پاندەمييادان كەيٸنگٸ كەزەڭدە ادامزات ٶركەنيەتٸنٸڭ ەلەۋمەتتٸك-رۋحاني دامۋى ٷشٸن ەلەمدٸك جەنە دەستٷرلٸ دٸندەر ليدەرلەرٸنٸڭ رٶلٸ ارتا تٷسەدٸ. بۇل تۋرالى ەلەمدٸك جەنە دەستٷرلٸ دٸندەر كٶشباسشىلارى سەزٸ حاتشىلىعىنىڭ حٸح وتىرىسىندا قر پارلامەنتٸ سەناتىنىڭ تٶراعاسى مەۋلەن ەشٸمباەۆ ايتتى, دەپ حابارلايدى قازاقپارات.
«الداعى ۋاقىتتا دا ەلەمدٸك جەنە دەستٷرلٸ دٸندەر ليدەرلەرٸ سەزدٸڭ مٷمكٸندٸگٸ مەن ەلەۋەتٸن تيٸمدٸ پايدالانۋىنىڭ ماڭىزى زور. بۇل قازٸرگٸ كەزەڭدە ٶتە ٶزەكتٸ. كوروناۆيرۋس پاندەميياسى ادامداردىڭ قالىپتى ٶمٸرٸن ٶزگەرتٸپ قانا قويماي ەلٸ كٷنگە دەيٸن ەلەمنٸڭ دامۋىنا كەرٸ ەسەرٸن تيگٸزۋدە. قازٸرگٸ تاڭدا COVID ٸندەتٸنەن ەلەم بويىنشا 4,5 ملن ادام كٶز جۇمدى. ودان بٶلەك, ونداعان ملن ادامنىڭ دەنساۋلىعى سىر بەردٸ. بۇۇ كەلتٸرگەن دەرەكتەر بويىنشا 2020 جىلى ەلەمدٸك ەكونوميكا 4,3 پايىزعا قىسقارعان. COVID-19 سالدارىنان ەلەمدٸك ەكونوميكاعا كەلگەن شىعىن 3,5 ترلن دوللاردان اسىپ جىعىلادى. دٷنيەجٷزٸندە ەربٸر ٷشٸنشٸ جۇمىس بەرۋشٸ جۇمىس ساعاتىن, ال شامامەن ەر 5-شٸ جۇمىس بەرۋشٸ جۇمىسشىلارىن قىسقارتۋعا مەجبٷر بولعان. سونىڭ سالدارىنان كٶپتەگەن ەلدە ەلەۋمەتتٸك پروبلەمالار ۋشىعىپ كەتتٸ. جۇمىسسىزدىق, ەلەۋمەتتٸك تەڭسٸزدٸك, قىلمىس سيياقتى كەلەڭسٸزدٸكتەر كٶبەيدٸ. دٷنيەجٷزٸلٸك بانكتٸڭ ەسەبٸ بويىنشا پاندەمييا كەدەيلٸك دەڭگەيٸندە ٶمٸر سٷرەتٸن ادام سانىن شامامەن تاعى دا 100 ملن-عا كٶبەيتكەن», - دەدٸ سەنات تٶراعاسى.
ونىڭ اتاپ ٶتۋٸنشە, ازىق-تٷلٸك باعاسىنىڭ ٶسۋٸ مەن ينفلياتسييا تابىسى تٶمەن ەلدەردەگٸ ازىق-تٷلٸك قاۋٸپسٸزدٸگٸنە ايتارلىقتاي زاردابىن تيگٸزدٸ.
«بۇۇ باعالاۋىنا سەيكەس, پاندەمييا سالدارىنان ەلەمدە اشىعۋعا مەجبٷر ادامداردىڭ سانى 83 ملن-نان 132 ملن-عا دەيٸن ٶسۋٸ ىقتيمال. وسىنداي جاھاندىق سىن-قاتەرلەرگە قارسى تۇرۋ كەزٸندە ىنتىماقتاستىق پەن ٶزارا ٸس-قيمىلعا ەشقانداي بالاما جوق. پاندەمييانىڭ باستى ساباقتارىنىڭ بٸرٸ دە وسى بولۋى كەرەك دەپ ەسەپتەيمٸز», - دەدٸ مەۋلەن ەشٸمباەۆ.
سەنات سپيكەرٸ پاندەمييانىڭ تاعى بٸر ماڭىزدى ساباعى – قوعامدا رۋحاني جەنە ادامگەرشٸلٸك قۇندىلىقتاردى كەڭٸنەن دەرٸپتەۋمەن بايلانىستى ەكەندٸگٸن باسا ايتتى.
«سوندىقتان پاندەمييادان كەيٸنگٸ كەزەڭدە ادامزات ٶركەنيەتٸنٸڭ ەلەۋمەتتٸك-رۋحاني دامۋى ٷشٸن ەلەمدٸك جەنە دەستٷرلٸ دٸندەر ليدەرلەرٸنٸڭ رٶلٸ ارتا تٷسەتٸنٸ انىق», - دەدٸ ول.
