اباي سٶزدەرٸ مەملەكەتتٸك دەڭگەيدە قولداۋ تاپقاندا ينتەللەكتۋالدى ۇلتقا اينالامىز.
مۇنداي پٸكٸردٸ ق.جۇبانوۆ اتىنداعى اقتٶبە ٶڭٸرلٸك مەملەكەتتٸك ۋنيۆەرسيتەتٸ ابايتانۋ جەنە ۇلتتىق رۋحانييات ورتالىعىنىڭ جەتەكشٸسٸ ابات پانگەرەەۆ بٸلدٸردٸ, دەپ حابارلايدى قازاقپارات.
«مەملەكەت باسشىسى ٶز ماقالاسىندا ينتەللەكتۋالدى ۇلت قالىپتاستىرۋدىڭ جولىنىڭ باستاۋىندا اباي تۇر دەپ دٶپ باسىپ ايتقان. سەبەبٸ بٸزدٸڭ ۇلتىمىزدىڭ رۋحاني تٶلقۇجاتى – اباي. بٶتەن جۇرت, باسقا حالىقتار ابايدىڭ سٶزٸ ارقىلى ۇلتتىق ٶرەمٸزدٸ, دٷنيەتانىمىزدى, ٶمٸرگە كٶزقاراسىمىزدى تانىپ, سول ارقىلى باعالايدى. اباي – قازاقتان شىققان فەنومەن. اباي سٶزٸ ٶلمەيدٸ. سەبەبٸ ونىڭ سٶزٸندە ۇلتتىق ساناعا سٸڭەتٸن, ۇلتتىق قان تامىرلارىنىڭ بٷلكٸلٸنە سەپ بولاتىن رۋح بار. قاي زامان بولسا دا اباي سٶزٸ ٶلمەيدٸ. اباي: «كٷشٸك اسىراپ, يت ەتتٸم, ول بالتىرىمدى قاناتتى. بٸرەۋگە مىلتىق ٷيرەتتٸم, ول مەرگەن بولدى, مەنٸ اتتى», دەيدٸ. قازٸر دە سونداي جاعداي بار. ادام پەندە بولعاننان كەيٸن مۇنداي استامشىلىق بولادى. مٸنە, اباي باياعىدا ايتقان جايت قازٸردە قايتالانىپ كەلەدٸ», - دەدٸ فيلولوگييا عىلىمدارىنىڭ دوكتورى, پروفەسسور.
ونىڭ ايتۋىنشا, اباي ايتىپ كەتكەن دٷنيەلەر ٶمٸردٸڭ كودەكسٸ, ادامگەرشٸلٸكتٸڭ ۇستانىمى, يماندىلىقتىڭ ناعىز كٶرٸنٸسٸ ٸسپەتتٸ.
«بٸز اباي سٶزٸن كٶپ ايتا المايمىز جٷرمٸز. اقىن سٶزدەرٸ مەملەكەتتٸك دەڭگەيدە قولداۋ تاپقاندا بٸز تەربيەلٸ ۇلت بولامىز. جاستاردى تەربيەلەۋ كەرەك دەيمٸز. جالپى ٷلكەندەردەن باستاپ تەربيەلەۋ كەرەك. سول ٷلكەندەرگە قاراپ جاستار بوي تٷزەيدٸ. ينتەللەكتۋالدى ۇلت دەگەنٸمٸز تەك جاستار ەمەس, بٷكٸل حالىق. سوندىقتان ابايدىڭ «تولىق ادام» ٸلٸمٸن بارلىق جەردە ناسيحاتتاي بٸلۋگە تيٸسپٸز. ابايدىڭ قارا سٶزدەرٸن, ٶلەڭدەرٸن تەرەڭ ۇعىنىپ, سول ارقىلى حالقىمىزدى تەربيەلەسەك ينتەللەكتۋالدى ۇلتقا اينالامىز», - دەدٸ ابات پانگەرەەۆ.
