10-11 تامىز كٷندەرٸ اباي كٷنٸ جەنە ۇلى اقىننىڭ 175 جىلدىق مەرەيتويىنا وراي رەسپۋبليكالىق دەڭگەيدە ونلاين پوەزييا فەستيۆالٸ ٶتتٸ, دەپ حابارلايدى "ۇلت اقپارات".
شارانى ۇيىمداستىرۋشى قازاقستان حالقى اسسامبلەياسىنان مەلٸم ەتكەندەي, فەستيۆالدٸڭ نەگٸزگٸ ماقساتى – اعارتۋشى-اقىننىڭ شىعارماشىلىق مۇراسىن ناسيحاتتاۋ, مەملەكەتتٸك تٸلدٸ قولدانۋدى كەڭەيتۋ.
پوەزييا فەستيۆالٸنە ەتنومەدەني بٸرلەستٸكتەر اراسىندا 175 ەتنوس ٶكٸلٸ قاتىساتىنى كٷتٸلگەن ەدٸ. ولار قازاق تٸلٸندە ابايدىڭ 175 ٶلەڭٸن وقىپ, ەلەۋمەتتٸك جەلٸدە ۆيدەولار جارييالاۋى تيٸس بولدى.
الايدا اقىننىڭ شىعارماشىلىعىنا قىزىعۋشىلىق بٸلدٸرگەندەر سانى ەلدەقايدا كٶپ بولدى.
«نەتيجەسٸندە قحا-نىڭ باسپاسٶز قىزمەتٸنە 705 بەينەروليك كەلٸپ تٷستٸ. ونىڭ ٸشٸندە 521 قاتىسۋشى اقىن ٶلەڭدەرٸ مەن اۋدارمالارىن قازاق تٸلٸندە اسقاقتاتسا, 127-سٸ باسقا تٸلدەردە ايشىقتاۋعا تىرىستى. 126 ٶنەرپاز اباي ەندەرٸن شىرقاپ, قارا سٶزدەرٸن ناقىشىنا كەلتٸرٸپ جەتكٸزدٸ», - دەدٸ قحا-دان.
بارلىق ۆيدەولار مەن روليكتەر اسسامبلەيا سايتى مەن ٶڭٸرلٸك قۇرىلىمدارىنىڭ Facebook, Instagram, Vكontakte, Youتube, Telegram كانالىندا, تٷرلٸ اقپاراتتىق سايتتاردا جارييالاندى.
«بۇعان قوسىمشا, اباي كٷنٸندە قحا عالىمدارى مەن ساراپشىلارى قازاقستان پرەزيدەنتٸ ق.توقاەۆتىڭ «اباي – رۋحاني رەفورماتور» ماقالاسىنىڭ ماڭىزدىلىعىن تالقىلاپ, باق بەتتەرٸندە 50-دەن استام پٸكٸر جارييالادى.
جالپى, قازاقستان حالقى اسسامبلەياسىنىڭ اباي كٷنٸنە ارنالعان ٸس-شارالارىنا رەسپۋبليكا بويىنشا 27 795 ەتنوس ٶكٸلٸ قاتىسسا, ونلاين كونفەرەنتسيياعا Facebook پەن Zoom ارقىلى 965 ساراپشى-عالىمدار مەن تاريحشىلار قاتىستى», - دەلٸنگەن اقپاراتتا.
