1 qyrkúiekten bastap Ábý-Dabi Ámirligi Birikken Arab Ámirlikteriniń (BAÁ) astanasyna kelýshi, qazirgi kezde jasyl tizimge kirgen 55 memleket úshin mindetti karantin sharalaryn alyp tastaidy, dep habarlaidy QazAqparat Gulf Today basylymyna silteme jasap.
Buǵan deiin BAÁ 30 tamyzdan bastap Dúniejúzilik Densaýlyq saqtaý uiymynyń koronavirýsqa qarsy maquldaǵan vaktsinany saldyrtqan elderdiń azamattaryna týristik vizany qaita beretinin jariia etken bolatyn. Bul sheshim buǵan deiin Ámirlikterge kirýge tyiym salynǵan elderge taralady. Endi bul elderdiń azamattary áýejaida mindetti túrde PTR-test tapsyrýy tiis bolady.
Vaktsina saldyrtpaǵan elderdiń azamattar tobyna qatysty buǵan deiin engizilgen erejeler óz kúshinde qalady. PTR-test tapsyrý mindetti, alaida vaktsina alǵan azamattar birqatar jeńildikter alady. Elde qytailyq Sinopharm korporatsiiasy men amerikandyq Pfizer kompaniiasynyń nemistiń BioNTech seriktesimen birlesip shyǵarǵan vaktsinalary, sondai-aq DDSU áli maquldamaǵan reseilik «Spýtnik V» vaktsinalary qoljetimdi.
Qazirgi kezde BAÁ-da koronavirýs juqtyrǵandar sany táýligine myń adamnan aspai otyr.
