تٷركٸستان وبلىسىنىڭ پوليتسەيلەرٸ ادام ٶلتٸرگەنٸ ٷشٸن 4 جىلدان بەرٸ ٸزدەۋدە جٷرگەن قىلمىسكەردٸ رەسەي استاناسى مەسكەۋ قالاسىنان ۇستادى, دەپ حابارلايدى "ۇلت اقپارات" تٷركٸستان وبلىسى پوليتسييا دەپارتامەنتٸنە سٸلتەمە جاساپ.
سارىاعاش اپب-نٸڭ پوليتسەيلەرٸ تو پد-نٸڭ كريمينالدى پوليتسييا قىزمەتكەرلەرٸمەن بٸرگە 4 جىلعا جۋىق ٸزدەستٸرۋدە جٷرگەن, اسا اۋىر قىلمىس جاساعان جەرگٸلٸكتٸ تۇرعىندى ۇستادى.
2015 جىلى مامىر ايىندا تٷنگٸ ۋاقىتتا سارىاعاش اۋداندىق ٸشكٸ ٸستەر بٶلٸمٸنٸڭ كەزەكشٸ بٶلٸمشەسٸنە اۋىلداردىڭ بٸرٸندەگٸ ەمحاناعا «ەكٸ اياعىنا وق تيٸپ جاراقات العان» ەر ادامنىڭ دەنەسٸ جەتكٸزٸلگەندٸگٸ تۋرالى حابارلاما كەلٸپ تٷسەدٸ.
تەكسەرۋ بارىسىندا, بٸر اۋىلدىڭ ەكٸ تۇرعىنى اراسىندا تٷسٸنبەۋشٸلٸك تۋىنداپ, سوڭى ەرەگٸسكە ۇلاسقاندىعى بەلگٸلٸ بولادى. بٸر تۇرعىن ەكٸ تانىسىنىڭ كٶزٸنشە, ەرەگەسكەن ادامدى قوس اۋىز مىلتىقپەن اتىپ ٶلتٸرگەن.
اتالعان جايت بويىنشا قر قك 99-بابى «ادام ٶلتٸرۋ» بويىنشا قىلمىستىق ٸس قوزعالعان.
اسا اۋىر قىلمىس جاساعان تۇرعىن تەرگەۋدەن بوي تاسالاپ جٷرگەندٸكتەن وعان حالىقارالىق دەڭگەيدە ٸزدەستٸرۋ جارييالايدى.
سارىاعاش اپب پوليتسەيلەرٸ ادام ٶلتٸرگەن كٷدٸكتٸنٸڭ رەسەي فەدەراتسيياسىنىڭ مەسكەۋ قالاسىندا جٷرگەندٸگٸن انىقتاپ, ۇستالادى.
1 شٸلدەدە ول رەسەيدەن شىمكەنت قالاسىنداعى يچ-167/11 مەكەمەسٸنە جەتكٸزٸلدٸ.
قازٸرگٸ تاڭدا سارىاعاش اپب تەرگەۋ بٶلٸمشەسٸ وسى قىلمىستىق ٸسكە بايلانىستى تەرگەۋ امالدارىن جٷرگٸزۋدە.
