مەملەكەت باسشىسى «Egemen Qazaqstan» بٷگٸن جارىق كٶرگەن «اباي جەنە XXI عاسىرداعى قازاقستان» اتتى ماقالاسىندا ناعىز ۇلت اقىندارىن ٶزگە تٸلدەرگە اۋدارۋ – وڭاي شارۋا ەمەس ەكەندٸگٸنە نازار اۋداردى.
«م.ەۋەزوۆتٸڭ «اباي جولى» رومانى ارقىلى اباي بەينەسٸ كٶركەم وبراز رەتٸندە ەلەم ەدەبيەتٸندە جوعارى باعالانعانى بەلگٸلٸ. بٸراق بۇل – ابايدى تانۋدىڭ بٸر قىرى عانا. ناعىز ابايدى, اقىن ابايدى تانۋ ٷشٸن ونىڭ ٶلەڭدەرٸ مەن قارا سٶزدەرٸندە ايتىلعان وي-تۇجىرىمداردىڭ مەن-ماڭىزى اشىلۋى كەرەك. ول ەلەمنٸڭ كەڭ تارالعان نەگٸزگٸ تٸلدەرٸنە بارلىق بوياۋىن ساقتاي وتىرىپ اۋدارىلۋى تيٸس. بۇعان بٸز تولىق قول جەتكٸزە الدىق دەپ ايتۋ قيىن. ناعىز ۇلت اقىندارىن ٶزگە تٸلدەرگە اۋدارۋ – وڭاي شارۋا ەمەس. اۋدارماشى دا سول ويشىلدىڭ دەڭگەيٸندەگٸ تالانت بولۋى كەرەك. بٸزدٸڭ ابايتانۋشى عالىمدارىمىز, تٸل ماماندارى مەن جاناشىر ازاماتتار وسى مەسەلەگە ەرەكشە مەن بەرگەنٸ جٶن» ەكەنٸ جازىلعان ماقالادا.
ماقالادا مەلٸم بولعانداي, ۇلى اقىننىڭ شىعارمالارى ون تٸلگە اعىلشىن, اراب, جاپون, يسپان, يتاليان, قىتاي, نەمٸس, ورىس, تٷرٸك, فرانتسۋز تٸلدەرٸنە تەرجٸمالانادى.
مەملەكەت باسشىسى اقىن شىعارمالارى تەك قازاقتىڭ عانا ەمەس, بٷكٸل ادامزات بالاسىنىڭ رۋحاني ٶمٸرٸن جان-جاقتى بايىتا الاتىنىنا سەنٸمدٸ.
«ەلباسى نۇرسۇلتان ەبٸشۇلى نازارباەۆ: «اباي – قازاق حالقىنىڭ رۋحاني قازىناسىنا ٶلشەۋسٸز ٷلەس قوسقان عۇلاما عانا ەمەس, سونىمەن قاتار ول قازاق حالقىنىڭ ەل بولۋى جولىندا ۇلان-عايىر ەڭبەك ەتكەن داناگەر. اباي – ەلەمدٸك دەڭگەيدەگٸ ويشىلداردىڭ قاتارىنداعى عاجايىپ تۇلعا», دەگەن بولاتىن. شىنىندا دا, دانا اقىن شىعارمالارى تەك قازاقتىڭ عانا ەمەس, بٷكٸل ادامزات بالاسىنىڭ رۋحاني ٶمٸرٸن جان-جاقتى بايىتا الادى. ٶيتكەنٸ اباي تۋىندىلارىنىڭ مازمۇنى جالپىادامزاتتىق قۇندىلىقتارعا تولى. ونىڭ قارا سٶزدەرٸ – ەلەم حالىقتارىنىڭ ورتاق قازىناسى. بۇل – كلاسسيكالىق ٷلگٸدەگٸ ٶنەگەلٸ ويلار شوعىرى. ناقىل سٶز, عيبراتتى سٶز, عاقلييا سٶزدەر دەپ ەرقيلى اتالعانىمەن, بۇل – ەرەكشە جانر» دەپ جازدى قاسىم-جومارت توقاەۆ.
