قر ەدٸلەت مينيسترٸ مارات بەكەتاەۆ ستاتي ٸسٸنە قاتىستى پٸكٸر بٸلدٸردٸ, دەپ حابارلايدى قازاقپارات.
«ەدٸلەت مينيسترلٸگٸ بيزنەسمەن ستاتيمەن اراداعى تەكەتٸرەستە قازاقستاننىڭ جەڭٸسكە جەتكەنٸن مەلٸمدەدٸ. سوندا دا حالىق كٶكەيٸندە سۇراق بار. قازاقستان ستاتي تالاپ ەتٸپ وتىرعان 500 ملن دوللاردان استام قاراجاتتى تٶلەي مە?», - دەپ سۇرادى باق ٶكٸلٸ.
«مۇنىڭ جاۋابى قاراپايىم. قازاقستان ستاتي تالاپ ەتٸپ وتىرعان اقشانى تٶلەمەيدٸ», - دەپ قىسقا قايىردى ۆەدومستۆو باسشىسى ورتالىق كوممۋنيكاتسييالار قىزمەتٸندە ٶتكەن بريفينگٸدە.
سونداي-اق, ول قازاقستان تارابىنىڭ ستاتيدەن سوت شىعىندارى ٷشٸن قانشا قاراجات تالاپ ەتە الاتىنى تۋرالى تٷسٸنٸكتەمە بەردٸ.
«بۇل شىعىنداردى تٷرلٸ جولمەن ەسەپتەۋگە بولادى. زاڭگەرلەرگە جۇمسالعان تٸكەلەي شىعىندى بٸرٸنشٸ بلوكقا جاتقىزۋعا بولادى. ەكٸنشٸ بلوك – رەپۋتاتسييالىق شىعىندار. ٷشٸنشٸسٸ – قر ۇلتتىق بانكٸ وسى ٸس بويىنشا بۇعاتتالعان قورلاردىڭ شوتىنان شەكتەۋ قويىلعان كەزدە يگەرٸلمەگەن ىقتيمال تابىستاردى تالاپ ەتە الادى», - دەدٸ مارات بەكەتاەۆ.
ونىڭ ايتۋىنشا, ستاتي ٸسٸنە كەتكەن شىعىندى تولىق قايتارۋدان دا ماڭىزدى مەسەلە بار.
«بۇل جەردە شىعىن سوماسىن ماكسيمالدى مٶلشەردە قايتارۋ ەڭ ماڭىزدى مٸندەت ەمەس دەۋگە بولادى. ستاتيدٸڭ ٶزٸ مولدوۆييادا تۇراتىنى مەلٸم. ونىڭ نەگٸزگٸ شوتتارى باسقا دا سوت پروتسەستەرٸ بويىنشا بۇعاتتالعان. ونىمەن ٸستەس بولعان كرەديتورلار ٶتە كٶپ. ونىڭ قىلمىستىق ەرەكەتٸ بٸر جىل عانا جٷرٸپ جاتقان جوق. ستاتيگە قارسى ٸس جٷرگٸزٸپ جاتقان قازاقستان عانا ەمەس. كەلەشەككە ٷڭٸلسەك, تولىق سومانى ٶندٸرٸپ الۋ مٷمكٸن بولمايتىن دا شىعار. بۇل جەردە قازاقستاننىڭ وسىنداي الاياقتاردى انىقتاۋعا, وسىنداي اگرەسسيۆتٸ ەرەكەتتەرگە قارسى تۇرۋعا قاجەتتٸ رەسۋرستارى بار ەكەنٸن دەلەلدەۋ ماڭىزدى», - دەدٸ ول ورتالىق كوممۋنيكاتسييالار قىزمەتٸندە ٶتكەن بريفينگٸدە.
ايتۋىنشا, وسىنداي ٸستەردەگٸ تاباندىلىعى ارقىلى قازاقستان ٶزگەلەرگە ماڭىزدى سيگنال بەرٸپ وتىر.
«حالىقارالىق قورلار مەن ينۆەستيتسييا نارىعىنىڭ نەگٸزگٸ ويىنشىلارى وسى سيگنال ارقىلى قازاقستاننىڭ قۇقىقتىق جٷيە رەتٸندە دامىپ كەلە جاتقانىن تٷسٸنەتٸن بولادى. تيٸسٸنشە, قازاقستانعا ينۆەستيتسييا سالۋعا بولادى جەنە سالۋ قاجەت ەكەنٸنە كٶز جەتكٸزەدٸ», - دەدٸ ەدٸلەت مينيسترٸ.
