فوتو: جەكە مۇراعات
جازۋشى بولات جٷنٸسبەكوۆ جاقىندا جارىق كٶرگەن «كٷنگە اسىعۋ. اباي – زاماناي سىرى» اتتى رومان-نوۆەللاسىنىڭ بٸرنەشە داناسىن ەلٸمٸزدٸڭ باس كٸتاپ ورداسى – ۇلتتىق كٸتاپحانا قورىنا سىيعا تارتتى.
حاكٸم ابايدىڭ 180 جىلدىعىنا وراي جارىق كٶرگەن بۇل كٶلەمدٸ شىعارما – مىڭداردىڭ ارمان-مۇراتى مەن مۇڭ-زارىن مىڭ بٸرٸنشٸنٸڭ, ياعني ابايدىڭ جەنە بٸرنەشە ۇرپاقتىڭ ٶكٸلٸ – زامانايدىڭ جان سىرى ارقىلى كٶركەم بەينەلەگەن تۋىندى.
تۋعان حالقىن ٶركەنيەت تٶرٸنەن كٶرگٸسٸ كەلگەن اباي مەن سول يدەيانىڭ جالعاستىعى – زامانايدىڭ سىرى ارقىلى اۆتور وقۋ-بٸلٸم مەن ٸلٸم-عىلىمنىڭ جاسامپاز كٷش ەكەنٸن ايقىندايدى. بۇل – جارىق پەن كٷنگە بەت بۇرۋدىڭ كٶركەم سيمۆولى.
رومان تٶرت تاراۋدان تۇرادى: «سٷيٸنۋ», «كٷيٸنۋ», «سۋىنۋ», «سەيٸلۋ». ەر تاراۋ ٷش بٶلٸمنەن قۇرالعان نوۆەللالار ارقىلى ٶربيدٸ.
مەسەلەن, زاماناي «سٷيٸنۋ» تاراۋىنداعى «كەلۋ», «ويانۋ», «كٶرۋ» بٶلٸمدەرٸ مەن «كٷيٸنۋ» تاراۋىنداعى «تانۋ», «ايتۋ», «تاقىمداۋ» بٶلٸمدەرٸندە ۇلت مۇراتىن ورتاعا سالادى. ال ەل ارمانىنا دەگەن سەنٸمنٸڭ ٷزٸلۋٸ مەن قايتا ورالۋى «سۋىنۋ» تاراۋىنداعى «تٷرشٸگۋ», «تٷڭٸلۋ», «قايتۋ» جەنە «سەيٸلۋ» تاراۋىنداعى «ورالۋ», «سەرگۋ», «سەرپٸلۋ» بٶلٸمدەرٸندە بەينەلەنەدٸ.
رومان-نوۆەللا «ايسىز تٷندە. مىڭ بٸرٸنشٸنٸڭ مۇڭى» اتتى العىسٶزبەن باستالىپ, «تاڭ الدىندا قاراڭعى. ۇلت بولاشاعى – بٸلٸمپاز ۇرپاق» نوۆەللاسىمەن تٷيٸندەلەدٸ.
بيىل – ەلٸمٸزدٸڭ تەۋەلسٸزدٸك كەزەڭٸندەگٸ ەلەۋلٸ جىل. ۇلى اقىن, ويشىل اباي قۇنانبايۇلىنىڭ 180 جىلدىق مەرەيتويىنىڭ اتالىپ ٶتۋٸ – وسىنىڭ دەلەلٸ. بۇل تۋىندىدا اتا-بابا ارمانىمەن, حاكٸم ابايدىڭ مۇرات-ماقساتىمەن جەنە بٷگٸنگٸ ۇرپاقتىڭ تٸلەگٸمەن استاسقان ٶركەنيەتكە باستار جول – وقۋ مەن بٸلٸمگە ۇمتىلىس ٶزەك ەتٸلگەن.
بۇعان دەيٸن بولات جٷنٸسبەكوۆتٸڭ اباي مۇراسىنا ارنالعان زەرتتەۋ ەڭبەكتەرٸ – «اباي سەۋلەسٸ», «اقيقات ۇشقىنى» جيناقتارى, سونداي-اق «ابايدىڭ اقىن ۇلدارى», «الاش – الجير» كٸتاپتارى جارىق كٶرگەن. ول «اباي سەۋلەسٸ» ەڭبەگٸ ٷشٸن حالىقارالىق «الاش» ەدەبي سىيلىعىنىڭ لاۋرەاتى اتانعان. سونىمەن قاتار, جازۋشى «ۋ» رومان-ەسسەسٸ, «وتاسۋ» رومان-ديلوگيياسى, «شۋاق», «عايىپ» كٸتاپتارى ارقىلى دا وقىرمانعا كەڭٸنەن تانىس.
