وسلو قالاسىنداعى ەدەبيەت ٷيٸندە اباي قۇنانبايۇلىنىڭ قارا سٶزدەرٸ مەن تاڭدامالى پوەزيياسىنىڭ («Abais dikt og visdomsord») نورۆەگ تٸلٸندەگٸ اۋدارماسىنىڭ تۇساۋكەسەرٸ ٶتتٸ, دەپ حابارلايدى "ۇلت اقپارات" قر سىرتقى ٸستەر مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
بۇل ەڭبەك نورۆەگ تٸلٸنە اۋدارىلعان قازاق كلاسسيكالىق ەدەبيەتٸنٸڭ العاشقى ٷلگٸسٸ بولىپ تابىلادى.
«قازاقستان پرەزيدەنتٸ قاسىم-جومارت توقاەۆ, اباي مۇراسىنا ۇلتىمىزدىڭ بٸرلٸگٸ مەن ٶركەندەۋٸنە جول اشاتىن قۇندى بايلىق رەتٸندە جٷگٸنۋگە شاقىرادى. بٸز اباي شىعارمالارىنىڭ نورۆەگ تٸلٸندە جارىق كٶرۋٸن قازاقستان تەۋەلسٸزدٸگٸنٸڭ 30-جىلدىعىنا ارنايمىز», – دەدٸ پرەزەنتاتسييادا قازاقستاننىڭ نورۆەگيياداعى ەلشٸسٸ ەركٸن احينجانوۆ.
اباي شىعارمالارىن نورۆەگ تٸلٸنە تەجٸك-نورۆەگ جازۋشىسى جەنە ەدەبيەتتانۋشى ليۋتفييا بوبويوروۆا اۋداردى. كٸتاپتى «Sirkel Forlag» باسپاسى شىعارعان, باس رەداكتورى جەنە اباي جايلى ٶمٸرباياندىق تاراۋ جازعان نورۆەگ عالىمى جەنە باسپاگەرٸ وسحيلد كيۋلوس.
«اباي دارا قوعامدىق سىنشى بولدى, بٸراق ونى بٸرٸنشٸ كەزەكتە ەكزيستەنتسيالدىق مەسەلەلەر تولعانتتى. ابايدىڭ «قارا سٶزدەرٸ» ەلەمدٸك ەدەبي مۇرانىڭ ماڭىزدى بٶلٸگٸ بولىپ تابىلادى. اباي شىعارمالارىن نورۆەگ تٸلٸنە اۋدارۋ – قازاقستاندى نورۆەگيياعا تانىستىرۋدىڭ بٸرەگەي مٷمكٸندٸگٸ. بۇعان قوسا, بۇل جالپى ادامزات تەجٸريبەسٸنە ۇلى ويشىلدىڭ كٶزقاراستارىمەن بٶلٸسۋ مٷمكٸندٸگٸ دە بولىپ تابىلادى. بٸزدٸڭ باسپا بۇل جوبانى جوعارى باعالايدى», – دەدٸ و. كيۋلوس.
«اباي قۇنانبايۇلىنىڭ شىعارمالارى ەشقاشان ەسكٸرمەيدٸ, كەرٸسٸنشە ۋاقىت ٶتە كەلە ولارعا سۇرانىس كٷشەيە بەرەدٸ. ولار قوعامنىڭ كٶنە, تٷپ-تامىرى شابىلماعان مەسەلەلەرٸن ناقتى سۋرەتتەيدٸ, ەلگە باعىت باعدار بەلگٸلەيدٸ. ابايدىڭ ٶسيەت سٶزدەرٸن ەر ادام بٸلٸم, ادامگەرشٸلٸك پەن سىپايىلىق ساباقتارىن الا الاتىن ٶمٸر مەكتەبٸ دەپ اتاۋعا بولادى. اباي وتباسى نەگٸزدەرٸنە, بالا تەربيەلەۋگە, تٸلدەردٸ وقۋ مەن ٶزگە مەدەنيەتتەرمەن تانىسۋعا كٶڭٸل بٶلەدٸ. سونىمەن قاتار, اباي ەدەبيەت بٸلگٸرٸ بولعان. ونى شابىتتاندىرعانداردىڭ اراسىندا فيرداۋسي, نيزامي جەنە ناۆوي سيياقتى شىعىس كلاسسيكتەرٸنەن باستاپ ورىستىڭ كٶركەم سٶز شەبەرلەرٸ – لەرمونتوۆ, تولستوي مەن پۋشكين, باتىستىڭ اقىندارى – گەتە مەن گەينە بولدى. ول 120-150 جىل بۇرىن دا, بٷگٸنگٸ تاڭدا دا ٶزەكتٸ, ۋاقىتتان تىس مەسەلەلەر تۋرالى جازعان. نورۆەگييا وقىرماندارى اباي شىعارمالارىنان كٶپتەگەن پايدالى جەنە ەدەمٸ تاعىلىمدار الا الاتىنىنا سەنٸمدٸمٸن», – دەپ اتاپ ٶتتٸ ل. بوبويوروۆا.
نورۆەگتەر ەلەمدەگٸ كٸتاپتى ەڭ كٶپ وقيتىن حالىقتاردىڭ بٸرٸ ەكەنٸن ەسكەرٸپ, اۋدارمانىڭ جوعارى ساپاسىن عانا ەمەس, سونىمەن قاتار كٸتاپتىڭ قالىڭ وقىرمانعا قول جەتٸمدٸلٸگٸن قامتاماسىز ەتۋ ماڭىزدى بولدى. كٸتاپ 1500 دانامەن باسىلىپ, نورۆەگييا كٸتاپحانالارىندا جەنە كٸتاپ دٷكەندەرٸندە, سونداي-اق تسيفرلٸك پلاتفورمالاردا تاراتىلدى. اۋديو نۇسقاسى دا جازىلعان. باسىلىم قازٸر لوندونداعى كٸتاپ كٶرمەسٸندە دە تانىستىرىلۋدا.
