ل. ن. گۋميلەۆ اتىنداعى ەۋرازييا ۇلتتىق ۋنيۆەرسيتەتٸندە ەل پرەزيدەنتٸ قاسىم-جومارت توقاەۆتىڭ «اباي جەنە ححٸ عاسىرداعى قازاقستان» اتتى ماقالاسىن تالقىلاندى, دەپ حابارلايدى قازاقپارات تٸلشٸسٸ.
ۋنيۆەرسيتەت رەكتورى ەرلان سىدىقوۆ وسى ماقالا ارقىلى ۇلى اقىننىڭ 175 جىلدىق مەرەيتويىنا جان-جاقتى دايىندىق باستالعانىن اتاپ ٶتتٸ.
«ماقالا قاراپايىم تٸلمەن جازىلسا دا, وندا تەرەڭ ويلار مەن باعىتتار ۇسىنىلعان. ٶكٸنٸشكە قاراي, بٸز وسى كٷنگە دەيٸن ابايعا تەرەڭ بويلاي الماي كەلەمٸز. ەسٸرەسە, سوۆەت زامانىندا ابايدى حالىققا جاقىنداتقان جوق. ونىڭ پوەزيياسىن عانا ۇسىندى. ونىڭ ٶزٸندە دە دٸن, مۇسىلماندىق, بيلٸك, بايلىق تۋرالى ايتقان ٶلەڭدەرٸ مەن سٶزدەرٸن جەتكٸزبەدٸ. اينالىپ كەلگەندە, ابايدىڭ عىلىمي بيوگرافيياسىن جازۋعا دا مٷمكٸندٸك بەرٸلمەدٸ. ونىڭ بارلىعى مۇحتار ەۋەزوۆتىڭ «اباي جولى» ەپوپەياسىنىڭ العاشقى نۇسقالارىنىڭ ٶزٸن شىعارماي, يدەيانى تاپتىق-پارتييالىق پرينتسيپ تٶڭٸرەگٸنە ەكەلمەيٸنشە قابىلداعان جوق. بٸز ابايدى سول رومان تٶڭٸرەگٸندە عانا بٸلٸپ جٷردٸك», - دەدٸ ەرلان سىدىقوۆ ەۇۋ-دا ٶتكەن جينالىستا.
ونىڭ ايتۋىنشا, جاڭا زامانداعى, تەۋەلسٸز قازاقستانداعى جاڭا ۇرپاق تولاسسىز اقپارات دەۋٸرٸندە ٶمٸر سٷرٸپ جاتىر.
«قازٸر جان-جاقتان كەلٸپ تٷسكەن اقپارات لەگٸن ەشكٸم توقتاتا المايدى. جٷرەگٸمٸزگە دە, سانامىزعا دا, ميىمىزعا دا كەلٸپ جاتىر. وسى تۇرعىدا ەسٸرەسە جاستار قانداي باعىت ۇستاۋى كەرەك? ەل بولىپ قالامىز با? ەلدٸك قاسيەتتەرٸمٸزدٸ ساقتاي الامىز با? ۇلت بولىپ ۇييمىز با? تٸلٸمٸزدٸ, دٸلٸمٸزدٸ ساقتاي الامىز با? ەلدە سىرتتان كەلگەن دٷدەمال قۇندىلىقتارعا ەرٸپ كەتەمٸز بە? تٷپتەپ كەلگەندە قازاق بولىپ قالامىز با, جوق پا? مٸنە, كەشە شىققان ماقالانىڭ نەگٸزگٸ وي-باعىتى, كونتسەپتۋالدى تۇجىرىمى «بٸزگە باعىت بەرۋشٸ كٸم?» دەگەنگە جاۋاپ بەرٸپ وتىر. ول – ۇلى اباي. ابايعا قايتادان كەلەيٸك, جاڭاشا كەلەيٸك, ابايدىڭ قىزمەتٸ مەن ٶمٸرٸنە كٶڭٸل بٶلەيٸك. سول ارقىلى ٶزٸمٸزدٸڭ جولىمىزدى انىقتايىق. وسىلايشا, ۇلى ابايدىڭ بٸزگەن شىراق ەكەنٸن, جول كٶرسەتۋشٸ باعىت بەرۋشٸ ەكەندٸگٸن وسى ماقالا مەڭزەپ وتىر. ولاي بولسا, ابايعا بٸز كەرەك ەمەس شىعارمىز, بٸزگە اباي كەرەك. ٶزٸنٸڭ كەزەكتٸ مەرەيتويىمەن اباي بٸزگە تاعى بٸر مٷمكٸندٸك بەرٸپ وتىر. وسى ماقالا ارقىلى ابايعا تاعى زەر سالىپ, بويتۇمار ەتٸپ ۇستاپ, ٶمٸرلٸك ستاندارتىمىزعا اينالدىرايىق», - دەدٸ رەكتور.
