فوتو: forbes.kz
اباي وبلىسىندا ماۋسىمدىق ينفەكتسييالاردىڭ ٶرشۋٸنە بايلانىستى بٸرقاتار مەكتەپتەردە وقىتۋ فورماتى ۋاقىتشا ونلاين تٷرٸنە اۋىستىرىلدى. بۇل تۋرالى وبلىستىق بٸلٸم باسقارماسىنىڭ باسپاسٶز قىزمەتٸ حابارلادى.
مەلٸمەتكە بويىنشا, وبلىستىڭ باس مەملەكەتتٸك سانيتارييالىق دەرٸگەرٸنٸڭ 2025 جىلعى 22 تامىزداعى №6 قاۋلىسىنا سەيكەس, سىنىپتاعى ناۋقاستار سانى 30 پايىزدان اسقان جاعدايدا ساباقتار قاشىقتان جٷرگٸزٸلەدٸ.
قازٸرگٸ تاڭدا ٶڭٸردە 10 073 وقۋشى ونلاين وقۋعا كٶشٸرٸلگەن. ونىڭ ٸشٸندە 9 870 بالا – سەمەي قالاسىنىڭ وقۋشىلارى. سونىمەن قاتار اقسۋات, اياگٶز جەنە بەسقاراعاي اۋداندارىندا 203 وقۋشى مەكتەپكە بارماي, قاشىقتان بٸلٸم الىپ جاتىر.
بٷگٸندە وبلىستاعى 304 مەكتەپتە 99 391 وقۋشى وقيدى. ونىڭ 246-سى دەستٷرلٸ فورماتتا جۇمىس ٸستەپ تۇر, ال 58 مەكتەپتە جەكەلەگەن سىنىپتار ۋاقىتشا ونلاين وقىتىلۋدا.
ۆەدومستۆو ماماندارى بۇل شارالار ماۋسىمدىق ينفەكتسييالاردىڭ تارالۋ قاۋپٸن تٶمەندەتۋگە باعىتتالعانىن اتاپ ٶتتٸ. دەرٸگەرلەر اتا-انالاردى بالالاردىڭ جاعدايىن جٸتٸ باقىلاپ, سىرقات بەلگٸلەرٸ بايقالعان جاعدايدا دەرٸگەرگە جٷگٸنۋگە شاقىردى.
