فوتو: اشىق دەرەككٶز
اباي وبلىسىندا «Damu Bala» پلاتفورماسى ارقىلى بالالار شىعارماشىلىعى مەن سپورتتىق سەكتسييالاردى دامىتۋعا بٶلٸنگەن بيۋدجەت قارجىسى جىمقىرىلعانى انىقتالدى, دەپ حابارلايدى Ult.kz.
قما دەرەگٸنشە, «SAMGAU ٶنەر&سپورت مەكتەبٸ» جشس ديرەكتورى ساباقتارعا قاتىسپاعان بالالاردى قاتىسۋشى رەتٸندە تٸركەپ, جالعان ەسەپ بەرگەن. كەيبٸر بالالار تٸپتٸ باعدارلاماعا قاتىسقانى تۋرالى مٷلدەم بٸلمەگەن.
سونىڭ نەتيجەسٸندە مەملەكەتكە 23 ملن تەڭگە زالال كەلتٸرٸلگەن. تەرگەۋ كەزٸندە بۇل قاراجات تولىق قايتارىلدى.
سوت ٷكٸمٸمەن مەكتەپ ديرەكتورى 6 جىلعا شارتتى تٷردە باس بوستاندىعىنان ايىرىلدى. ٷكٸم ەلٸ زاڭدى كٷشٸنە ەنگەن جوق.
