قازاقتىڭ ۇلى اقىنى اباي شىعارمالارى ەلەمنٸڭ 30 تٸلٸنە اۋدارىلادى, دەپ حابارلايدى قازاقپارات.
قر سىرتقى ٸستەر مينيسترلٸگٸ باسپاسٶز قىزمەتٸنٸڭ مەلٸمەتٸنشە, اباي قۇنانبايۇلىنىڭ شىعارمالارى ەلەمنٸڭ 30 تٸلٸنە اۋدارىلادى. مۇنان بٶلەك, رەسەي فەدەراتسيياسىندا قولدانىس اياسى كەڭ 10 تٸلگە ابايدىڭ «قارا سٶزدەرٸ» مەن ٶلەڭدەرٸ اتاقتى جازۋشىلار مەن اۋدارماشىلاردىڭ قاتىسۋىمەن ٸجداھاتپەن اۋدارىلىپ, رەسەي باسپالارىندا باسىپ شىعارۋ جوسپارلانعان.
«ەلشٸلٸكتەر م.ەۋەزوۆتىڭ «اباي جولى» رومانىن اراب, تٷرٸك, گرەك, ارميان, موڭعول, ۆەتنام تٸلدەرٸنە اۋدارۋعا اتسالىسۋعا دايىن. كەمبريدج ۋنيۆەرسيتەتٸنٸڭ باسپاسىندا بريتاندىق كەڭەسپەن بٸرلەسٸپ, ابايدىڭ ٶلەڭدەرٸ مەن قارا سٶزدەرٸ كٸرەتٸن جيناقتى اعىلشىن جەنە قازاق تٸلدەرٸندە باسىپ شىعارىلادى«, - دەپ اتاپ ٶتەدٸ ۆەدومستۆودان.
مۇنان بٶلەك, ەلٸمٸزدٸڭ سىرتقى ٸستەر مينيسترلٸگٸ قر تۇڭعىش پرەزيدەنتٸ – ەلباسى كٸتاپحاناسىمەن جەنە ۇلتتىق اۋدارما بيۋروسىمەن بٸرلەسٸپ, شەت تٸلدەردە جارىق كٶرگەن اباي شىعارمالارىنىڭ تۇساۋكەسەرٸن گەرمانييا, بەلگييا, ليۋكسەمبۋرگ, قىتاي, تٷركييا, بٸرٸككەن اراب ەمٸرلٸكتەرٸندە ٶتەتٸن حالىقارالىق كٸتاپ كٶرمەلەرٸندە ٶتكٸزبەك.
ەستەرٸڭٸزگە سالا كەتسەك, تاياۋدا اقوردادا مەملەكەتتٸك حاتشى قىرىمبەك كٶشەرباەۆتىڭ تٶراعالىعىمەن ابايدىڭ 175 جىلدىق مەرەيتويىن دايىنداۋ جەنە ٶتكٸزۋ جٶنٸندەگٸ مەملەكەتتٸك كوميسسييا وتىرىسى ٶتكەن بولاتىن. سول جيىندا 2020 جىلدىڭ 8 قاڭتارىندا ەلورداداعى «قازاقستان» ورتالىق كونتسەرت زالىندا حاكٸم ابايدىڭ 175 جىلدىق مەرەيتويىنىڭ باستالۋىنا ارنالعان سالتاناتتى شارا ٶتەتٸندٸگٸ بەلگٸلٸ بولعان ەدٸ.
