ابايدىڭ «پايدا ويلاما, ار ويلا, تالاپ قىل ارتىق بٸلۋگە» دەگەن ٶسيەتٸن ەردايىم ساناعا سٸڭٸرۋ قاجەت. قر پرەزيدەنتٸ قاسىم-جومارت توقاەۆ Egemen Qazaqstan گازەتٸندە جارييالانعان «اباي – رۋحاني رەفورماتور» اتتى ماقالاسىندا وسىلاي مەلٸمدەدٸ, دەپ حابارلايدى "ۇلت اقپارات".
«اباي ٸلٸمٸ بٷگٸنگٸ بٸرقاتار باعىتتارعا ورايلاس كەلەدٸ. ەڭ الدىمەن, بٸلٸم يگەرۋ. بٸز بٷكٸل ەلەمدٸ اقىل-وي مەن پاراساتتى پايىم ارقىلى عانا مويىنداتا الامىز. زامان تالابىنا ساي بٸلٸم الۋ ينتەللەكتۋالدى ۇلت قالىپتاستىرۋعا جول اشادى. ەكٸنشٸ, تەربيە مەسەلەسٸ. سوندىقتان, ٶسكەلەڭ ۇرپاققا دۇرىس باعىت بەرگەن جٶن. اقىننىڭ «پايدا ويلاما, ار ويلا, تالاپ قىل ارتىق بٸلۋگە» دەگەن ٶسيەتٸن ەردايىم ساناعا سٸڭٸرۋ قاجەت«, - دەدٸ قازاقستان پرەزيدەنتٸ.
مەملەكەت باسشىسى ٷشٸنشٸ, جاڭا كەسٸپ يگەرۋ قاجەتتٸگٸنە باسا نازار اۋدارتادى.
»اقىن ەر قازاق ٶز ٸسٸنٸڭ شەبەرٸ بولسا دەپ ارماندادى. ەسٸرەسە بەسەكەلەستٸككە تولى الماعايىپ زاماندا مۇنىڭ مەنٸ زور. اباي: «مال كەرەك بولسا, قولٶنەر ٷيرەنبەك كەرەك. مال جۇتايدى, ٶنەر جۇتامايدى» دەيدٸ. بٸز ەڭبەككە, جاڭا ٶنەر يگەرۋگە دەگەن كٶزقاراسىمىزدى تٷبەگەيلٸ ٶزگەرتۋگە تيٸسپٸز. بايلىقتىڭ دا, باقىتتىڭ دا كٸلتٸ – ٶزٸڭ سٷيگەن كەسٸپتە. تٶرتٸنشٸ, ىنتىماق مەسەلەسٸ. اباي ەردايىم قوعامنىڭ بەرەكە-بٸرلٸگٸن ارتتىرۋعا دەن قويدى. ول «بٸرٸڭدٸ, قازاق, بٸرٸڭ دوس, كٶرمەسەڭ ٸستٸڭ – بەرٸ بوس» دەپ, ەلدٸ تاتۋلىققا شاقىردى«, - دەدٸ قاسىم-جومارت توقاەۆ.
