فوتو: اشىق دەرەككٶز
ەتتٸ العان سوڭ پاكەتتٸ قوقىس جەشٸگٸنە تاستايىن دەپ جاتىر ەم, ەنەم "جۋۋ كەرەك", دەدٸ. "پاكەت جۋعانى نەسٸ", دەپ كٶزٸم باقىرايىپ تۇرعاندا, "قان جۇققان پاكەت دالادا تۇرعاندا, ونىڭ يٸسٸنە تاراقان, قۇمىرسقا كٶپ جينالادى", دەدٸ.
"تۋۋ, ماما, ەندٸ قوقىستى دا قوقىسقا تازالاپ سالامىز با, ونسىز دا شۆەيتسارييالىقتار قۇساپ سۇرىپتايمىز عوي", دەدٸم كٷلٸپ. ەنەم جىميدى. ول كٸسٸنٸڭ سٶزٸمەن ەرەكەتٸ ەشقاشان بٶلەك جٷرمەيتٸنٸن بٸلەم, نەنٸ بولسىن بٸلٸپ ايتادى. پاكەتتٸ تەز تەز جۋىپ, قوقىسقا سالدىم.
بٸزدٸڭ ٷيدە بۇرىننان كەلە جاتقان ەدەت بار, قوقىستى ٷيدەن سۇرىپتاۋ. ونى اۆتوماتتى تٷردە ٸستەيمٸز, ەشكٸم اناۋ ايتقانداي سۇرىپتاپ وتىرمايدى.
قوقىسقا بٸرنەشە پاكەت ارنايمىز: تاماق قالدىقتارىنا بٶلەك, قاعازعا بٶلەك, بۋتىلكاعا بٶلەك جەنە جەمٸس-جيدەك, كٶكٶنٸسكە, پلاستيككە بٶلەك تۇرادى.
شەيدٸڭ قالدىعى, بانان مەن جۇمىرتقانىڭ قابىعىن بٶلەك بٸر پاكەتكە سالامىز. ول باۋ-باقشاعا كەتەدٸ. توپىراقتىڭ قۇنارلىعىن ارتتىرادى. كالتسيي مەن ۆيتامين جەمٸس اعاشتارىنا دا كەرەك. جۇمىرتقانىڭ قابىعى مەن بانان تۋرالى بٸرنەشە جىل بۇرىن عالىم بوقاشتان ەستٸگەن ەم, سودان بەرٸ ولاردى كەدەگە جاراتىپ كەلەمٸز.
بۇل تەرتٸپ ەشقاشان بۇزىلمايدى. بٸرٸنٸكٸنە بٸرٸ كەتٸپ قالمايدى. تەك قوناق كەلگەندە بٸلمەستٸكتەن بٸرەۋ سالا سالماسا, ٷيدە بەرٸ وسى تەرتٸپپەن سالادى.
جەمٸس - جيدەك, كٶكٶنٸستٸڭ قالدىقتارىن كٶرشٸمٸزدٸڭ قوياندارىنا بەرەمٸز, ونى كەلٸسٸلگەن ورىنعا قويامىز, ٶزدەرٸ اپتاسىنا 2-3 رەت كەلٸپ, الىپ كەتەدٸ. تاماق قالدىقتارى - يتتٸكٸ.
ارتىق كيٸمدەر دە جٶنەلتٸلەدٸ. قاعاز ماكۋلاتۋرا قابىلدايتىن جەرگە كەتەدٸ. قالعانىن الىپ كەتەدٸ.
ادامزات قالدىقسىز ٶمٸر سٷرۋگە ٷيرەنۋٸ كەرەك, ياعني ىسىراپسىز. دالاعا شاشپاي, تٶكپەي, كەرەگٸن عانا پايدالانۋ - سانالى ادامنىڭ ٸسٸ.
ول ٷشٸن تاماقتى, كيٸمدٸ, باسقا زاتتى دا كەرەگٸنشە عانا الىپ ٷيرەنۋ كەرەك. بالالاردى دا سوعان ٷيرەتۋ قاجەت. سەن اي سايىن ٶزگەرەدٸ, كيٸم, زات الا بەرگەننەن قوقىس كٶبەيەدٸ.
جەر بەتٸن قوقىستان تازالاۋدىڭ تٶتە جولى - بارىنشا قالدىقسىز پايدالانۋ. اۋانى, ەكوسيستەمانى تازا ۇستاۋدى ويلاۋ كەرەك. ٶز دەنساۋلىعىمىز ٷشٸن, بولاشاق ٷشٸن.
اۆتورى: جانار شامەل
