«تسيفرلىق قازاقستان» باعدارلاماسىن تولىققاندى جٷزەگە اسىرۋ ماقساتىندا قولعا الىنعان 120 ٸس-شارانىڭ 20-ى بيىل قولعا الىنادى. «Qazaqstan» ۇلتتىق ارناسىنداعى «Apta» باعدارلاماسىندا قوناقتا بولعان قر اقپارات جەنە كوممۋنيكاتسييالار مينيسترٸ دەۋرەن اباەۆ وسىلاي مەلٸم ەتتٸ, دەپ حابارلايدى «قازاقپارات» تٸلشٸسٸ.
«ەكسپو-2017» كٶرمەسٸنەن كەيٸن نە بولادى دەپ كٶپ ادامدار سۇراپ جاتىر عوي. كٶرمە عيماراتتارىنىڭ بٸر جاعى - قارجى ورتالىعى, ەكٸنشٸ بٶلٸگٸ ٶزگە دە ينستيتۋت بولىپ اشىلعالى جاتىر. سونىڭ بٸر عيماراتىن بٸزگە بەردٸ. ياعني, بٸز سول جەردە «Astana Hub» دەگەن جاستارعا ارنالعان ارنايى جٷيەلٸ عيماراتتى بەرەمٸز. سول جەردە بٸزدٸڭ مەملەكەتتە ەڭبەك ەتٸپ جٷرگەن كومپانييالار تالانتتى جاستاردى تاۋىپ, ٸت سالاسىنا قاتىستى ٶنٸم كەرەكتٸگٸن ايتا الادى. سوندا وتىرعان جاستار اتالعان سۇرانىستى قاناعاتتاندىرار دەگەن ويدامىز. «Astana Hub» بيىل اشىلادى», - دەيدٸ مينيستر.
دەۋرەن اباەۆ ٶز سٶزٸندە تسيفرلاندىرۋ سالاسىنىڭ ەل ٶمٸرٸنە پايدا ەكەلەر تۇستارىن ايتىپ بەردٸ.
«ەكٸ-ٷش مىسال كەلتٸرەيٸن. مىسالى, بٸزدە اۋىلدا مالىن سويىپ ٶتكٸزۋگە نيەتتٸ كٸسٸلەر كٶپ. سول مالدى اۋىل ادامدارى ٷشٸن قالاعا اپارىپ, ساتۋ مەسەلەسٸ بار. بٸزدٸڭ ەلٸمٸزدە بەرٸ ەلەكتروندى ساۋدانى قولعا الىپ, جۇمىس ٸستەسە, ينتەرنەت بولسا ەلگٸ اۋىل ادامدارى ٷيٸندە وتىرىپ-اق, مالىن ونلاين-بازار ارقىلى ساتا الادى. ودان باسقا اۋىل ادامدارى كەز كەلگەن قۇجاتتى الۋ ٷشٸن اۋدان ورتالىعىنا نەمەسە قالاعا بارادى. ال تىڭ جٷيە ارقىلى ول ادامدار كٶپتەگەن انىقتامالاردى ٷيٸندە وتىرىپ-اق الا الادى», - دەيدٸ دەۋرەن اباەۆ.
مينيستردٸڭ ايتۋىنشا, جاڭا تەحنولوگييالار ارقىلى دەرٸگەرلەر تٸپتٸ قاشىقتىقتا دا وتا جاساي الادى.
«قازٸر استانادا سۋىپ كەتتٸ دەپ بەرٸ ايتىپ جاتىر. كٷن سۋىق بولعاننان كەيٸن قۇجاتتار ٷشٸن سوناۋ الىستاعى حقكو-نا بارۋعا تۋرا كەلەدٸ. ال تسيفرلاندىرۋ جٷيەسٸ ارقىلى ادامدار قاجەتتٸ انىقتامانى ٷيدە وتىرىپ الا الادى. ودان باسقا اۋدانداردا قيىن وپەراتسييالاردى جٷرگٸزۋ مٷمكٸندٸكتەرٸ پايدا بولادى. بٸر جاعىنان الماتىدان, استانادان نەمەسە قاراعاندىدان اۋىلدارعا دەرٸگەر جەتكٸزۋ وڭاي ەمەس. سەتٸ تٷسە مە, تٷسپەي مە - بەلگٸسٸز. ونلاين ارقىلى ۆيدەوكامەرالارمەن ەكٸ دەرٸگەردٸڭ بٸرٸ (ەكٸنشٸسٸ ناۋقاستىڭ قاسىندا - اۆت.) الماتىدا قاجەتتٸ كەڭەس بەرۋ ارقىلى وتانى جٷرگٸزە الادى. مىسالى, كٷردەلٸ وتانى جٷرگٸزەتٸن 2-3 مامان عانا بولۋى مٷمكٸن. ول مامان بٷكٸل قازاقستاننىڭ تٷكپٸر-تٷكپٸرٸنە جەتە الماسا دا, ارنايى تەلەەكران ارقىلى وپەراتسيياعا كٶمەگٸن كٶرسەتە الادى», - دەيدٸ دەۋرەن اباەۆ.
مينيستر تسيفرلاندىرۋ جٷيەسٸنٸڭ بٸلٸم جٷيەسٸنە دە كٶپ پايدا ەكەلەتٸنٸن تٸلگە تيەك ەتتٸ.
«بٸلٸم جٷيەسٸنە كەلەر بولساق, اۋىلداردا كٸتاپ, مامان, مۇعالٸم جەتٸسپەيدٸ دەپ جاتادى. تسيفرلاندىرۋ سول سۇراقتى دا شەشە الادى دەپ ويلايمىز. ٶيتكەنٸ, دٷنيە جٷزٸندە ونلاين ساباق بەرۋ تەسٸلدەرٸ ٶتە جاقسى دامىپ كەلەدٸ. سوندىقتان, بۇل جەردە دە مۇعالٸمدەر دە ونلاين كۋرستاردى جٷرگٸزە الادى. سەبەبٸ, اۋىلدار مەن قالالاردىڭ اراسى الشاقتاپ بارادى دەپ جاتىر عوي. جاڭا تەحنولوگييالار ارقىلى اۋىل مەن قالانى بٸرٸكتٸرە الامىز دەگەن ويدامىز. ەلباسى بٸزگە وسىنداي تٸكەلەي تاپسىرما بەردٸ. وسىنىڭ بەرٸن بٸز زەرتتەپ, پرەزيدەنتتٸڭ ٶزٸ قولداپ, بٸز 2017 جىلدىڭ جەلتوقسان ايىندا «تسيفرلىق قازاقستان» باعدارلاماسىن قولعا الدىق», - دەيدٸ ول.
دەۋرەن اباەۆ ايتىپ ٶتكەندەي, بيىل اتالعان باعدارلاما بويىنشا 2018 جىلدان باستاپ 120 ٸس-شارانىڭ 20-سى قولعا الىنادى.
