1 قىركٷيەكتەن باستاپ ەبۋ-دابي ەمٸرلٸگٸ بٸرٸككەن اراب ەمٸرلٸكتەرٸنٸڭ (باە) استاناسىنا كەلۋشٸ, قازٸرگٸ كەزدە جاسىل تٸزٸمگە كٸرگەن 55 مەملەكەت ٷشٸن مٸندەتتٸ كارانتين شارالارىن الىپ تاستايدى, دەپ حابارلايدى قازاقپارات Gulf Today باسىلىمىنا سٸلتەمە جاساپ.
بۇعان دەيٸن باە 30 تامىزدان باستاپ دٷنيەجٷزٸلٸك دەنساۋلىق ساقتاۋ ۇيىمىنىڭ كوروناۆيرۋسقا قارسى ماقۇلداعان ۆاكتسينانى سالدىرتقان ەلدەردٸڭ ازاماتتارىنا تۋريستٸك ۆيزانى قايتا بەرەتٸنٸن جارييا ەتكەن بولاتىن. بۇل شەشٸم بۇعان دەيٸن ەمٸرلٸكتەرگە كٸرۋگە تىيىم سالىنعان ەلدەرگە تارالادى. ەندٸ بۇل ەلدەردٸڭ ازاماتتارى ەۋەجايدا مٸندەتتٸ تٷردە پتر-تەست تاپسىرۋى تيٸس بولادى.
ۆاكتسينا سالدىرتپاعان ەلدەردٸڭ ازاماتتار توبىنا قاتىستى بۇعان دەيٸن ەنگٸزٸلگەن ەرەجەلەر ٶز كٷشٸندە قالادى. پتر-تەست تاپسىرۋ مٸندەتتٸ, الايدا ۆاكتسينا العان ازاماتتار بٸرقاتار جەڭٸلدٸكتەر الادى. ەلدە قىتايلىق Sinopharm كورپوراتسيياسى مەن امەريكاندىق Pfizer كومپانيياسىنىڭ نەمٸستٸڭ BioNTech سەرٸكتەسٸمەن بٸرلەسٸپ شىعارعان ۆاكتسينالارى, سونداي-اق ددسۇ ەلٸ ماقۇلداماعان رەسەيلٸك «سپۋتنيك V» ۆاكتسينالارى قولجەتٸمدٸ.
قازٸرگٸ كەزدە باە-دا كوروناۆيرۋس جۇقتىرعاندار سانى تەۋلٸگٸنە مىڭ ادامنان اسپاي وتىر.
