بٷگٸن, 28 قاراشادا ۇلتتىق كٸتاپحانانىڭ ن. دەۋلەتوۆا اتىنداعى زالىندا «اباي» باسپاسى شىعارعان 35 كٸتاپتىڭ تۇساۋكەسەر رەسٸمٸ ٶتتٸ, - دەپ حابارلايدى "ۇلت اقپارات".
شاراعا وقىرماندار ھەم زييالى قاۋىم ٶكٸلدەرٸ قاتىستى. ولاردىڭ قاتارىندا تەمٸرحان مەدەتبەك, سماعۇل ەلۋباي, ۇلىقبەك ەسدەۋلەت, گٷلنەر سالىقباي, باقىت بەدەلحان, جاراس سەرسەك, ەرلان جٷنٸس, بەيبٸت سارىباي سىندى اقىن-جازۋشىلار, سونداي-اق سىرباي مەۋلەنوۆ, مۇقاعالي ماقاتاەۆ, تۇمانباي مولداعاليەۆ, جاراسقان ەبدٸراشەۆ جەنە تابىلدى دوسىموۆ سىندى قالامگەرلەردٸڭ ۇرپاقتارى بولدى.
ايتا كەتەيٸك, «اباي» باسپاسى ۇسىنىپ وتىرعان 35 كٸتاپ ەلەمدٸك سۇرانىسقا ساي, زاماناۋي ٷلگٸدە, مينيماليزم ديزايندا جاسالعان. قازاق ەدەبيەتٸنٸڭ نەگٸزٸن قالاۋشى اباي حەكٸمنەن باستالىپ, ەر كەزەڭنٸڭ كلاسسيك قالامگەرلەرٸنٸڭ شىعارمالارىمەن جالعاسىن تاپقان كٸتاپتاردىڭ ٸشٸندە وڭايلىقپەن قولعا تٷسە بەرمەيتٸن, ٸزدەگەنگە تاپتىرماس اكادەمييالىق زەرتتەۋ ەڭبەكتەرٸ دە بار. جيناقتاردىڭ بٸرازى بۇرىننان قالىپتاسقان فورما مەن تٷستەر گالەرەياسىن, تٸپتٸ مازمۇنى مەن تاقىرىبىن دا بۇزىپ-جارىپ, جاڭا تارتىمدىلىعىمەن وقىرمانعا جول تارتپاق.
باسپانىڭ قۇرىلتايشىسى ەرٸ ديرەكتورى, اقىن اقبەرەن ەلگەزەك بۇل كٸتاپتاردى باسىپ شىعارۋعا مەملەكەت قارجىسى جۇمسالماعانىن اتاپ ٶتتٸ.
"ەر كٸتاپ مىڭ دانامەن جارىق كٶردٸ. الداعى ۋاقىتتا كوللەكتسييانى 100 تومعا جەتكٸزۋ ويىمىزدا بار. بۇل سەرييا قازاقتىڭ باس اقىنى حەكٸم ابايدان باستالىپ, دۋلات باباتايۇلى, شەكەرٸم, مەشھٷر جٷسٸپ كٶپەيۇلى, مۇحتار ەۋەزوۆ, الاشوردا قايراتكەرلەرٸ, كەڭەس وداعى زامانىنىڭ ەيگٸلٸ قالامگەرلەرٸ, تەۋەلسٸز قازاقستاننىڭ كٶرنەكتٸ جازۋشىلارى مەن بەلگٸلٸ جاس اۆتورلاردىڭ شىعارمالارىن قامتيدى. ٸشٸندە كەيبٸر اۆتورلار جوق. باسقا بٸر باسپالارعا اۆتورلىق قۇقىعىن بەرٸپ قويادى. بٸز بارلىعىن زاڭ شەڭبەرٸندە جٷزەگە اسىرۋىمىز قاجەت. وسى ورايدا «اباي» باسپاسىنا, جەكە ٶزٸمە سەنٸم بٸلدٸرگەن بٸزدٸڭ كلاساسيكتەردٸڭ ميراسقورلارىنا العىس بٸلدٸرەمٸن.
كٸتاپتاردى شىعارۋعا قانشا ۋاقىت كەتتٸ دەپ سۇراپ جاتىر. بۇل – التى ايدا جاسالعان جۇمىس. وسى جەردە اۆتورلارعا, كوررەكتورلارعا, ديزاينەرلەر مەن باسپاگەرلەرگە, جۇمىلا جۇمىس ٸستەگەن قىزمەتكەرلەرگە العىس ايتامىن. قاربالاس بوپ جارىق كٶرسە دە, جٷرەككە جاقىن دٷنيە. بۇل مەملەكەتتٸك تاپسىرىسپەن ەمەس, باسپانىڭ قارجىسىمەن شىعارىلدى. سول سەبەپتەن كٸتاپتاردى نارىققا شىعارامىز, تٷسكەن تابىستىڭ بەلگٸلٸ بٸر بٶلٸگٸن اۆتورلارعا بەرەمٸز. قازٸردٸڭ ٶزٸندە كٸتاپ نارىعىنان ۇسىنىستار كەلٸپ تٷسٸپ جاتىر", – دەيدٸ اقبەرەن ەلگەزەك.
سونداي-اق ول قازٸرگٸ ورتا بۋىن اقىن-جازۋشىلارى دا نازاردان تىس قالماعانىن ايتادى. سٶزٸنشە, ولاردىڭ قاتارىندا ەرلان جٷنٸس, تاناكٶز تولقىنقىزى, ۇلاربەك نۇرعالىم سەكٸلدٸ بەلگٸلٸ اۆتورلاردىڭ كٸتاپتارى قايتا باسىلعان.
باسپا قۇرىلتايشىسى سٶيلەپ بولعان سوڭ كەزەك تۇساۋكەسەر رەسٸمٸنە دە جەتتٸ. كٸتاپتارعا بايلانعان قىزىل لەنتانى كٶرنەكتٸ قالامگەرلەر ۇلىقبەك ەسدەۋلەت, سماعۇل ەلۋباي جەنە تەمٸرحان مەدەتبەك كەستٸ. وسىلايشا, كٶركەم ەدەبيەتكە سۋساعان قازاق وقىرمانى الداعى ۋاقىتتا مازمۇنى مەن مۇقاباسى كەلٸسكەن جاڭا جيناقتارمەن قاۋىشپاق.
