ەرتەڭ ەلوردانىڭ استانا-كونتسەرت زالىندا «ادامزاتتىڭ الىبى – حاكٸم اباي» رەسپۋبليكالىق ايتىسى ۇيىمداستىرىلادى, دەپ حابارلايدى قازاقپارات.
«ەرتەڭگٸ ايتىس – اباي بابامىزدىڭ 175 جىلدىعىنا وراي ٶتەتٸن شارالاردىڭ بٸرٸ. ايتىس ساعات 14.00-دە باستالادى. 16 اقىن قاتىسادى. ايتىس مەدەنيەت جەنە سپورت مينيسترلٸگٸنٸڭ ۇيىمداستىرۋىمەن, «Nur Otan» پارتيياسىنىڭ قولداۋىمەن ٶتكٸزٸلٸپ جاتىر. جالپى, مينيسترلٸك پەن پارتييا ٶڭٸرلەردە وسىنداي ايتىستاردى ٶتكٸزۋدٸ جوسپارلاۋدا. بۇل- بيىلعى جىلدىڭ باستى ايتىسى بولادى», - دەدٸ مەدەنيەت جەنە سپورت ۆيتسە-مينيسترٸ نۇرعيسا دەۋەشوۆ وكق-دا ٶتكەن باسپاسٶز مەسليحاتىندا.
ال قازاقستاننىڭ ەڭبەك سٸڭٸرگەن قايراتكەرٸ جٷرسٸن ەرماننىڭ ايتۋىنشا, ايتىس الدىندا اقىنداردىڭ رەيتينگٸ جاسالعان.
«جالپى, كەيٸنگٸ جىلدارى تابيعي قالپىنان شىعارىپ الدىق پا دەگەن قاۋٸپ بار. سوناۋ كٷنٸ ورالدا «التىن دومبىرانىڭ» الدىنداعى تيمبيلدينگتە 60-70 اقىن باس قوسىپ اقىلداسىپ, ايتىستاردىڭ شىنايىلىعىنا قول جەتكٸزۋ شاراسىن قولدانايىق دەپ شەشتٸك. ەرتەڭگٸ ايتىس قالاي ٶتەدٸ ەكەن دەپ, ٶزٸمٸز دە قوبالجىپ وتىرمىز. ٶيتكەنٸ, ايتىستىڭ سۋىرىپ سالما قاسيەتٸنە بۇرىلايىق دەپ وتىرمىز. جاسىراتىنى جوق, اقىنداردى بۇرىن جۇپتاپ قوياتىنبىز. دايىندالىپ كەلەتٸن دە, قانشا اقىن بايقاتپايمىن دەگەنٸمەن, كٸشكەنە جاتتاندىلىق بار ەكەنٸن سٸزدەر دە, بٸز دە جاقسى بٸلدٸك. سوعان جول بەرمەۋ ٷشٸن حالىقتىڭ الدىندا بٸرٸنشٸ رەت جۇپتايىق دەپ وتىرمىز. ياعني, كٸممەن كٸمنٸڭ ايتىساتىنىن ەشكٸم بٸلمەيدٸ», - دەدٸ ول.
جٷرسٸن ەرمان جەشٸك قويىپ, سونىڭ ٸشٸندەگٸ شاردىڭ ٸشٸندە سالىنعان 16 اقىننىڭ ەسٸمٸمەن جۇپتار بەلگٸلەنەتٸنٸن جەتكٸزدٸ. زالدان كەز كەلگەن كٶرەرمەن شىعىپ, شاردى سۋىرىپ, جۇپتاردى بەلگٸلەيدٸ. جالپى ايتىستىڭ جٷلدە قورى – 10 ميلليون 400 مىڭ تەڭگە.
«جاتتاندى ايتىسقا جول بەرمەيمٸز. ٷش-تٶرت شۋماقپەن قايىمداسىپ, جاۋاپتاسىپ ايتىسادى. جەتٸ تٶرەشٸ (قازىلار القاسىنىڭ تٶراعاسى – نەسٸپبەك ايتۇلى) بۇرىنعىشا ۇپاي ارقىلى داۋىس بەرمەيدٸ. ەر قازىنىڭ الدىندا ەكٸ باتىرما تۇرادى. قاي اقىنعا كٶبٸرەك كٶك شام جانادى, سول سٶزسٸز ايتىستىڭ كەلەسٸ اينالىمىنا ٶتەدٸ. سوندىقتان, اقىنداردىڭ شىنايى قابٸلەتٸن كٶرسەتسەك دەيمٸز», - دەدٸ جٷرسٸن ەرمان.
ايتىستا رٷستەم قايىرتايۇلى, مۇحتار نييازوۆ, ەركەبۇلان قاينازاروۆ, ەسەم ەرەجەقىزى, مەيٸربەك سۇلتانحان قاتارلى بەلگٸلٸ اقىندار ٶزارا باق سىناسادى.
