سىرتتاي 20 جىلعا سوتتالعان بتا بانكٸنٸڭ بۇرىنعى باسشىسى مۇحتار ەبٸليازوۆتٸڭ سىبايلاستارى ٶز ەرٸكتەرٸمەن قازاقستانعا ورالدى. بۇل تۋرالى بٷگٸن قر سىبايلاس جەمقورلىققا قارسى ٸس-قيمىل اگەنتتٸگٸ اسا ماڭىزدى قىلمىستىق ٸستەردٸ تەرگەۋ دەپارتامەنتٸنٸڭ باسشىسى سەرگەي پەروۆ ايتتى, دەپ حابارلايدى قازاقپارات.
«2017 جىلدىڭ 7 ماۋسىمىندا الماتى قالاسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتى ۇيىمداسقان قىلمىستىق توپقا باسشىلىق جاساپ, بتا بانكٸنٸڭ 7,5 ملرد دوللار قاراجاتىن ۇرلاعانى ٷشٸن باستى فيگۋرانت مۇحتار ەبٸليازوۆتٸ 20 جىلعا باس بوستاندىعىنان ايىردى. قابىلدانعان شارالاردىڭ ارقاسىندا بتا بانكٸنەن شامامەن 2 ملرد دوللار قايتارىلدى» دەدٸ ول.
ونىڭ اتاپ ٶتۋٸنشە, اتالعان قىلمىستىق ٸس بويىنشا 42 ادام سوتتالعان. سوڭعى ۋاقىتتا ٸزدەۋدە بولعان 10 ادام ٶز ەرٸكتەرٸمەن قازاقستانعا كەلگەن. ولاردىڭ قاتارىندا جاقسىلىق جەرٸمبەتوۆ, سەدۋاقاس مەمەش, قايرات سادىقوۆ سىندى بتا-نىڭ توپ-مەنەدجەرلەرٸ بار.
«ولاردىڭ بارلىعىن سوت كٸنەلٸ دەپ تانىدى. دەگەنمەن, كٸنەلارىن تولىق مويىنداپ, تەرگەۋ امالدارىنا كٶمەك كٶرسەتكەندەرٸ ٷشٸن ولارعا شارتتى تٷردە جازا تاعايىندالدى. بيىلعى جىلعى مامىردا قازاقستانعا ٶز ەرٸكتەرٸمەن ورالعان 7 تۇلعاعا قاتىستى تەرگەۋ امالدارى اياقتالدى. ولاردىڭ قاتارىندا ەبٸليازوۆ باقىلاۋىندا بولعان «يپگ ەۆرازييا», «ەۆرازييا سيتي» جەنە «سلاۆينۆسەتبانك» كومپانييالارى ديرەكتورلار كەڭەسٸنٸڭ بۇرىنعى تٶراعاسى ارتۋر تروفيموۆ بار» دەدٸ سەرگەي پەروۆ.
