اليمەنت تٶلەۋ بويىنشا قوردى قۇرۋ اقشانى تەگٸن تاراتۋدى قاراستىرىپ وتىرعان جوق. بۇل تۋرالى ەدٸلەت مينيسترلٸگٸنٸڭ كەڭەيتٸلگەن القا مەجٸلٸسٸنەن كەيٸن ۆەدومستۆونىڭ باسشىسى مارات بەكەتاەۆ مەلٸم ەتتٸ, دەپ حابارلايدى قازاقپارات.
«اقشانى تەگٸن تاراتۋ دەگەن بولمايدى. وسى ورايدا قور قۇرىلعاننان كەيٸن بارلىق بەرەشەك قاراجات ٶزٸنەن-ٶزٸ جابىلادى دەپ ويلاۋ دۇرىس ەمەس», - دەدٸ م. بەكەتاەۆ تٸلشٸلەر ساۋالىنا جاۋاپ بەرە وتىرىپ.
ونىڭ ايتۋىنشا, بٷگٸندە مۇنداي قوردىڭ ەكٸ مودەلٸ بار. بٸرٸنشٸسٸ – كرەديتتٸك مودەل, ال ەكٸنشٸسٸ قايىرىمدىلىق نەگٸزدە قىزمەت ەتەدٸ. كرەديتتٸك مودەل بانكتٸك زايمدار قاعيداسى بويىنشا جۇمىستى ەسكەرەدٸ. بۇل تۇرعىدا ادام ەڭبەكاقى العانشا دەيٸن تيٸستٸ كەزەڭگە اليمەنت تٶلەۋ ٷشٸن قاراجات سۇراي الادى.
ەكٸنشٸ مودەلگە سەيكەس, ياعني قايىرىمدىلىق قور اياسىندا اقشا قايتارىمسىز بەرٸلەدٸ. الايدا بارلىعىنا بٸردەي بەرٸلە بەرمەيدٸ.
م. بەكەتاەۆتىڭ ايتۋىنشا, بٷگٸندە قازاقستاندا قايىرىمدىلىق مودەلدٸ پايدالانۋ ۇسىنىلىپ وتىر.
«اقشا ەڭ قيىن جاعدايلاردا بەرٸلەدٸ. ادامدار سىرتقاتقا شالدىقسا نەمەسە مٷلدەم قيىن جاعدايعا تاپ بولسا, باسقا مٷمكٸندٸكتەر بولماسا, قولداۋ جاسالادى. قايىرىمدىلىق مودەل تيٸستٸ كوميسسييا مەن كەڭەستٸ قۇرۋدى ەسكەرەدٸ. ونىڭ قۇرامىنا تەجٸريبەلٸ ماماندار تارتىلادى. شەشٸم قابىلداردا كوميسسييا شاقىرتىلادى. مەسەلەن, بٸر ادامدارعا 100 مىڭ تەڭگە, كەيبٸرٸنە 500 مىڭ تەڭگە قاجەت بولۋى مٷمكٸن», - دەدٸ مينيستر.
