اباي ايتقان «بەس دۇشپاننان» تولىق ارىلىپ بولعان جوقپىز. قر پرەزيدەنتٸ قاسىم-جومارت توقاەۆ Egemen Qazaqstan گازەتٸندە جارييالانعان «اباي – رۋحاني رەفورماتور» اتتى ماقالاسىندا وسىلاي مەلٸمدەدٸ, دەپ حابارلايدى "ۇلت اقپارات".
«كەلەسٸ جىلى قازاقستان تەۋەلسٸزدٸگٸنٸڭ 30 جىلدىعىن اتاپ ٶتەمٸز. بٸراق كەزٸندە ۇلى ويشىلدى قاتتى تولعاندىرعان كەيبٸر كەلەڭسٸزدٸكتەر قوعامدا ەلٸ دە كەزدەسەدٸ. ٶكٸنٸشكە قاراي اباي ايتقان «بەس دۇشپاننان» تولىق ارىلىپ بولعان جوقپىز. ازاماتتارىمىزدىڭ اراسىندا جالقاۋلىق پەن سٶزۋارلىق جيٸ كەزدەسەتٸنٸ قىنجىلتادى. بۇلار بۇرىنعىشا تويقۇمارلىقتان تارتىنباي, كٷندەلٸكتٸ تىنىمسىز تٸرلٸكتٸ دەرٸپتەۋدٸڭ ورنىنا, ەربٸر قوعامدىق وقيعادان ساياسي استار ٸزدەيدٸ دە وتىرادى. اباي حالىقتى توي تويلاۋعا ەمەس, ەڭبەك ەتۋگە, رۋحاني كەمەلدەنۋگە شاقىردى. ابايدىڭ ۇلاعاتى ەلٸ كٷنگە دەيٸن ماڭىزىن دا, قۇندىلىعىن دا جوعالتقان جوق. سوندىقتان بٸز ونىڭ تەرەڭ ويلارىنا, كەلەشەكتٸڭ كەلبەتٸنە ٷڭٸلگەن كٶرەگەندٸگٸنە تاڭىرقاۋدان جالىققان ەمەسپٸز», - دەدٸ پرەزيدەنت.
