ەنشٸ قاراقات ەبٸلدينا ٷيٸندە قازاق ەستراداسىنا تانىمال ابك توبىنىڭ مٷشەلەرٸ باس قوسىپ, ٶتكەن كٷندەردٸ ەسكە العانىن ايتىپ, پاراقشاسىندا جازبا جارييالادى, دەپ حابارلايدى ult.kz.
«بٷگٸن بٸزدٸڭ ٷيگە ابك-نىڭ سەرٸلەرٸ ات باسىن تٸرەدٸ… بۇل ازاماتتاردى تانىعانىما بيىل تۋرا 30 جىل ەكەن. ابك توبىنىڭ قۇرىلعانىنا دا — 30 جىل», – دەپ جازدى قاراقات ەبٸلدينا.
قاراقاتتىڭ ايتۋىنشا, ابك توبىنىڭ ەندەرٸ ونىڭ ستۋدەنتتٸك شاعىمەن تىعىز بايلانىستى.
«ابك-نىڭ ەندەرٸمەن ستۋدەنتتٸك شاعىم ٶتتٸ. ولاردى كٶرگەن سايىن كٶز الدىما بال-بۇل جايناعان 18 جاسىم كەلەدٸ… ارمان كٶپ, ۋايىم از, كٶڭٸل الاڭسىز كەز. قانداي شاقتار ەدٸ…» – دەپ ەسكە الدى ول.
داستارقان باسىندا وتىرعان جاندار 30 جىل بۇرىنعى كٷندەردٸ بٸر-بٸرلەپ ەسكە الىپ, بٸرگە جٷرگەن دوستارىن سٶز ەتكەن. بٸردە كٷلٸپ, بٸردە كٷرسٸنٸپ, ٶمٸردەن ٶتكەن جاقىندارىن دا ەسكە الدى.
سولاردىڭ بٸرٸ – مەدەۋ ارىنباەۆتىڭ جارى ايگٷل. قاراقات ەبٸلدينا مارقۇممەن تۋعان ابىسىندارداي جاقىن ارالاسقانىن ايتىپ, ونىڭ جارقىن بەينەسٸن ەسكە الدى.
«ايگٷلمەن تۋعان ابىسىندارداي جاقىن ارالاستىق. جانى سونداي جاقسى ادام ەدٸ… ٶكٸنٸشكە قاراي, عۇمىرى قىسقا بولدى. يمانى جولداس, جانى جەنناتتا بولسىن! كٶرمەگەن جاقسىلىعىن ارتىندا قالعان ۇل مەن قىزىنا كٶرۋ بۇيىرسىن!» – دەپ جازدى ەنشٸ.
باسقوسۋ بارىسىندا ەرلان كٶكەەۆ پەن اناردىڭ وتباسى تۋرالى دا سٶز بولعان. قاراقات ولاردىڭ بٷگٸندە ەكٸ رەت قۇدا-قۇداعي اتانعانىن ايتىپ, قىزىق جايتتى بٶلٸستٸ. ەكٸ وتباسىنىڭ قىزدارى بٸر ەۋلەتكە كەلٸن بولىپ, ابىسىن اتانعان. بۇعان ەنشٸ تاڭدانىسىن جاسىرا الماي:
«ٶمٸر دەگەن قانداي قىزىق?!..» – دەدٸ ول.
ەنشٸ ۋاقىتتىڭ قالاي زىمىراپ ٶتكەنٸن ٶز وتباسىنداعى ەستەلٸكپەن دە بايلانىستىردى.
«كەشە عانا بٸزدٸڭ ٷيلەنۋ تويىمىزدا مەنٸڭ توي كٶيلەگٸمنٸڭ ەتەگٸن ۇستاپ جٷرگەن 4-5 جاستاعى ايكامىز بٸر ەۋلەتتٸڭ ٷلكەن كەلٸنٸ اتانىپ وتىر. قىزدارىمىزدىڭ بارعان جەرٸندە باعى جانىپ, باقىتتارى باياندى بولسىن!» – دەپ تٸلەك بٸلدٸردٸ قاراقات ەبٸلدينا.
ەنشٸ ٷشٸن بۇل كەزدەسۋ 30 جىلدىق تاريحتى قايتا پاراقتاعانداي ەسەر قالدىرعان.
«30 جىل… وسى بٸر ساننىڭ ٸشٸندە قانشاما ٶمٸر جاتىر دەسەڭٸزشٸ. جاستىق شاق, دوستىق…» – دەپ جازدى ول.
