قازاقستان رەسپۋبليكاسىنىڭ ۇلتتىق كٸتاپحاناسىندا اتىراۋ وبلىسى ەكٸمدٸگٸنٸڭ جەنە «راحىمجان وتارباەۆ رۋحانييات قورى» جەكە قورى جەنە اتىراۋ وبلىسىنىڭ ەكٸمدٸگٸنٸڭ ۇيىمداستىرۋىمەن كٶرنەكتٸ قالامگەر, دراماتۋرگ, قازاقستاننىڭ ەڭبەك سٸڭٸرگەن قايراتكەرٸ, حالىقارالىق ش.ايتماتوۆ سىيلىعىنىڭ لاۋرەاتى, «پاراسات» وردەنٸنٸڭ يەگەرٸ راحىمجان وتارباەۆتىڭ ٷش تٸلدە جارىق كٶرگەن بيوبيبليوگرافييالىق كٶرسەتكٸشٸنٸڭ تۇساۋى كەسٸلدٸ, - دەپ حابارلايدى «ۇلت اقپارات».
راحىمجان وتارباەۆتىڭ تۋعانىنا 65 جىل تولۋ مەرەيتويىنا ارنالعان بۇل تۇساۋكەسەر تەۋەلسٸزدٸگٸمٸزدٸڭ 30 جىلدىق مەرەكەسٸ قارساڭىندا ارنايى ۇيىمداستىرىلىپ وتىر.
قر ۇلتتىق كٸتاپحاناسىنىڭ ديرەكتورى باقىتجامال وسپانوۆا ەرٸپتەسٸن ەرەكشە ەسكە الدى.
«ۇلتتىق اكادەمييالىق كٸتاپحانانى بٸراز جىلدار باسقارىپ, ەلٸمٸزدٸڭ كٸتاپحانا سالاسىنىڭ دامۋىنا ٶز ٷلەسٸن قوسقان ازامات, بٸلٸكتٸ باسشى رەتٸندە كٸتاپحانانىڭ جوعارى دەڭگەيدە, زامانعا ساي, وقىرماندارعا كٸتاپ وقۋعا قىزىعۋشىلىعىن ارتتىرۋعا, كٸتاپ مەدەنيەتٸن كٶتەرۋگە ىقپال ەتەتٸن ازامات ەدٸ» دەدٸ باقىتجامال وسپانوۆا.
وسى ورايدا جازۋشىنىڭ جارى سەۋلە وتارباەۆا جولداسىنىڭ كٸتاپحاناشىلارمەن قارىم-قاتىناسى تۋرالى ەڭگٸمەلەپ, بارشا قاۋىمعا العىسىن بٸلدٸردٸ.
«بٸز ٷشٸن بٷگٸن ٶتە ەرەكشە كٷن. الدىمەن ەلدٸڭ اتىنان, وبلىس باسشىلىعى اتىنان, وتباسىمىزدىڭ اتىنان بارشاڭىزعا ەرەكشە راقمەت ايتقىمىز كەلەدٸ. راحىمجاننىڭ قانداي تۇلعا بولعانىن, قانداي جازۋشى بولعانىن ەل بٸلەدٸ. الدىمەن ول ادام رەتٸندە تانىلدى. ٶزٸ قانداي اشىق ادام بولسا, جازۋى دا سونداي, جازىپ, شاشىپ تاستاپ جٷرە بەرەتٸن. ماعان سەندٸ ما, بالا-شاعاسىنا سەندٸ ما... وسى ولقىلىقتىڭ ورنىن تولتىرايىق, ٸزدەگەن وقىرمانى ٶتە كٶپ, جيناق ەتٸپ قۇراستىرايىق دەدٸك. ەر عالىمنىڭ, ەر جازۋشىنىڭ, ەر قالام يەسٸنٸڭ مۇراسى وسىلاي بيوبيبليوگرافييا رەتٸندە قالۋى كەرەك دەپ ويلادىق. ول كٸتاپحانادا باسشى بولىپ وتىرعان كەزٸندە, بەينەتٸ كٶپ, زەينەتٸ از, ەلگە كٶرٸنبەيتٸن كٸتاپحاناشىلارعا ٷلكەن قامقورلىقپەن, قولىنان كەلگەنشە كٶمەكتەسٸپ, ەرقايسىنىڭ ٸشكٸ پروبلەماسىن, وتباسىلىق جاعدايلارىن تٷسٸنٸپ, جۇمىس ٸستەۋگە تىرىسقان ازامات ەدٸ. سول نيەتتٸ, سول كٶڭٸلدٸ بٷگٸن بٸزدٸڭ الدىمىزدان شىعىپ جاتىر, سول ٷشٸن شەكسٸز العىسىمدى بٸلدٸرەمٸن» دەدٸ سەۋلە وتارباەۆا.
جالپى كەز كەلگەن جازۋشىنىڭ, عالىمنىڭ ەڭبەكتەرٸن بيوبيبليوگرافييالىق كٶرسەتكٸشٸن قۇراستىرۋ وڭاي ەمەس ەكەنٸن تٸلگە تيەك ەتكەن قالامگەر قالي سەرسەنباي راحىمجان وتارباەۆتىڭ ەرەكشە تالانتىن ايتا كەلە, قۇراستىرۋشىلارعا ريزاشىلىعىن بٸلدٸردٸ.
«قازاقتىڭ قارا سٶزٸن قويشا ٶرگٸزەدٸ» دەگەندەي, سونداي قويشا ٶرگٸزٸپ, قازاقتىڭ قارا سٶزٸنەن داۋىل تۇرعىزعان ازامات قوي راحاڭ. قۇداي سانا بەردٸ, قولعا قالام بەردٸ, سٶزگە بوياۋ بەردٸ. ٶزٸ ايتقانداي, راحاڭا تەڭٸرٸ شەكسٸز تالانت بەردٸ. سول تالانتىن ٶمٸرٸنٸڭ سوڭعى كٷنٸنە دەيٸن مٷمكٸندٸگٸنشە تٶكپەي-شاشپاي پايدالاندى. ەلگە قىزمەت ەتتٸ. جازۋشىنىڭ ەڭبەكتەرٸن جيناۋ وڭاي شارۋا ەمەس. ينەمەن قۇدىق قازعانداي, راحاڭنىڭ شىعارماشىلىق باستاعاننان باستاپ ەر جىلدارداعى ەڭبەكتەرٸن قۇراستىرۋ, ٸزدەۋ, تابۋ دەگەن وڭاي جۇمىس ەمەس, قاجىرلى ەڭبەكتٸ تالاپ ەتەدٸ» دەدٸ «انا تٸلٸ» گازەتٸنٸڭ باس رەداكتورى قالي سەرسەنباي.
ايتا كەتەيٸك, اتالعان شاراعا قالامگەر ر.وتارباەۆتىڭ زامانداستارى, شەكٸرتتەرٸ, جازۋشىلار, عالىمدار, قوعام قايراتكەرلەرٸ, سونىمەن قاتار باق ٶكٸلدەرٸ قاتىستى.
اقپاراتقا قوسىمشا:
راحىمجان وتارباەۆ «قازاق ەدەبيەتٸ», «جالىن», «ەگەمەن قازاقستان», «اق جايىق» باسىلىمدارىندا, تەلەۆيزييا جەنە راديوحابارلار تاراتۋ جٶنٸندەگٸ مەملەكەتتٸك كوميتەتٸندە, قازاقستاننىڭ قىرعىزستان رەسپۋبليكاسىنداعى ەلشٸلٸگٸندە, ماحامبەت اتىنداعى اتىراۋ وبلىستىق قازاق دراما تەاترىندا جاۋاپتى قىزمەتتەر اتقارعان. «قۇپييا تٷن», «جەڭگٸر حان», «جۇلدىزدار قۇلاعان جەر», «جايىق جىرى», «سوعىستىڭ سوڭعى بومباسى», «شەر», «قاراشا قازدار قايتقاندا», «اسپانداعى اق كٶبەلەكتەر», «بٸزدٸڭ اۋىلدىڭ امازونكالارى», «اينا-عۇمىر», «شىڭعىس حاننىڭ كٶز جاسى», «قىز دانايدىڭ قىرعىنى», «باس» جەنە ت.ب. كٸتاپتاردىڭ اۆتورى. شىعارمالارى ورىس, تٷرٸك, اعىلشىن, يسپان, اراب, قىتاي, ت.ب. تٸلدەرگە اۋدارىلىپ باسىلعان. «ەبۋتەلٸپ ەپەندٸ», «اباي-سوت», «مەن سٸزدٸ ساتقان جوقپىن», «عابيت», «ەن-ەمٸرە», «جاسىن عۇمىر», «جەڭگٸر حان», «باس», «سىرىم باتىر», «مۇستافا شوقاي», «ماحاببات مۇناراسى», «اينا-عۇمىر», «فاريزا مەن مۇقاعالي», «ناشاقور جايلى نوۆەللا», «اكتريسا», «ناركوم جٷرگەنوۆ» ت.ب. پەسالارى ەلٸمٸزدٸڭ جەنە شەتەل تەاترلارىندا ۇدايى قويىلىپ كەلەدٸ. «مۇحاممەد سالىق باباجانوۆتىڭ ٶمٸرٸ مەن ٶلٸمٸ», «يساتاي تايمانوۆ, «ازۋسارى مەن كٸرپٸشباي», «جەڭگٸر حان», «جۇمباقتاۋداعى قازىنا», ت.ب. كينوستسەنارييلەر جازعان. قالامگەردٸڭ شىعارماشىلىق مۇراسىنىڭ تولىق تٸزٸمٸ ۇسىنىلعان بيبليوگرافييالىق كٶرسەتكٸشتە قازٸرگٸ زامان ەدەبيەتٸن زەرتتەۋشٸلەر مەن راحىمجانتانۋشىلارعا ارنالعان عىلىمي نەگٸزدٸ ماعلۇمات مول. ايتا كەتەيٸك, راحىمجان وتارباەۆتىڭ مۇراسىن ساقتاۋ, تاراتۋ, جارنامالاۋ, شىعارۋ ماقساتىندا 2019 جىلى «راحىمجان وتارباەۆ رۋحانييات قورى» قۇرىلدى. ديرەكتورى وتارباەۆا سەۋلە.
