فوتو: © 24.kz
اباي وبلىسىنىڭ ەڭ ۇزىن تۇرعىنى كٶكپەكتٸ اۋىلىندا تۇرادى. 47 جاستاعى ستانيسلاۆ ۆيشنياكوۆتىڭ بويى 202 سانتيمەتر, - دەپ حابارلايدى Tengrinews.kz سايتى "حابار 24" ارناسىنا سٸلتەمە جاساپ.
ەر ادام 25 جىلعا جۋىق ۋاقىت بويى سورعى ستانتسيياسىنىڭ ينجەنەرٸ بولىپ جۇمىس ٸستەيدٸ. ەرٸپتەستەرٸ جۇمىستا مۇنداي بيٸك قىزمەتكەردٸڭ بولۋى ٶتە ىڭعايلى ەكەنٸن مويىندايدى. ستانيسلاۆتىڭ قولى كەز كەلگەن نەرسەگە جەتەدٸ. دەگەنمەن قيىندىقتار دا بار. جۇمىسقا ٷلكەن ٶلشەمدەگٸ كومبينەزوندار تٸگٸلمەيدٸ. ەسٸرەسە 47 ٶلشەمدەگٸ اياقكيٸمدٸ تابۋ قيىن.
"تٸپتٸ بٸر جاعداي بولدى, ٶلشەمدٸ ايتقانىمىزدا, ونداي بولمايتىنىن ايتتى. مەن ٶزٸم سۋرەتكە, ۆيدەوعا تٷسٸرٸپ اپاردىم. ولار بٸزگە سەنبەدٸ. ٶتە جاۋاپتى ادام. ەشقانداي پروبلەما جوق", - دەدٸ ينجەنەر ەرٸپتەسٸ رۋسلان زاكيروۆ.
ستانيسلاۆ جاسٶسپٸرٸم كەزٸنەن بەلسەندٸ ٶسە باستاعان. مەكتەپ بٸتٸرەرگە دەيٸن ول 197 سانتيمەترگە دەيٸن جەتكەن. 37 جاسىندا 2 مەتر 8 سانتيمەتر بولعان. بٸراق جىلدار ٶتە تٶمەندەگەن. ال قازٸر ول - 2,02 مەتر شاماسىندا.
بوس ۋاقىتىندا سپورتپەن شۇعىلدانادى. ٷيلەنگەن, ەكٸ بالاسى بار.
