Foto: © 24.kz
Abai oblysynyń eń uzyn turǵyny Kókpekti aýylynda turady. 47 jastaǵy Stanislav Vishniakovtyń boiy 202 santimetr, - dep habarlaidy Tengrinews.kz saity "Habar 24" arnasyna silteme jasap.
Er adam 25 jylǵa jýyq ýaqyt boiy sorǵy stantsiiasynyń injeneri bolyp jumys isteidi. Áriptesteri jumysta mundai biik qyzmetkerdiń bolýy óte yńǵaily ekenin moiyndaidy. Stanislavtyń qoly kez kelgen nársege jetedi. Degenmen qiyndyqtar da bar. Jumysqa úlken ólshemdegi kombinezondar tigilmeidi. Ásirese 47 ólshemdegi aiaqkiimdi tabý qiyn.
"Tipti bir jaǵdai boldy, ólshemdi aitqanymyzda, ondai bolmaitynyn aitty. Men ózim sýretke, videoǵa túsirip apardym. Olar bizge senbedi. Óte jaýapty adam. Eshqandai problema joq", - dedi injener áriptesi Rýslan Zakirov.
Stanislav jasóspirim kezinen belsendi óse bastaǵan. Mektep bitirerge deiin ol 197 santimetrge deiin jetken. 37 jasynda 2 metr 8 santimetr bolǵan. Biraq jyldar óte tómendegen. Al qazir ol - 2,02 metr shamasynda.
Bos ýaqytynda sportpen shuǵyldanady. Úilengen, eki balasy bar.
