ەلدٸك مٷددە جولىندا تٸزە قوسىپ قيمىلداۋ - بارشامىزدىڭ قاسيەتتٸ پارىزىمىز. بۇل تۋرالى جامبىل جاباەۆتىڭ 175 جىلدىعىنا ارنالعان «ۇلى دالا اقىنى» اتتى حالىقارالىق كونفەرەنتسييادا قر پرەزيدەنتٸ ەكٸمشٸلٸگٸ باسشىسىنىڭ بٸرٸنشٸ ورىنباسارى دەۋرەن اباەۆ ايتتى, دەپ حابارلايدى قازاقپارات.
«ازاماتتارعا, ەسٸرەسە, ٶسكەلەڭ ۇرپاققا بٸلٸم بەرۋ – مەملەكەتتٸڭ ماڭىزدى مٸندەتتەرٸنٸڭ بٸرٸ. ال مەدەنيەت – وتباسىندا جەنە ٶسكەن ورتادا العان تەربيەدەن باستالادى. سول ٷشٸن قوعامنىڭ مەدەنيەتتٸ بولۋىنا مەملەكەتپەن قاتار ەر وتباسى دا جاۋاپتى. مۇنداي ورتاق جٷكتٸ مەملەكەت پەن قوعام تٸزە قوسىپ, تەڭدەي كٶتەرٸسۋگە تيٸس. بۇل ٸستە, ەسٸرەسە, زييالى قاۋىمعا ارتىلار سالماق ەرەكشە. قاي زاماندا دا ەلدٸك مەسەلەنٸڭ دۇرىس-بۇرىسىن ەل اعالارى باعدارلاپ كەلگەن. اعىلشىندار شەكسپيرمەن ماقتانىپ, ورىستار پۋشكيندٸ پٸر تۇتسا, بٸز دە ۇلى تۇلعالارىمىز بەن كلاسسيكتەرٸمٸزگە سٷيەنەمٸز. ەلدٸك مٷددە جولىندا تٸزە قوسىپ قيمىلداۋ بارشامىزدىڭ قاسيەتتٸ پارىزىمىز دەپ ەسەپتەيمٸن», - دەدٸ پرەزيدەنت ەكٸمشٸلٸگٸ باسشىسىنىڭ بٸرٸنشٸ ورىنباسارى.
ول تاياۋدا جازۋشىلار وداعىندا بولىپ, ينتەللەگەنتسييا ٶكٸلدەرٸمەن كەزدەسۋٸندە ٶز ويلارىمەن بٶلٸسكەنٸن اتاپ ٶتتٸ.
«مەملەكەت باسشىسىنىڭ تاپسىرماسىنا سەيكەس ەلٸمٸزدە قالامگەرلەردٸ, ەسٸرەسە جاس اقىن-جازۋشىلاردى قولداۋ ٸسٸ قارقىندى تٷردە جالعاساتىن بولادى. ٶتكەن جىلى زيياتكەرلٸك قوعامداستىعىنىڭ بٸرقاتار ٶكٸلٸ اباي اتىنداعى مەملەكەتتٸك سىيلىققا لايىق دەپ تانىلدى. بيىل, تەۋەلسٸزدٸك كٷنٸ قارساڭىندا دا كٶپتەگەن ەدەبيەت ٶكٸلدەرٸ مەملەكەتتٸك ناگرادا الادى. جىل سايىن ەدەبيەت پەن مەدەنيەت قايراتكەرلەرٸ پرەزيدەنتتٸك ستيپەندييا بەرٸلەدٸ», - دەدٸ دەۋرەن اباەۆ.
