تٶل ەدەبيەتٸمٸزدٸڭ اسقار شىڭعا شىعۋى - ۇلى ويشىل ابايدىڭ دانالىق بولمىسىمەن تىعىز بايلانىستى. بۇل تۋرالى بٷگٸن ەلوردادا ٶتٸپ جاتقان ازييا ەلدەرٸ قالامگەرلەرٸنٸڭ تۇڭعىش فورۋمىندا قازاقستان پرەزيدەنتٸ قاسىم-جومارت توقاەۆ ايتتى, دەپ حابارلايدى قازاقپارات.
«قۇرمەتتٸ قالامگەرلەر, جازۋشىلار! قۇرمەتتٸ قاۋىم! ەڭ الدىمەن بارشاڭىزدى وسى فورۋمعا كەلگەندەرٸڭٸزگە, قاتىسقاندارىڭىزعا ريزاشىلىعىمدى بٸلدٸرەمٸن. ازييا اقىن-جازۋشىلارىنىڭ العاشقى فورۋمى قازاقستاننىڭ تۇڭعىش پرەزيدەنتٸ – ەلباسى نۇرسۇلتان نازارباەۆتىڭ باستاماسىمەن ٶتكٸزٸلۋدە. بٸزدٸڭ حالقىمىز رۋحاني مۇرالارىن ساقتاپ, ۇلتتىق تاريحىن زەرتتەۋگە, مەدەنيەتٸن جان-جاقتى قولداۋعا ەردايىم باسا مەن بەرەدٸ», - دەدٸ فورۋم جۇمىسىن اشقان قازاقستان پرەزيدەنتٸ.
مەملەكەت باسشىسى بۇل بەرٸك ۇستانىم تەۋەلسٸز قازاقستان كەزەڭٸندە جاڭا سيپات الىپ وتىرعانىن باسا ايتتى.
«قازاق ەدەبيەتٸ - حالقىمىزدىڭ سان عاسىرلىق تاريحىمەن بٸتە قايناسقان اسىل قازىنا. تۇتاس تٷركٸنٸڭ ورتاق مۇرالارى كٷلتەگٸن, تونىكٶك, بٸلگە قاعان جىرلارى مەن قورقىت اتا كٸتابى - ەدەبيەتٸمٸزدٸڭ تٷپ تامىرى. ەل-فارابي, قوجا احمەت ياساۋي سىندى ۇلى تۇلعالاردىڭ ەڭبەكتەرٸ يسلام دەۋٸرٸندە تٷركٸ جۇرتىن بٷكٸل دٷنيەگە تانىتتى. التىن وردا زامانىنداعى جىراۋلىق پوەزييا دەستٷرٸ ٶز جالعاسىن تاۋىپ كەلەدٸ. تٶل ەدەبيەتٸمٸزدٸڭ اسقار شىڭعا شىعۋى ۇلى ويشىل ابايدىڭ دانالىق بولمىسىمەن تىعىز بايلانىستى. ونىڭ شىعارمالارى - جالپى ادامزاتقا ورتاق رۋحاني جاۋھارلار», - دەدٸ قاسىم-جومارت توقاەۆ.
سونداي-اق, مەملەكەت باسشىسى قازاقستاننىڭ 61 قالامگەرٸنٸڭ تۋىندىلارى بٸرٸككەن ۇلتتار ۇيىمىنىڭ 6 تٸلٸندە جارىق كٶرەتٸنٸن ايتتى.
«بٷگٸندە تٶل ەدەبيەتٸمٸزدٸڭ كٶكجيەگٸ كەڭەيٸپ, ەلەم ەدەبيەتٸنٸڭ دامۋ كٶشٸنە قوسىلدى. قازاق قالامگەرلەرٸنٸڭ تۋىندىلارى ارقىلى دٷنيەجٷزٸ جۇرتشىلىعى ۇلتتىق رۋحانيياتىمىزدى تانىپ-بٸلۋدە. قازاقستاندىق 30 جازۋشى مەن 31 اقىننىڭ شىعارمالارى بۇۇ-نىڭ 6 تٸلٸنە اۋدارىلىپ, جارىققا شىققالى وتىر. وسى تۋىندىلار 5 قۇرلىقتاعى 90-نان استام ەلگە, ياعني, 2,5 ملرد وقىرمانعا تارايدى», - دەدٸ ق.توقاەۆ.
قازاقستان پرەزيدەنتٸنٸڭ اتاپ ٶتۋٸنشە, بۇل قازاق ەدەبيەتٸ تاريحىندا بۇرىن-سوڭدى بولىپ كٶرمەگەن بٸرەگەي وقيعا بولماق.
