«كٶكشەتاۋ قالالىق كٶپبەيٸندٸ اۋرۋحاناسى» شجق مكك «قازاقستاننىڭ ەڭبەك ەرٸ» اتاعى, التىن جۇلدىز بەن «وتان» وردەنٸ تاپسىرىلعان مارقۇم دەرٸگەر ولەگ يساەۆ تۋرالى ەستەلٸك ايتتى, دەپ حابارلايدى قازاقپارات.
يساەۆ ولەگ نيكولاەۆيچ 1967 جىلى شىعىس قازاقستان وبلىسى, سەمەي قالاسىندا تۋعان. 1994 جىلى سەمەي مەملەكەتتٸك مەديتسينا ينستيتۋتىن «ەمدەۋ ٸسٸ» ماماندىعى بويىنشا بٸتٸرگەن. 2000 جىلدان باستاپ قازٸرگٸ ۋاقىتقا دەيٸن كٶكشەتاۋ قالالىق اۋرۋحاناسىندا جۇمىس ٸستەدٸ. 2006 جىلدان باستاپ قايتىس بولعانشا – انەستەزيولوگييا جەنە قارقىندى تەراپييا بٶلٸمٸنٸڭ مەڭگەرۋشٸسٸ بولعان. 2010 جىلى قازاقستان رەسپۋبليكاسىنىڭ دەنساۋلىق ساقتاۋ ٸسٸنٸڭ ٷزدٸگٸ اتانعان.
«ۇجىمدا جۇمىس ٸستەگەن ۋاقىتىندا ول ٶزٸن جوعارى بٸلٸكتٸ مامان رەتٸندە كٶرسەتتٸ. ماقساتتى, جٸگەرلٸ, اقكٶڭٸل, مەيٸرٸمدٸ, ۇيىمداستىرۋشى, ٸزدەنٸمپاز بولدى. «انەستەزيولوگييا جەنە قارقىندى تەراپييا», «ينتەنسيۆتٸ تەراپييا حابارشىسى» مەرزٸمدٸ باسىلىمدارىندا رەتسەنزييا مەن پٸكٸرتالاستار ٶتكٸزدٸ. انەستەزيولوگتار مەن رەانيماتولوگتار قوعامىنىڭ جۇمىسىنا بەلسەندٸ قاتىستى, «قالالىق اۋرۋحانادا از اعىمدى انەستەزييانى قولدانۋ تەجٸريبەسٸ», «ميوكارد ينفاركتٸمەن اۋىراتىن ناۋقاستاردا ترومبوليزدٸك تەراپييا», «الكوگولمەن ۋلانۋ», «جەلدەتۋدٸڭ زاماناۋي رەجيمدەرٸ» تاقىرىپتارىندا بايانداما جاسادى. ەكك عىلىمي-پراكتيكالىق كونفەرەنتسييالارعا, پاتولوگييالىق جەنە اناتومييالىق كونفەرەنتسييالارعا قاتىستى. ماقالالارى «مەديتسينا» جۋرنالىندا, عىلىمي ەڭبەكتەر جيناعىندا ٷنەمٸ جارييالانىپ تۇردى. ولەگ نيكولاەۆيچ قازاقستانداعى انەستەزيولوگ دەرٸگەرلەردٸڭ وندىعىندا بولدى. كٶكشەتاۋ قالالىق كٶپبەيٸندٸ اۋرۋحاناسى – بٸرەگەي, زاماناۋي مەديتسينالىق جابدىقتارمەن جابدىقتالعان مەديتسينالىق ۇيىمداردىڭ بٸرٸ», - دەپ جازىلعان ەستەلٸكتە.
COVID-19 كوروناۆيرۋستىق ينفەكتسيياسىمەن كٷرەس باستالعان سەتتە-اق ولەگ يساەۆ ٶزٸنٸڭ كەسٸبي مٸندەتٸن ادال اتقاردى.
«كٷنٸنە بٸرنەشە ادام كٶز جۇمعان سەتتەر دە بولدى. ولەگ نيكولاەۆيچ ەرٸكتٸ تٷردە ٷيٸنەن اۋرۋحاناعا كەلٸپ, جۇمىس ورنىندا 12 ساعاتتان استام تۇرىپ, پاتسيەنتتەردٸڭ ٶمٸرٸن ساقتاپ قالدى. ادامداردىڭ قايعى-قاسٸرەتٸ مەن ٶلٸمدٸ كٶرٸپ, دەرٸگەردٸڭ ٶزٸ دە پسيحولوگييالىق كٷيزەلٸسكە تٷستٸ. سالدارىنان ٶز اعزاسىنىڭ قورعانىش قاسيەتتەرٸ تٶمەندەدٸ. ونىڭ جەكە ەرلٸگٸ, باعا جەتپەس قىزمەتٸ مەن ەڭبەگٸ مەديتسينا قىزمەتكەرلەرٸ ٷشٸن ەردايىم ٷلگٸ بولادى. ولەگ يساەۆ پاندەمييامەن كٷرەستە ادامداردىڭ ٶمٸرٸن ساقتاي وتىرىپ, ٶز ٶمٸرٸن بەردٸ», - دەيدٸ ەرٸپتەستەرٸ.
