Massaget.kz جاستار پورتالى اباي قۇنانبايۇلىنىڭ 175 جىلدىعىنا وراي ەرەكشە جوبا جاسادى, دەپ حابارلايدى "ۇلت اقپارات".
پورتال مۇحتار ەۋەزوۆتٸڭ «اباي جولى» رومان-ەپوپەياسىنىڭ قىسقاشا مازمۇنىنا doodle انيماتسييالى ۆيدەوسامماري دايىندادى. ۆيدەوجوبا قر اقپارات جەنە قوعامدىق دامۋ مينيسترلٸگٸنٸڭ قولداۋىمەن جارىق كٶرٸپ وتىر.
«اباي جولىنىڭ» قىسقاشا مازمۇنى ەر تاراۋ بويىنشا دايىندالدى. تٶرت تومدىق ەپوپەيا بارلىعى 28 تاراۋدان تۇرادى. بٸرٸنشٸ تومدا 7 تاراۋ, ەكٸنشٸ تومدا 8, ٷشٸنشٸ تومدا 6, تٶرتٸنشٸ تومدا 7 تاراۋ بار. ەر ۆيدەوسامماريدٸڭ ۇزاقتىعى – 12-15 مينۋت. ۆيدەوسامماري – كٸتاپتىڭ نەگٸزگٸ يدەياسىن, مازمۇنىن ۆيدەو تٷرٸندە ۇسىنۋ.
«ٶسكەلەڭ ۇرپاققا اباي جەدٸگەرلەرٸن ناسيحاتتاپ, ونىڭ ەڭبەكتەرٸندەگٸ ٸزگٸ ويلاردى دارىتۋ اسا ماڭىزدى. بٸزدٸڭ بۇل جوبامىز كٶرەرمەن كٶڭٸلٸنەن شىعىپ, ابايدى تانۋعا سەبەپ بولادى دەپ سەنەمٸز», - دەيدٸ اقپارات جەنە قوعامدىق دامۋ مينيسترٸ ايدا بالاەۆا.
كٸشكەنتاي كٶرەرمەندەردٸڭ نازارىن اۋدارتىپ, كارتينانى قابىلداۋ قابٸلەتٸن ارتتىرۋ ٷشٸن doodle انيماتسييا ستيلٸندە ۇسىنىلدى, دىبىستىق فون قوسىلدى. جوبا جەتەكشٸسٸ – ەرنار المابەك, سۋرەتشٸسٸ – توميريس ەسقالي, دىبىستاعان – شامشاددين وماروۆ.
«اباي جولى» ەر وقىعان سايىن ٶزگەشە كٷيگە بٶلەيتٸن ەپوپەيالىق رومان. شىعارما مەكتەپ باعدارلاماسىنا كٸرگەنٸمەن, وقۋشىلار كەيٸپكەرٸن كٶزگە ەلەستەتٸپ, ەموتسييا كەشٸپ, مازمۇنىن ەستە ساقتاي بەرمەيدٸ. تٸپتٸ ەرەسەك ادامداردىڭ ٶزدەرٸ دە روماننىڭ اۆتورىن بٸلۋمەن عانا شەكتەلەدٸ.
ابايدىڭ تۋعان كٷنٸنە وراي بٸز تٸلٸ دە, مازمۇنى دا كٷردەلٸ شىعارمانىڭ ۆيدەوسامماريٸن دايىندادىق. ەندٸ كٶرەرمەن 28 تاراۋدىڭ مازمۇنىمەن ساناۋلى مينۋتتاردا تانىسا الادى. وسىلايشا كٸتاپقا دەگەن قىزىعۋشىلىعى ويانعان ولار كٷندەردٸڭ بٸر كٷنٸ توم-تومدى پاراقتايدى دەگەن ٷمٸتٸمٸز بار», - دەيدٸ جوبا جەتەكشٸسٸ ەرنار المابەك.
مازمۇن مەتٸنٸنە شىعارمانىڭ نەگٸزگٸ بٶلٸكتەرٸ تاڭدالىپ, جازۋشىنىڭ تٸلٸ مەن كٶركەمدٸك قۇرالدارى ساقتالعان. شىعارمانىڭ بٸرٸنشٸ تومىنداعى تاراۋلار ەر دٷيسەنبٸ سايىن Massaget TV YouTube-ارناسىندا جارييالانىپ تۇرادى. جوبانىڭ اقپاراتتىق سەرٸكتەسٸ – Alash Media Group مەدياحولدينگٸ.
بٷگٸن 10 تامىز, قازاقستانداعى اباي كٷنٸنە وراي ٸ تومنىڭ «قايتقاندا» تاراۋى كٶرەرمەن نازارىنا ۇسىنىلىپ وتىر.
