اباي وبلىسىنىڭ بورودۋليحا اۋىلىندا 20 جاستاعى ديلناز ەسٸمدٸ قىز قازا تاپتى. مارقۇمنىڭ ەكەسٸنٸڭ ايتۋىنشا, قىزعا بۇرىن كەزدەسكەن جٸگٸتٸ بٸرنەشە رەت پىشاق سۇعىپ, اسا قاتىگەزدٸكپەن ٶلتٸرگەن, دەپ حابارلايدى ult.kz Stan.kz اقپارات اگەنتتٸگٸنە سٸلتەمە جاساپ.
قايعىلى وقيعا 13 تامىزعا قاراعان تٷنٸ بولعان. ەكەسٸنٸڭ سٶزٸنشە, ديلناز سول كٷنٸ سىنىپتاسىمەن بٸرگە اۋىل ٸشٸندە سەرۋەندەپ جٷرگەن. كەيٸن ول بۇرىنعى جٸگٸتٸمەن كەزدەسۋگە بارعان.
مارقۇمنىڭ ەكەسٸ كٷدٸكتٸنٸڭ تەرگەۋ بارىسىندا قىزدىڭ ٶزٸنە حابارلاسقانىن, كەيٸن ەكەۋٸنٸڭ اۋىل شەتٸندە كەزدەسكەنٸن ايتقانىن جەتكٸزدٸ. سٶزگە كەلگەن كەزدە قىز جٸگٸتتٸ ۇرعان, ال كٷدٸكتٸ وعان جاۋاپ رەتٸندە كٷش قولدانعان. ديلناز جاعدايدىڭ ۋشىعىپ بارا جاتقانىن تٷسٸنٸپ, وقيعا ورنىنان كەتۋگە تىرىسقان.
الايدا ەكەسٸنٸڭ ايتۋىنشا, كٷدٸكتٸ قىزدىڭ سوڭىنان قۋىپ جەتٸپ, قالتاسىنان بەكٸسٸن شىعارعان. ول پىشاقپەن قورقىتپاق بولعانىن ايتقانىمەن, كەيٸن قىزعا بٸرنەشە رەت پىشاق سۇققان.
ەكەسٸنٸڭ مەلٸمدەۋٸنشە, ديلنازعا بارلىعى 12 رەت پىشاق جاراقاتى سالىنعان. كەيبٸر جاراقاتتاردىڭ تەرەڭدٸگٸ 7,7 سانتيمەترگە دەيٸن جەتكەن. كٷدٸكتٸ قىزدى شامامەن 32 مەتر جەرگە سٷيرەپ اپارىپ, كەيٸن ونىڭ سىرت كيٸمٸ مەن تەلەفونىن الىپ, ورمانعا تاستاپ كەتكەن دەگەن دەرەك بار.
ساراپتاماعا سەيكەس, قىز شابۋىلدان كەيٸن بٸراز ۋاقىت تٸرٸ بولعان. كٷدٸكتٸ كەيٸن ٷيٸنە بارىپ, كيٸمدەرٸ مەن قىلمىس جاساۋعا پايدالانعان پىشاقتى دالاداعى ەجەتحاناعا تاستاعان.
ديلنازدىڭ ەكەسٸ قىزدىڭ وتباسىداعى جالعىز پەرزەنت بولعانىن ايتتى. ول شەكەرٸم ۋنيۆەرسيتەتٸندە تاريح جەنە گەوگرافييا ماماندىعى بويىنشا بٸلٸم الىپ, ەكٸنشٸ كۋرستى اياقتاپ, ٷشٸنشٸ كۋرسقا ٶتكەن.
ەكەسٸنٸڭ سٶزٸنشە, ديلناز بەن كٷدٸكتٸ بۇعان دەيٸن كەزدەسٸپ جٷرگەن.
اباي وبلىسى پوليتسييا دەپارتامەنتٸنٸڭ مەلٸمەتٸنشە, 20 جاستاعى كٷدٸكتٸ ۇستالىپ, ۋاقىتشا ۇستاۋ يزولياتورىنا قامالعان.
قازٸرگٸ ۋاقىتتا سوتقا دەيٸنگٸ تەرگەۋ اياقتالعان. قىلمىستىق ٸس ماتەريالدارىمەن پروتسەسكە قاتىسۋشىلار تانىسىپ جاتىر. بۇل رەسٸم اياقتالعاننان كەيٸن ٸس زاڭدا بەلگٸلەنگەن تەرتٸپپەن سوتقا جولدانادى.
مارقۇمنىڭ ەكەسٸ ٸستٸڭ سارالاۋىنا قاتىستى دا سۇراقتارى بار ەكەنٸن ايتىپ, قىلمىستى اسا قاتىگەزدٸكپەن جاسادى دەگەن باپ بويىنشا قۇقىقتىق باعا بەرٸلۋٸن كٷتٸپ وتىرعانىن جەتكٸزدٸ.
