىڭ ادۆوكاتى زامير جووشەۆ.
18 اقپاندا اتامباەۆپەن كەزدەسكەن كەزدە ەكس-پرەزيدەنت ادۆوكاتقا قان قىسىمىنىڭ تٶمەندەگەنٸن ايتقان.
"كەزدەسۋ كەزٸندە قان قىسىمى 76/60-قا تٷسٸپ كەتكەنٸن ايتتى. ٶتكەن اپتادا قان قىسىمى 90/60 بولعان. دەرٸگەرلەر كٷن سايىن قان قىسىمىن تەكسەرٸپ, ايتىپ وتىرۋشى ەدٸ. بٸراق سوڭعى كەزدە جاسىرىپ جٷر" دەدٸ زووشەۆ.
تەۋەلسٸز دەرٸگەرلەردٸڭ ايتۋىنا قاراعاندا مۇنداي تٶمەن قان قىسىمىنىڭ سالدارىنان ادام ينسۋلت, ينفاركت الۋى مٷمكٸن. قىرعىزستاننىڭ مەملەكەتتٸك ۇلتتىق كوميتەتٸ ەزٸرگە المازبەك اتامباەۆتىڭ دەنساۋلىعىنا بايلانىستى تٷسٸنٸكتەمە بەرمەدٸ.
بىلتىر تامىزدىڭ 7-8 كٷندەرٸ شۋ وبلىسى الامۋدۋن اۋدانىنداعى كوي-تاش اۋىلىندا "المازبەك اتامباەۆتى تەرگەۋگە مەجبٷرلەپ جەتكٸزۋ" وپەراتسيياسى كەزٸندە كٷشتٸك قۇرىلىمدار مەن ساياساتكەر جاقتاستارى اراسىندا قاقتىعىس بولدى. اۋىر جارالانعان بٸر ارنايى جاساق ٶكٸلٸ كٶز جۇمدى, بٸرنەشە ادام زارداپ شەكتٸ. 200-دەن استام ادام تٷرلٸ جاراقات الدى. 8 تامىزدا المازبەك اتامباەۆ پەن جاقتاستارى بيلٸككە ٶز ەركٸمەن بەرٸلدٸ.
اتامباەۆتى ۇستاعاننان كەيٸن وعان "جەمقورلىق" جەنە "قىلمىسقا قاتىسۋ" جەنە ٶزگە دە باپتار بويىنشا اۋىر ايىپتار تاعىلدى, سوت شەشٸمٸمەن تەرگەۋ اباقتىسىنا قامالدى. اتامباەۆ - قىلمىستىق توپ جەتەكشٸسٸ ازيز باتۋكاەۆتىڭ زاڭسىز بوساپ شىعۋى تۋرالى ٸستە دە نەگٸزگٸ ايىپتالۋشىلاردىڭ بٸرٸ.
