قر پارلامەنتٸ مەجٸلٸسٸنٸڭ دەپۋتاتى ساۋىتبەك ابدراحمانوۆ قوردايداعى جانجالعا قاتىستى پٸكٸر بٸلدٸردٸ, دەپ حابارلايدى قازاقپارات.
«وسىدان بٸر جارىم عاسىرداي ۋاقىت بۇرىن قىتايدا تسين بيلٸگٸنە قارسىلىق كٶتەرٸلٸسٸ ٶتكەن. ول كٶتەرٸلٸس اياۋسىزدىقپەن باسىپ-جانشىلعان. كٶتەرٸلٸسكە شىققاندار مۇسىلمان دٸنٸن ۇستانعانى ٷشٸن قۋدالانعان, قورلانعان دٷنگەندەر ەدٸ. اقىرى ولار قازاق جەرٸنە كٶشٸپ, باۋىرمال بابالارىمىزدان پانا تاپتى. سودان بەرٸ ورتاق تاعدىر كەشٸپ كەلەمٸز. الدىڭعى جىلى بٸز, پارلامەنت مەجٸلٸسٸنە قازاقستان حالقى اسسامبلەياسىنان سايلانعان بٸر توپ دەپۋتاتتار, جامبىل وبلىسىنىڭ قورداي اۋدانىنا بارىپ, دٷنگەندەردٸڭ قازاق جەرٸنە كٶشٸپ كەلۋٸنٸڭ 140 جىلدىعىنا ارنالعان سالتاناتتى ٸس-شاراعا قاتىسىپ قايتقان بولاتىنبىز. سول جولى ەلٸمٸزدەگٸ ەتنوستاردىڭ جاراسىمدى تٸرلٸگٸنە تاعى دا كٶز جەتكٸزگەنبٸز. مٸنە, دەل سول جەردەن جان اۋىرتاتىن جامان حابار جەتٸپ, جٷرەگٸمٸز سىزداپ تۇر», - دەدٸ مەجٸلٸس دەپۋتاتى.
ساۋىتبەك ابدراحمانوۆ قورداي اۋدانىنىڭ جەكەلەگەن ەلدٸ مەكەندەرٸندە جاپپاي تٶبەلەس بولىپ, ونىڭ اياعى ادام ٶلٸمٸنە ەكەلٸپ سوقتىرعانىن, ٷيلەر ٶرتەلٸپ, كٶلٸكتەر قيراتىلعانىن اتاپ ٶتتٸ. ونىڭ ايتۋىنشا, قازٸر وقيعانىڭ شىعۋ سەبەپتەرٸن, زارداپتارىن, ناقتى كٸنەلٸلەردٸ انىقتايتىن ٷكٸمەتتٸك كوميسسييا قۇرىلىپ, بۇل مەسەلە مەملەكەت باسشىسىنىڭ تٸكەلەي باقىلاۋىندا تۇر.
«ول وقيعا قالاي بولسا دا, مىنا جايدىڭ باسى اشىق: ادامدار اراسىنداعى كەلٸسپەۋشٸلٸككە ەتنوستار اراسىنداعى كەلٸسپەۋشٸلٸك سيپاتىن بەرۋدٸڭ ەشقانداي زاڭدىق نەگٸزٸ جوق جەنە بولۋى دا مٷمكٸن ەمەس. قازاقستان حالقىنىڭ عاسىرلار بويى قالىپتاسقان دەستٷرلٸ دوستىعىنىڭ بەرٸكتٸگٸ داۋ تۋعىزبايدى. سونىمەن بٸرگە ورىن العان ولقىلىقتارعا باعا بەرۋدٸ, كٸنەلٸلەردٸ جازالاۋدى جەكەلەگەن ادامداردىڭ ٶز قولىنا الۋعا تىرىسۋىنىڭ دا زاڭسىزدىعىن باسا ايتۋ كەرەك. مەملەكەتتەگٸ زاڭدىلىقتى ساقتاۋعا مەملەكەتتٸڭ ەلەۋەتتٸ قۇرىلىمدارى مٸندەتتٸ جەنە ولار بۇعان قابٸلەتتٸ. ول قۇرىلىمدارعا سەنٸمسٸزدٸك كٶرسەتۋدٸڭ ەشقانداي رەتٸ كەلمەيدٸ. سونىمەن قاتار, وسىنداي وقىس وقيعالار تۇسىندا وتقا ماي قۇياتىنداردىڭ, جەردەن جەتٸ قويان تاپقانداي الاۋلاتىپ, جالاۋلاتىپ جٶنەلەتٸندەردٸڭ, جۇرتتى جەلٸكتٸرٸپ جٸبەرەتٸندەردٸڭ كٶبەيٸپ كەتەتٸنٸ, ولاردىڭ ەلەۋمەتتٸك جەلٸلەردەگٸ جاۋاپسىزدىعى ادامدار تراگەديياسىنا سەبەپكەر بولاتىندىعى تاعى بار. تيٸستٸ ورىندار ەلەۋمەتتٸك جەلٸلەرگە, مەسسەندجەرلەرگە مونيتورينگ جاساپ, حالىقتى ارانداتۋشىلاردى انىقتاۋعا, تيٸستٸ قۇقىقتىق باعاسىن بەرۋگە تيٸس. «قۇلاق بۇزىلسا, قۇلىق بۇزىلادى» دەگەندٸ بٸزگە ابىز اعامىز ەبٸش كەكٸلباەۆ ەسكەرتٸپ كەتكەن بولاتىن», - دەدٸ ساۋىتبەك ابدراحمانوۆ.
بۇعان دەيٸن جامبىل وبلىسىنىڭ قورداي اۋدانىنداعى ماسانچي اۋىلىنىڭ تۇرعىندارى اراسىندا جاپپاي تٶبەلەس بولعانىن حابارلاعان بولاتىنبىز.
كٶپ ۋاقىت ٶتپەي پرەزيدەنت قاسىم-جومارت توقاەۆ جامبىل وبلىسى قورداي اۋدانىندا بولعان جاپپاي تٶبەلەسكە قاتىستى پٸكٸر بٸلدٸردٸ.
«جامبىل وبلىسى قورداي اۋدانىندا بۇزاقىلىق سيپاتتاعى جاپپاي تٶبەلەس بولدى. ونى ارانداتۋشىلار ٶز پايداسىنا قولدانباق بولعان. پوليتسييا جاعدايدى رەتتەپ, ٶز باقىلاۋىنا الدى. قوعامدىق تەرتٸپتٸ بۇزعاندار جاۋاپكەرشٸلٸككە تارتىلادى», دەپ جازدى قاسىم-جومارت توقاەۆ Twitter-دەگٸ پاراقشاسىندا.
ال بٷگٸن مەملەكەت باسشىسى جامبىل وبلىسىنداعى وقيعاعا بايلانىستى مەلٸمدەمە جاسادى.
