ٷكٸمەت باسشىسىنىڭ ورىنباسارى گٷلشارا ەبدٸقالىقوۆا جاڭا وقۋ جىلىنىڭ جاقىنداۋىنا وراي بٸرنەشە مەسەلەگە نازار اۋدارۋ كەرەكتٸگٸن مەلٸم ەتتٸ, دەپ حابارلايدى قازاقپارات.
«جاڭا وقۋ جىلىنىڭ باستالۋىنا بٸرنەشە اپتا قالدى. سوعان بايلانىستى بٸلٸم جەنە عىلىم مينيسترٸ مەن ٶڭٸر باسشىلارىنىڭ نازارىن بٸرنەشە مەسەلەگە اۋدارعىم كەلەدٸ. بٸرٸنشٸدەن, سوڭعى جىلدارى بٸرٸنشٸ سىنىپقا كەلەتٸن وقۋشىلاردىڭ سانى كٶبەيۋدە. سوعان بايلانىستى وقۋشى ورىندارىنىڭ جەتٸسپەۋشٸلٸگٸ ۇلعايىپ كەلەدٸ. سوندىقتان, وقىتۋدىڭ قاۋٸپسٸز جاعدايىن جاساۋ ٷشٸن ەكٸمدەر مەكتەپ ديرەكتورلارىمەن, اتا-انالارمەن بٸرلەسٸپ, بالالارىن بەيٸمدەلۋ, ساباق رەجٸمٸنٸڭ سانيتارلىق-ەپيدەميولوگييالىق نورمالارعا سەيكەستٸگٸ مەسەلەلەرٸنە ەرەكشە نازار اۋدارعان جٶن», - دەدٸ گٷلشارا ەبدٸقالىقوۆا ٷكٸمەت وتىرىسىندا.
پرەمەر-مينيستردٸڭ ورىنباسارى ەكٸنشٸدەن, الىس اۋىلداردان وقۋشىلاردى تاسىمالداۋ مەسەلەسٸ بارىن اتاپ ٶتتٸ.
«وسىعان بايلانىستى 184 كٶلٸك جەتٸسپەۋدە. بۇل مەسەلە نازاردان تىس قالماۋى تيٸس. ەكٸمدٸكتەردە مەملەكەت باسشىسىنىڭ تاپسىرماسى بويىنشا كٶپبالالى وتباسىلاردان شىققان تالاپكەرلەر ٷشٸن بٶلٸنگەن قوسىمشا 5 مىڭ گرانت بەرۋ جٶنٸندەگٸ جۇمىستى اياقتاۋدى سۇرايمىن», - دەدٸ ول.
ەسكە سالا كەتسەك, بٷگٸنگٸ ٷكٸمەت وتىرىسىندا پرەمەر-مينيستر اسقار مامين ٶڭٸر ەكٸمدەرٸنە بارلىق بٸلٸم بەرۋ ۇيىمدارى جۇمىستى باستاۋعا 100 پايىز دايىن بولۋى كەرەكتٸگٸن تاپسىرعان بولاتىن.
