ەلەم چەمپيوناتىنىڭ جەڭٸمپازىن عانا ەمەس, فرانتسييا-حورۆاتييا ماتچىنىڭ ەسەبٸن دە دەل تاپقان الماتى تۇرعىنى از عانا تٸككەن اقشاسىن (1000 تەڭگە) ەسەلەپ, 135 مىڭ تەڭگە جەڭٸپ الدى, دەپ جازادى sputniknews.kz.
رەسەي ازاماتى ەلەنا روگوجينا بٸشكەكتەن الماتىعا بٸرنەشە جىل بۇرىن كٶشٸپ كەلگەن. ٶمٸرٸن, اينالاسىن ٶزگەرتكٸسٸ كەلٸپتٸ. قالاعا كەلگەن سوڭ تۇرمىستىق تەحنيكا مەن ەلەكتروندى قۇرىلعى ساتاتىن ٸرٸ كومپانيياعا جۇمىسقا تۇرعان ەكەن.
بۇدان بۇرىن سپورتقا ەشقانداي ەۋەستٸگٸ بولماپتى. بٸراق ەرٸپتەسٸ بۋكمەكەرلٸك كەڭسەنٸڭ تٷبٸرتەگٸن كٶرسەتكەندە بەرٸ ٶزگەرەدٸ. گەرمانييا – وڭتٷستٸك كورەيا ماتچىندا 2:0 ەسەبٸمەن كەرٸستەر جەڭەدٸ دەپ 2,5 مىڭ تەڭگە تٸككەن جٸگٸت 300 مىڭ تەڭگە ۇتىسقا كەنەلگەن.
"تٸپتٸ ازداپ ٸشٸم كٷيٸپ كەتتٸ", — دەيدٸ ەلەنا روگوجينا. — "مەن نە ودان كەممٸن بە?" دەپ ويلادىم. سٶيتٸپ, بۋكمەكەرلٸك كەڭسەگە كەلدٸك. بارلىق مٷمكٸن ۇتىستى قاراپ شىقتىم. فرانتسييا 6:0 ەسەبٸمەن جەڭسە, مىڭ تەڭگەنٸ جارتى ميلليون قىلىپ ٶسٸرٸپ الۋعا بولاتىن ەدٸ. بٸراق, ەشتەڭە بٸلمەسەم دە, مۇنداي جايتتىڭ بولۋى مٷمكٸن ەمەس ەكەنٸن تٷسٸندٸم. فرانتسييا 3:1 ەسەبٸمەن جەڭەتٸنٸنە 1 مىڭ تەڭگە تٸكسەم, باعىم جانسا, 23 مىڭ تەڭگە ۇتار ەدٸم. سوندىقتان, بارلىق بولجامدى قاراپ, 4:2 دەگەن ەسەپتٸ تاڭدادىم. كوەففيتسيەنتٸ جاقسى ەدٸ".
ەلەنا قاتەلەسپەپتٸ. "فرانتسييا مەنٸ وسىلايشا بايىتىپ جٸبەردٸ", — دەيدٸ ەلەنا ولجاعا كەنەلتكەن تٷبٸرتەگٸن كٶرسەتٸپ.
