قر ەدٸلەت مينيسترٸ قانات مۋسين ورتالىق كوممۋنيكاتسييالار قىزمەتٸندە ٶتكەن بريفينگٸدە جۋرناليستەردٸڭ سەنات عيماراتىنىڭ جەرتٶلەسٸندە جۇمىس ٸستەۋٸ تۋرالى پٸكٸر بٸلدٸردٸ, دەپ حابارلايدى قازاقپارات.
«كەشەگٸ پارلامەنت قابىرعاسىندا باق-قا قاتىستى قابىلدانعان ەرەجەدە پرەزيدەنتتٸڭ اقپارات ەركٸندٸگٸ تۋرالى ايتىپ جٷرگەن ۇستانىمدارى ەسكەرٸلمەي قالدى. جۋرناليستەر دەپۋتاتتاردان سۇحباتتى ارنايى باننەردە عانا الۋى كەرەك دەگەن شەشٸم قابىلداندى. بٷگٸن سەناتتا جۋرناليستەر جەرتٶلەدە ورنالاسقان باسپاسٶز ورتالىعىندا وتىرۋعا مەجبٷر بولدى. بۇل پرەزيدەنت جولداۋى مەن كونستيتۋتسييانىڭ سٶز بوستاندىعى تۋرالى تالاپتارىنا قايشى ەمەس پە?» -دەپ سۇرادى باق ٶكٸلٸ ورتالىق كوممۋنيكاتسييالار قىزمەتٸندە ٶتكەن بريفينگٸدە.
ەدٸلەت مينيسترٸنٸڭ ايتۋىنشا, بۇل زاڭعا قايشى ەمەس.
«ەر ورگان جۋرناليستەرمەن جۇمىسىن ۇيىمداستىرعاندا ٶز ەرەجەسٸن شىعارادى. مۇندا جۋرناليستەرگە دەپۋتتارمەن قاتىناسىپ, سۇراق قويۋعا ەشقانداي شەكتەۋ قويىلىپ وتىرعان جوق. ياعني ەر مەكەمەنٸڭ ٶز تەرتٸبٸ بولادى. مۇنىڭ زاڭعا ەشقانداي قايشىلىعى جوق»,- دەپ جاۋاپ بەردٸ قانات مۋسين.
سونداي-اق, ول باق تۋرالى جاڭا زاڭ ەزٸرلەنٸپ جاتقانىن ەسكە سالدى.
«پرەزيدەنتتٸڭ جولداۋىن ٸسكە اسىرۋ ٷشٸن بۇقارالىق اقپارات قۇرالى تۋرالى جاڭا زاڭ شىعارىلادى. زاڭ جوباسى پىسىقتالىپ جاتىر. قوعام مەن جۋرناليستەر تاراپىنان كٶتەرٸلگەن مەسەلەلەر, پرەزيدەنت نۇسقاعان باعىتتاردىڭ بەرٸ سول زاڭ جوباسىندا كٶرسەتٸلەدٸ», - دەدٸ ۆەدومستۆو باسشىسى.
ەسكە سالساق, بٷگٸن سەناتتىڭ جالپى وتىرىسىندا «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە بالانىڭ قۇقىقتارىن قورعاۋ, بٸلٸم بەرۋ, اقپارات جەنە اقپاراتتاندىرۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسى ەكٸ وقىلىمدا قارالىپ, مەجٸلٸسكە قايتارىلعان بولاتىن.
