بەيجٸڭدەگٸ قىسقى وليمپياداعا قاتىسىپ جاتقان قازاقستاندىق شورت-ترەكشٸ ەدٸل عالياحمەتوۆ باسپاسٶز مەسليحاتىن ٶتكٸزٸپ, سۇراقتارعا جاۋاپ بەردٸ, دەپ حابارلايدى قازاقپارات.
23 جاستاعى ەدٸل ەرەسەكتەر اراسىنداعى وليمپياداعا العاش رەت قاتىسىپ, بٸرٸنشٸ مٷمكٸندٸگٸندە-اق فينالعا جولداما الدى. كەشە ول شورت-ترەكتەن 1500 مەترگە جٷگٸرٸپ, 8-ورىنعا تابان تٸرەدٸ.
ەرتەڭ سپورتشى 500 مەترلٸك جٷگٸرۋ جارىسىنا قاتىسادى.
«سوڭعى جىلدارى ٷلكەن ەڭبەك اتقاردىق. بٸزدٸڭ قازاقستاندا شورت-ترەك دامىپ جاتقانىن كٶرسەتتٸك. بارلىق جانكٷيەرلەرگە العىس ايتامىن. ەلٸ دە ينستاگرامدا, ەلەۋمەتتٸك جەلٸلەردە بارلىعى جازىپ, قۇتتىقتاپ جاتىر. كەشە بەرٸن ەموتسييامەن ايتىپ تاستاعان سوڭ قازٸر ايتا قويار جاڭالىعىم جوق. ەرتەڭ بٸزدە 500 مەترلٸك جارىس بولادى, سوعان دايىندالىپ جاتىرمىز», - دەدٸ عالياحمەتوۆ ZOOM-كونفەرەنتسيياسىندا.
سونىمەن بٸرگە, سپورتشى ەلٸ دە تەجٸريبە جيناقتاۋ كەرەگٸن ايتتى.
«مەنٸڭ تەجٸريبەم جەتپەي قالدى دەپ ويلايمىن, ٶيتكەنٸ شورت-ترەكتٸڭ ٶز ەرەكشەلٸكتەرٸ بار. قارسىلاستار باسىپ وزعاندا ٷلكەن جىلدامدىقپەن ٶتە شىعادى. وعان ٸلٸنۋ ٷشٸن ٶزٸڭە دە جىلدامدىقتى ارتتىرىپ, سەل شەتكە شىعۋ كەرەك. بەلكٸم وسىنى جاساۋعا تەجٸريبەم جەتپەگەن شىعار, ەندٸ جىلدامدىق ارتتىرايىن دەسەم, مەنٸ باسىپ وزىپ كەتكەندەر كٶپ بولدى. بەرٸ ٶز كەزەگٸمەن جەنە ەر ويىن سايىن شەبەرلٸگٸم شىڭدالا تٷسەدٸ», - دەدٸ سپورتشى.
ەدٸل عالياحمەتوۆ 500 مەترلٸك جارىستا دەنيس نيكيشا, ابزال ەجٸعاليەۆ سىندى ٶتە جىلدام بالالار بار ەكەنٸن ايتتى.
«ولار كەشە فينالدا بولعان سپورتشىلاردان تالاي وزعان. بٷگٸن جاتتىعۋ كەزٸندە كٶرەمٸز, سوڭعى جاتتىعۋىمىزدى جاساپ, ٶزٸمٸزدٸڭ قانداي فورمادا ەكەنٸمٸزدٸ تەكسەرەمٸز جەنە نەتيجەسٸن ەرتەڭ كٶرسەتەمٸز دەپ ويلايمىن», - دەدٸ ەدٸل.
