قر پرەزيدەنتٸ جانىنداعى قسزي حالىقارالىق زەرتتەۋلەر بٶلٸمٸنٸڭ باسشىسى ەسەل نازاربەتوۆا ەلباسى نۇرسۇلتان نازارباەۆتىڭ «اباي اماناتى» اتتى ماقالاسىنا قاتىستى پٸكٸر بٸلدٸردٸ, دەپ حابارلايدى قازاقپارات.
«قر تۇڭعىش پرەزيدەنتٸ – ەلباسى نۇرسۇلتان نازارباەۆتىڭ «اباي اماناتى» اتتى ماقالاسىن وقي وتىرىپ, اباي قۇنانبايۇلىنىڭ كەمەڭگەرلٸگٸ مەن شىعارماشىلىعىنا تەرەڭ بويلاپ, سول ارقىلى ەلباسىنىڭ تۇلعالىق بولمىسىن تاعى بٸر جاڭا قىرىنان كٶرۋگە مٷمكٸندٸك تۋدى. اباي قۇنانبايۇلى قوعامنىڭ بٸر ساپادان ەكٸنشٸ ساپاعا اۋىسقان ارالىق تۇسىندا قازاق حالقى ٷشٸن دارا تۋعان تۇلعا بولسا, سول ابايدىڭ دانالىعىمەن, حالقىنا دەگەن اسقان جاناشىرلىعى جەنە سٷيٸسپەنشٸلٸگٸمەن سۋسىنداپ, اباي شىعارمالارىن ٶمٸرلٸك باعدارى رەتٸندە ۇستانىپ كەلگەن نۇرسۇلتان نازارباەۆ تا قازاقستاننىڭ سىن ساعاتتا تٸزگٸنٸن ۇستاعان كٶشباسشىسى بولدى», - دەيدٸ ساراپشى.
ماقالادا ەلباسى ابايدى تانۋى بەسٸكتەن, اناسى مەن ەجەسٸنٸڭ تەربيەسٸنەن باستاۋ العانىن, ودان كەيٸن ەل تاعدىرىنا قاتىستى ەربٸر ماڭىزدى, جاۋاپتى شەشٸمدەردٸڭ ۇلى ابايدىڭ قاعيدالارىن باسشىلىققا الا وتىرىپ قابىلدانعاندىعىمەن بٶلٸستٸ. ەلدٸكتٸ اڭساعان, بٸرلٸكتٸ كٶكسەگەن دانىشپان ابايدىڭ اماناتىن ورىنداۋ باقىتى ەلباسىنىڭ ەنشٸسٸندە بولعانىن دا زور ماقتانىشپەن جەتكٸزگەن: «ابايدىڭ وسى ارمانىنىڭ ورىندالعانىنا, ەسٸلدٸڭ جاعاسىندا ەڭسەلٸ بايتاق قالانىڭ ٸرگە تەۋٸپ, بوي كٶتەرۋٸنە مۇرىندىق بولعانىما مىڭ دا بٸر شٷكٸرشٸلٸك ەتەمٸن».
«اباي قۇنانبايۇلىنىڭ ەل تاريحىنداعى باعا جەتپەس ورنىن, ونىڭ باي مۇراسىنىڭ قوعام ٷشٸن ماڭىزدىلىعىن, ناقىل سٶزدەرٸنٸڭ عاسىر ٶتسە دە ٶمٸرشەڭدٸگٸن تەرەڭ تٷسٸنگەن ەلباسى, تەۋەلسٸزدٸكتٸڭ العاشقى قيىن جىلدارىنا قاراماستان دانا دا دارا ابايدىڭ 150 جىلدىق مەرەيتويىن حالىقارالىق دەرەجەدە, يۋنەسكو شەڭبەرٸندە اتاپ ٶتۋگە شەشٸم قابىلداپ, نار تەۋەكەلگە بارعانىن دا ەسٸمٸزگە سالىپ ٶتتٸ. سول مەرەيتويلىق ٸس-شارالار بارىسىندا ابايدى ودان ەرٸ ۇلىقتاۋ, ٶمٸرباياندىق دەرەكتەرٸن قايتا جاڭعىرتۋ, ەدەبي, فيلوسوفييالىق جەنە مۋزىكالىق مۇراسىن پايىمداۋ, ەلەمدٸك دەڭگەيدە كەڭٸنەن تانىتۋ باعىتىندا ٸرگەلٸ جۇمىستار اتقارىلعاندىعى, اقىن شىعارمالارىنىڭ ەكٸ تومدىق اكادەمييالىق جيناعى, «اباي» ەنتسيكلوپەديياسى جارىق كٶرگەنٸ, ابايدىڭ ٶمٸرٸ مەن شىعارماشىلىعىن تۇتاس قامتيتىن «جيدەباي-بٶرٸلٸ» مەملەكەتتٸك تاريحي-مەدەني جەنە ەدەبي-مەموريالدىق قورىق-مۋزەيٸ قۇرىلعانى ماقالادا باياندالعان», - دەيدٸ ە. نازاربەتوۆا.
بيىل ۇلى ابايدىڭ 175 جىلدىعى ادامزات باسىنا تٷسكەن كٷردەلٸ كەزەڭگە قاراماستان, تيٸستٸ دەڭگەيدە رەسپۋبليكا اۋقىمىندا, شەتەلدەگٸ ديپلوماتييالىق ٶكٸلدٸكتەر اياسىندا ٶتٸپ جاتىر.
«شارالاردىڭ ماقساتى – اباي مۇراسىن زامان سۇرانىستارىنا ساي قايتا زەردەلەۋدٸڭ ماڭىزدىلىعىندا. ايتا كەتەرلٸگٸ اباي قۇنانبايۇلىنىڭ 175 جىلدىعىنا ارنالعان ٸس-شارالار رەتٸ مەملەكەت باسشىسى قاسىم-جومارت توقاەۆتىڭ «Egemen Qazaqstan» گازەتٸندە جارييالانعان «اباي جەنە XXI عاسىرداعى قازاقستان» اتتى ماقالاسىنان باستاۋ العان بولاتىن», - دەيدٸ ەسەل نازاربەتوۆا.
.jpeg)