1 قازان – حالىقارالىق قارتتار كٷنٸنە وراي سەمەي قالاسىندا سالتاناتتى قابىلداۋ شاراسى ٶتتٸ. قارييالارعا قۇرمەت كٶرسەتۋگە ارنالعان جيىنعا وبلىس ەكٸمٸ بەرٸك ۋەلي, ٶڭٸردٸڭ قالا-اۋداندارىنان ارداگەرلەر قاتىستى, دەپ حابارلايدى ult.kz.
ايماق باسشىسى ارداگەرلەردٸ مەرەكەمەن قۇتتىقتاپ, ولاردىڭ قوعامداعى ورنى مەن سٸڭٸرگەن ەڭبەگٸنە قۇرمەت بٸلدٸردٸ.
«بارشاڭىزدى حالىقارالىق قارتتار كٷنٸمەن شىن جٷرەكتەن قۇتتىقتايمىن! قازاقتا: «قارتى بار ٷيدٸڭ قازىناسى بار», – دەيدٸ. راسىندا, ٷلكەندٸ سىيلاپ, اقساقالدى تٶرگە شىعارىپ, اق جاۋلىقتى انانى ارداقتاعان اتالى جولدى بٷگٸندە جالعاستىرماق نيەتٸمٸز بار. سوندىقتان بٷگٸنگٸ باسقوسۋىمىزدىڭ «قارتتارعا قۇرمەت – ۇرپاققا مٸندەت» دەپ اتالۋىنىڭ ٶزٸندە ٷلكەن مەن جاتىر. سٸزدەردٸڭ ەلگە سٸڭٸرگەن قىزمەتتەرٸڭٸز بەن ٶمٸردەن تٷيگەن تەجٸريبەلەرٸڭٸز كەيٸنگٸ بۋىن ٷشٸن ٷلگٸ-ٶنەگە, باعا جەتپەس قازىنا. مەملەكەت باسشىسى قاسىم-جومارت كەمەلۇلى توقاەۆ اعا بۋىنعا دەگەن قۇرمەت پەن ولاردىڭ ەلەۋمەتتٸك ەل-اۋقاتىن ارتتىرۋ مەسەلەسٸنە ەرەكشە مەن بەرٸپ كەلەدٸ. «ارداگەرلەر تۋرالى» زاڭ وسى باعىتتاعى مەملەكەتتٸك قولداۋدى جٷيەلەۋگە بەرٸك نەگٸز قالادى. پرەزيدەنتٸمٸز قوعامدا «زاڭ مەن تەرتٸپ», «ادال ازامات» قاعيداتتارىن ورنىقتىرۋعا ەرەكشە مەن بەرەدٸ. بۇل قۇندىلىقتاردى جاس ۇرپاقتىڭ بويىنا سٸڭٸرۋدە سٸزدەردٸڭ اقىل-كەڭەستەرٸڭٸز بەن ٶمٸرلٸك تەجٸريبەلەرٸڭٸزدٸڭ ورنى بٶلەك. سٸزدەرگە زور دەنساۋلىق, ۇزاق عۇمىر, جاقىندارىڭىزعا اماندىق, شاڭىراقتارىڭىزعا باق-بەرەكە تٸلەيمٸن», – دەدٸ بەرٸك ۋەلي.
شارا بارىسىندا ٶڭٸردٸڭ ەر سالاسىندا ەڭبەگٸمەن ەلەنگەن ارداگەرلەر «اباي وبلىسىنا سٸڭٸرگەن ەڭبەگٸ ٷشٸن» تٶسبەلگٸسٸمەن, وبلىس ەكٸمٸنٸڭ العىس حاتتارىمەن, رەسپۋبليكالىق ارداگەرلەر ۇيىمىنىڭ «قۇرمەت» تٶسبەلگٸسٸمەن جەنە العىس حاتتارىمەن ماراپاتتالدى.
جىلى رەۋٸشتە ٶتكەن كەزدەسۋدە ارداگەرلەر ەلدٸڭ بەرەكە-بٸرلٸگٸ, جاستاردىڭ بولاشاعى تۋرالى ويلارىن ورتاعا سالدى.
اباي وبلىسىندا ارداگەرلەردٸ قولداۋعا باعىتتالعان جۇمىستار جٷيەلٸ تٷردە جٷرگٸزٸلۋدە. بيىل ۇلى وتان سوعىسىنىڭ ارداگەرٸنە 5 ميلليون تەڭگە كٶلەمٸندە بٸرجولعى ەلەۋمەتتٸك كٶمەك كٶرسەتٸلدٸ. جەڭٸس كٷنٸ قارساڭىندا 1 146 ادامعا 158 مىڭ تەڭگە كٶلەمٸندە بٸرجولعى ەلەۋمەتتٸك كٶمەك بەرٸلدٸ.
بٷگٸندە ايماقتا 2 639 زەينەتكەر ارنايى ەلەۋمەتتٸك قىزمەتتەرمەن قامتىلعان. قارت جانداردىڭ بەلسەندٸ ٶمٸر سالتىن جالعاستىرۋىنا دا جاعداي جاسالۋدا. قازٸرگٸ تاڭدا وبلىسىمىزدا 395 باستاۋىش ارداگەرلەر ۇيىمى, 2 قالالىق جەنە 10 اۋداندىق ارداگەرلەر كەڭەسٸ جۇمىس ٸستەيدٸ.
ٶڭٸردە 2 «بەلسەندٸ ۇزاق ٶمٸر سٷرۋ ورتالىعى» جۇمىس ٸستەيدٸ. بيىل ولاردىڭ قاتارىنا كۋرچاتوۆ قالاسىندا اشىلعان جاڭا ورتالىق قوسىلدى. سەمەي قالاسىنداعى ورتالىقتىڭ 3 فيليالى بار. قازٸرگٸ تاڭدا بۇل ورتالىقتاردا 608 زەينەتكەر تٷرلٸ قىزمەتتەرمەن قامتىلىپ وتىر.
