ەدٸلدٸڭ ٸز-تٷزسٸز جوعالىپ كەتكەنٸنە 20 جىلداي ۋاقىت ٶتٸپتٸ. تاعدىرى تىلسىمعا تولى تالانتتىڭ ٶمٸردە بار-جوعى ەلٸ كٷنگە بەلگٸسٸز. 23 شٸلدە تۋعان كٷنٸ بولاتىن. بار جۇبانىشىمىز كەيٸننەن جارىققا شىققان جالعىز كٸتابى عانا. اقىننىڭ دٷنيە ەسٸگٸن اشقان كٷنٸ ەلەۋسٸز قالماسىن دەپ "ٶمٸرزايادان" بٸر توپتاما جارييالاۋدى جٶن كٶردٸك.
ەۋمين دەڭٸز
مىناۋ ٶلەڭ —
بۇيىرىپ حاق جازاعا,
قويىنى تولىپ ازاعا,
شەھيت بولعان شاھارلارعا — جانازا...
مىناۋ ٶلەڭ —
ادا بولىپ ارمانى,
ارام ٶلٸپ ارداعى,
اقشەلدەنگەن الارىپ
جانارلاردىڭ مارجانى.
مىناۋ ٶلەڭ —
الماس تٸلٸپ گٷل-ٶڭٸن,
ارقان قيىپ بٸلەگٸن,
دۇشپان ەلگە كٷڭ بولعان
ارۋلاردىڭ ايتسام دەيدٸ تٸلەگٸن.
مىناۋ ٶلەڭ —
بولماي سول تۇس توقتاۋى,
جالماپ كەتكەن وت-جاۋى,
مەشٸتتەردٸڭ,
مەشٸتتەردٸڭ جوقتاۋى.
مىناۋ ٶلەڭ —
ەمدەپ ەلدٸڭ جٷرەگٸن,
سەرپٸپ تاستاپ تٷنەگٸن,
شەھيت بولعان شاھارلاردى تٷلەتەر
ۇل تۋسا دەر تٸلەگٸم...
كٶڭٸلٸڭٸزگە ورنار بولسا جىرىم نىق,
ساناڭىزعا ارتار بولسا سىرىم جٷك,
وسى ٶلەڭدٸ وقىپ بولىپ, اعايىن,
ەۋمين دەڭٸز ىرىم قىپ.
اۆتوبيوگرافييا
ونىڭ
قانىنداعى جۇلدىز نۇرى تىم كٶگٸلدٸر بولاتىن,
مەڭگٸلٸك دەپ اتايتىن-دى ول ٶزٸ تٷسكەن جول اتىن.
ٷمٸتتەرٸ شارپىلدى دا پەندەلٸكتٸڭ سەۋلەسٸنە قان قىزىل,
ٶلٸپ قالدى تاڭ الدىندا ول اقىن,
ٶلٸپ قالدى ول اقىن.
جوق,
الدىمەن از كٷن جٷردٸ كٶلەڭكە بوپ كٶرٸنٸپ,
سوسىن كەتتٸ سان ساناعا شامشىراق بوپ بٶلٸنٸپ.
قارا تٷندە قالدىم ونىڭ قۋىس تەنٸن جامىلىپ,
قولدارىمدا سىعىمدالعان ٶلٸ ٷمٸت,
قولدارىمدا ٶلٸ ٷمٸت.
سوسىن,
ونىڭ جالعىز جىرمەن تٸرشٸلٸكتٸڭ ٶرنەگٸن
ٶزگەرتسەم دەپ جانىن تٷنگە بەرگەنٸن
ەسٸمە الىپ, سولعىن-سولعىن جىرلار جازدىم بٸرەر كٷن.
تٸرٸلمەسٸن ۇقتىم دا, ٷمٸتتەرٸن جٷرەگٸمە جەرلەدٸم,
جٷرەگٸمە جەرلەدٸم.
سولاي...
ونان بەرٸ تالاي شاپتى تامىرىمدى تۇنىق تٷن.
ساعىم قۋدىم... نە دەپ عۇمىر كەشەرٸمدٸ ۇمىتتىم.
...ٷنسٸز كٷتەم قايىرىلار دەپ سول اقىن
كەۋدەمدەگٸ مولاسىنا ٷمٸتتٸڭ,
مولاسىنا ٷمٸتتٸڭ.
جولدانبايتىن حات
تاعى دا ۇيقىسىز تٷن,
ساعىنىشتى,
تەتتٸ قايعى,
جٷرەكتٸ تاعى قۇشتى,
ەلەسٸڭە
تەۋ ەتتٸم, ايمالاعان,
قۇلاق كەستٸ قۇلىڭمىن باعىنىشتى.
تاعى دا مۇڭايامىن,
مىنا تٷننٸڭ
سالعان ەنٸن لەبٸنەن ۇعاتىنمىن.
ەندٸ, مٸنە, سٷلدە بوپ قالدىم سەنسٸز,
بەرٸن, بەرٸن جوعالتىپ مۇراتىمنىڭ.
تاعى دا جۇلدىز اقتى,
الاقانىڭ...
جۇلدىزدى قوندىرعانىن جاراتامىن.
سەبەبٸ: مىنا جۇلدىز — مەنٸڭ جانىم,
سەنٸ ٸزدەگەن قورعانسىز بالاپانىم.
تاعى دا تٷن سٶيلەيدٸ,
مەنەن كٶنە...
سىر تارتىپ جول شەگەدٸ ٶلەڭ-كەمە.
بٸر ۇقسا سول ۇعادى تاعدىرىمنىڭ
مەنٸ زار عىپ قويعانىن كٶلەڭكەڭە.
تاعى دا جەل ۇليدى,
قاراڭعىلىق,
ويىمدا — ەركە مٸنەز, بالاڭ قىلىق.
قارا قايعى كەۋدەمدٸ تىرنالايدى,
باسىلامىن قاسقىر بوپ الام دا ۇلىپ.
تاعى دا قايعى ورالدى,
قارا قايعى,
جٷرەگٸمدٸ كەسكٸلەپ جارالايدى.
قۇل بولسام دا ٶزٸڭە... تٸرٸ جانمىن,
تٸرٸ جاندى ازاپتاۋ جارامايدى.
تاعى دا بۇلت كٶشەدٸ,
پاراقتاعى
جازىلعان جىر-جاناردان قان اققالى,
سەن كەتكەلٸ باقىتىم ٶلدٸ مەنٸڭ,
مەن ٷشٸن تاڭ اتپادى, تاڭ اتپادى,
سەن كەتكەلٸ مەن ٷشٸن تاڭ اتپادى.
تاعى دا ۇيقىسىز تٷن,
حاتى مىنا,
قۇلىڭنىڭ ەر تٷنٸنٸڭ اتى — شٷبە.
ٶزٸڭە جەتەر بولسا بٸر قايىرىلىپ,
قۇران وقىپ كەتسەڭشٸ باقىتىڭا.
جىرمەن جۋىپ جۇلدىزداردىڭ جامالىن
راۋشان گٷلگە گاۋھار شىق بوپ تاماتىن,
جىر جازام دەپ ايىرىلعان تاعىنان.
تاسجەتٸممٸن, مۇڭ كٶرسەم دە, قالامىم,
ەندٸ كٸمگە شاعىنام?
جىرمەن جۋىپ جۇلدىزداردىڭ جامالىن,
جالعىزدىقتى ٷيرەتكەن ەم ايعا دا.
تەك تٸرلٸكتە تاۋسىلدى دا امالىم,
اقىندىعىم اسپاي قويدى پايداعا.
جالعىز جانعا جاراسادى جاقسىلىق,
جىلاي بەرسەڭ تەڭٸردە دە بار قۇلاق.
دەگەنمەنەن دەم تاۋىستى تٸرشٸلٸك,
مەنٸڭ جالعىز گاۋھارىمدى تارتىپ اپ.
جاپىراعىم جاسىل وت بوپ جاناتىن,
سەن دە ٶمٸر مە ەڭ بٸر كەزدەرٸ, سارى باۋ?
راۋشان گٷلگە گاۋھار شىق بوپ تاماتىن,
مەن دە جىر ەم, جىر ەدٸم عوي, تەڭٸر-اۋ!
سوڭعى ەن
مەنٸڭ سوڭعى ساعىنىشتى ەنٸم بۇل,
رۋحىڭ جەتسە تىڭداپ قال.
مەندە جان جوق,
جەتٸ جەتٸم — تەنٸم قۇر,
شەشە الماعان قالدى جىمسىز جۇمباقتار.
مەن سولاردىڭ تاپپاق بولىپ سەبەبٸن,
كٶرٸپ تالاي كٶڭٸلسٸزدەۋ تٷس تٷندە.
تٷسسٸز مۇڭعا اياق باسسام دەپ ەدٸم,
ٸز قالدىرماي اپپاق قاردىڭ ٷستٸندە.
سول ارمانمەن تٸرلٸك كەشٸپ تۋلاقتاي,
قارا جەرگە قار بوپ جاۋىپ,
ەڭسەلٸم.
بۇل كٷندەرٸ جانارىمدى سۋلاتپاي,
كٶز الدىڭدا كٷزگە اينالسام مەن سەنٸڭ.
سارى بەلدەن ەن سوزاتىن جاڭعىرىپ,
كٷزدٸ كٶر دە, كٷز ارتىنان مەنٸ كٶر.
مەن ەسسٸزبٸن,
جۇمباقتارىم مەڭگٸلٸك,
شەشە المايتىن ەسسٸزدٸكتٸڭ ەمٸ — كٶر.
كٶرگە قاراي ٶسٸپ كٶڭٸل تەرەگٸ,
كٶزسٸز تٷندە كٶككە قاراي ۇلىعان.
كٸم جۇلدىزدىڭ جٷرەگٸن اپ بەرەدٸ,
شەشۋٸ جوق جۇمباقتاردىڭ قۇلىنا?
مويىنداماي پەندەلٸكتٸڭ كەسٸمٸن,
كٶر تٷبٸندە جارىق تۇر دەپ بٸر ەلٸ.
جان ەدٸ دەر جۇمباعىنىڭ شەشٸمٸن
ٸزدەپ ٶتكەن ٶرتەنگەنشە جٷرەگٸ.
دەرتتٸ جانداي زەرۋ بولعان دەرٸگە,
مي قۇرعاتىپ مەڭگٸلٸكتٸڭ جولىندا.
جاننىڭ كٸرٸن قانمەن جۋىپ سەرٸدە,
مەن كٶشەرمٸن قۇرساعىمنان قورىمعا.
مٸنە, سولاي, ساعىنىشتى ەن مىناۋ,
مۇنى ايتۋعا بولار ەدٸ سٶزسٸز-اق.
ەرتەرەكتە كٶرگەنٸندەي سان جىراۋ
كٶك جٷزٸندە كٷيمەلەردٸ كٶزسٸز-اق.
بٸراق ماعان مٶپ-مٶلدٸر مۇڭ سىيلار كٸم,
ارمانىما القا قىلىپ تاعۋعا?
جانسىز قولىم جەتپەي نەگە قينالدىم,
تەڭٸرٸمنٸڭ تەرەزەسٸن قاعۋعا?!
ساعىنىش
وسىلاي, جانىم, ۇداي,
كەتٸسٸپ... ساعىنارمىز.
ادامنىڭ بەرٸ — قۇداي,
قۇدايدىڭ بەرٸ — جالعىز...
تاعدىر سول جەلٶكپە تەك,
نەتەمٸز... كٶنەمٸز دە.
كەتەمٸز بٶلەك-بٶلەك
بەيشارا كەمەمٸزدە.
كەتەمٸز جاعامىزعا,
الىسقا ٷڭٸلە كٸل.
قايتالاپ سانامىزدا:
«جالعىزدىڭ جٷگٸ جەڭٸل,
جالعىزدىڭ جٷگٸ جەڭٸل».
سوڭعى سٶز, سوڭعى نٷكتە,
بٸرلٸككە تىيىم سالار.
جالعىز جان تورعا ٸلٸكسە,
تٸرلٸك تە قيىن سوعار...
وسىنى ويلامادىق,
جانىم-اۋ, قاتە ەدٸ بۇل.
اسقاقتىق بويلاپ الىپ,
بٸزدەردٸ كەتەدٸ كٸل.
سەزٸمگە جارىماعان,
جىلايدى ەلٸ كەۋدە.
قۇدايدىڭ بەرٸ دە ادام,
ادامنىڭ بەرٸ پەندە.
