فوتو: prokuror.gov.kz
سىبايلاس جەمقورلىققا قارسى ٸس-قيمىل اگەنتتٸگٸنٸڭ تٶراعاسى مارات احمەتجانوۆ قازاقستاندا پارا بەرۋ قالىپتى جاعدايعا اينالىپ بارا جاتقانىن ايتتى, دەپ حابارلايدى Sputnik قازاقستان.
ايتۋىنشا, بٷگٸندە سىبايلاس جەمقورلىق قىلمىسىنىڭ سيپاتى ٶزگەرگەن. جەمقورلار جاڭا زامانعا بەيٸمدەلدٸ.
"جەمقورلىق سحەمالارىندا ايلا-تەسٸل كٶبەيٸپ, اقىلدى, جٷيەلٸ بولا تٷستٸ. باسقاشا ايتقاندا, بيۋروكراتييالىق كەدەرگٸلەر ەدەيٸ جاسالىپ, زاڭسىز بايۋ ماقساتىندا ەرەجەلەر كٷردەلەنە تٷسۋدە. ال لاۋازىمدى تۇلعالاردىڭ فۋنكتسيونالدىق مٸندەتتەرٸندە ولاردى جاۋاپكەرشٸلٸكتەن بوساتاتىن ولقىلىقتار مەن ايلا-امالدار قاراستىرىلعان", - دەيدٸ ول ورتالىق كوممۋنيكاتسييالار قىزمەتٸندە ٶتكەن بريفينگتە.
وسىلايشا ادامدى پارا بەرۋگە مەجبٷرلەيتٸن جاعداي قولدان جاسالادى. جەكەلەگەن ازاماتتارعا ٶز پروبلەماسىن مۇنداي جولمەن شەشكەن وڭاي. ٶكٸنٸشكە قاراي, پارا بەرۋ قالىپتى جاعدايعا, ٶمٸر سالتىنا اينالىپ بارادى, دەيدٸ اگەنتتٸك تٶراعاسى.
مەسەلەن, ونىڭ مەلٸمەتٸنشە, 2015 جىلى "پارا بەرۋ" بابى بويىنشا فاكتٸلەر بارلىق تٸركەلگەن قىلمىستىڭ نەبەرٸ 10 پروتسەنتٸن قۇراسا, بيىل كٶرسەتكٸش ٷشتەن بٸردٸ قۇراعان.
"ياعني, ادامدار شەنەۋنٸكتەردٸ سانالى تٷردە پارامەن ساتىپ الادى. كٶبٸنە ولار تٷرلٸ رۇقسات, مەملەكەتتٸك قىزمەت, مەملەكەتتٸك ساتىپ الۋداعى جەڭٸس جەنە تاعى باسقا ٷشٸن پارا بەرەدٸ. سول سەبەپتٸ سىبايلاس جەمقورلىققا قارسى شارالاردى قايتا قاراۋ تالاپ ەتٸلەدٸ", - دەدٸ ول.
ايتۋىنشا, قازٸر قولدانىستاعى سالالىق زاڭنىڭ ماقساتى – جەمقورلىقپەن كٷرەس ەمەس, وعان قارسى ٸس-قيمىل.
"ٸس-قيمىل" سٶزٸنٸڭ ماعىناسى تەرەڭ: بۇل سىبايلاس جەمقورلىق سەبەپتەرٸن تٷپ-تامىرىمەن جويۋعا باعىتتالعان قىلمىستىق جەنە پروفيلاكتيكالىق شارالار كەشەنٸ. ياعني, قىلمىسكەرلەردٸ ۇستاۋ عانا ەمەس, مەملەكەتتٸك باسقارۋدىڭ كەم-كەتٸكتەرٸن جويۋ. سول سەبەپتٸ بٸز سالدارمەن كٷرەسۋدەن جەمقورلىق تەۋەكەلدەرٸن جويۋ جەنە قىلمىستىق سحەمانى اشۋعا كٶشەمٸز", - دەدٸ ول.
