سپورتتىڭ باسىم باعىتتارى بويىنشا قارجىلاندىرۋ ليميتٸن زاڭنامالىق دەڭگەيدە قاراستىرۋ قاجەت. بۇل تۋرالى پارلامەنت مەجٸلٸسٸ ەلەۋمەتتٸك-مەدەني دامۋ كوميتەتٸنٸڭ تٶرايىمى گٷلشارا ەبدٸقالىقوۆا مەلٸم ەتتٸ, دەپ حابارلايدى "ۇلت اقپارات".
«قولدانىستاعى نورماتيۆتەردٸ قايتا قاراپ, ەربٸر ەلدٸ مەكەننٸڭ سپورت عيماراتىنا دەگەن ناقتى قاجەتتٸلٸگٸنە تالداۋ جٷرگٸزگەن دۇرىس دەپ ەسەپتەمٸز. بٷگٸندە سپورت سالاسىندا مەملەكەتتٸك-جەكەشەلٸك ەرٸپتەستٸك باعىتىندا 105 جوبا عانا بار. ونىڭ 22-سٸن جەرگٸلٸكتٸ اتقارۋشى ورگاندار ٸسكە اسىرۋدا. جالپى كٶلەمٸ 600 مىڭ شارشى مەتردەن استام سپورت عيماراتتارى قاجەت بولىپ وتىرعان كەزدە, بۇل جوبالاردىڭ جەتكٸلٸكسٸز ەكەندٸگٸ كٶزگە كٶرٸنٸپ تۇر. سوندىقتان بٸزدە قارجىلاندىرۋدىڭ مەملەكەتتٸك ەمەس كٶزدەرٸن ٸزدەۋ كەرەك. سول سەبەپتٸ مەملەكەتتٸك-جەكەشەلٸك ەرٸپتەستٸك تەتٸگٸن بەلسەندٸ تٷردە قولدانا وتىرىپ, دەمەۋشٸلەردٸڭ قاراجاتىن تارتۋ مەسەلەسٸ شەشٸمنٸڭ تيٸمدٸ جولدارىنىڭ بٸرٸ دەپ ەسەپتەيمٸز», - دەدٸ گٷلشارا ەبدٸقالىقوۆا پارلامەنت مەجٸلٸسٸندەگٸ ٷكٸمەت ساعاتىندا.
بەيٸمدەلگەن دەنە شىنىقتىرۋ مەن سپورتتى دامىتۋعا جەردەمدەسۋ مەسەلەسٸنە توقتالعان ول, بۇل تاقىرىپ ەرەكشە نازار اۋدارۋدى تالاپ ەتەتٸنٸن جەتكٸزدٸ. اتاپ ايتقاندا, وقۋشىلار سارايى مەن ٷيلەرٸنٸڭ, سپورت مەكتەپتەرٸنٸڭ بازاسىندا بەيٸمدەلگەن سپورت سەكتسييالارىن اشىپ, ارنايى ماماندار دايارلاۋ قاجەت.
«جىلدار بويى دەنە شىنىقتىرۋ مەن سپورت سالاسى قالدىق پرينتسيپٸ بويىنشا قارجىلاندىرىلىپ كەلگەنٸ بەلگٸلٸ. تالداۋ كٶرسەتٸپ وتىرعانداي, جەرگٸلٸكتٸ جەرلەردە قاراجاتتى جوسپارلاعان كەزدە ٷيلەسٸمسٸزدٸك بايقالادى. مىسالى, فۋتبولدى قارجىلاندىرۋعا جەرگٸلٸكتٸ بيۋدجەتتەن سپورتتىڭ بارلىق تٷرٸنە بٶلٸنگەن قارجاتتان ٷشتەن بٸر بٶلٸگٸ جۇمسالادى. ال كەيبٸر ٶڭٸرلەردە تٸپتٸ بيۋدجەتتٸڭ جارتىسى وسى باعىتتا جۇمسالاتىن كٶرٸنەدٸ. سوندىقتان سپورتتىڭ باسىم باعىتتارى بويىنشا قارجىلاندىرۋ ليميتٸن زاڭنامالىق دەڭگەيدە قاراستىرۋ قاجەت», - دەدٸ دەپۋتات.
