ا. ەشٸموۆ – ۇلتتىق ٶنەردٸڭ ٷلكەن قايراتكەرٸ. ا. ەشٸموۆ حالىقتىڭ ورتاسىنان ٸرٸكتەلٸپ شىققان "سامورودوك سارى التىن", قايتالانباس عاجايىپ, دارىن يەلەرٸنەن ٶنەگە الا وتىرىپ, دەستٷردٸ جاڭعىرتا جالعاستىرعان اتاقتى "الپىسىنشى جىلعىلار" بۋىنىنىڭ اسا كٶرنەكتٸ ٶكٸلٸ. وسى ورايدا, ول رۋحاني ەكٸ باستاۋدان نەر الىپ, مەيٸر قاندىرعان دەۋگە بولادى. ونىڭ بٸرٸ – ۇلتتىق ساحنا ٶنەرٸنٸڭ ٸرگەتاسىن قالاعان تولقىننان دارىعان مەيلٸنشە, تٶلتۋما حالىقتىق رۋح, سۇلۋلىق تۋرالى دەستٷرلٸ ارمان-اڭسار (يدەال). ەكٸنشٸسٸ – بٷگٸنگٸ تالعام-تانىم, نەگٸزٸنەن ەۋروپالىق ٷردٸستەگٸ كەنٸگٸ-كەسٸبي بٸلٸم مەن تەجٸريبە جەنە دە جۇرت بارىنشا مويىنداعان جاڭالىقتىڭ ٶزٸن جٷرەك سٷزگٸسٸنەن ٶتكٸزٸپ, تەك ٶزٸنشە زەردەلەۋگە باستايتىن تاعىلىمدارعا عانا دەن قويۋ قاسيەتٸ.
دارىن تەگەۋرٸنٸ كٶپ قىرلى ا. ەشٸموۆ – قازاق تەاترى مەن كينوسىندا ەپيكالىق رومانتيكادان باستاپ قاتاڭ رەاليزم, درامالىق تراگەدييادان باستاپ ەلەۋمەتتٸك ساركازمگە دەيٸنگٸ ايادا تۇلعالانعان كەيٸپكەرلەردٸڭ تۇتاس گالەرەياسىن جاساعان اكتەر. تەاتردا نەگٸزٸنەن باستى رولدەردٸ سومداعان كٶرنەكتٸ ساحناگەر م. ەۋەزوۆتٸڭ "ابايىندا" ايدار, كەرٸم, "ەڭلٸك-كەبەگٸندە" كەبەك, "قارا قىپشاق قوبىلاندىسىندا" ايشۋاق, "تاڭعى جاڭعىرىعىندا" جاراسباي, ع. مٷسٸرەپوۆتٸڭ "قوزى كٶرپەش-بايان سۇلۋىندا" قودار, ن. حيكمەتتٸڭ "ەلەۋسٸز قالعان ەسٸل ەرٸندە" اسسيستەنت, ق.مۇحامەدجانوۆتىڭ "جات ەلدە" دراماسىندا اسان اقىن, ت. احتانوۆتىڭ "بورانىندا" قاسبولات, ش.ايتماتوۆ, ق.مۇحامەدجانوۆتىڭ "كٶكتٶبەدەگٸ كەزدەسۋٸندە" يوسيف تاتاەۆيچ, ە. نۇرپەيٸسوۆتٸڭ "قان مەن تەرٸندە" ەلامان, ە. تارازيدٸڭ "كٷلمەيتٸن كومەديياسىندا" سەنجان, ي. ۆوۆنيانكونىڭ "اپاتىندا" اسان قارت, شەكسپيردٸڭ "يۋليي تسەزارٸندە" يۋليي تسەزار, م. فريشتٸڭ "دون جۋاننىڭ دۋمانىندا" دون جۋان, تاعى دا باسقا كٶپتەگەن رولدەرٸمەن ۇلتتىق اكتەرلٸك مەكتەپتٸڭ ساپالىق ٶزگەرٸسكە تٷسۋٸنە ايرىقشا ٷلەس قوستى. ال, ا. ەشٸموۆتٸڭ قارا شاڭىراق ساحناسىنداعى كٷردەلٸ سوڭعى جۇمىسى – گ. گاۋپتماننىڭ "ىمىرتتاعى ماحاببات" دراماسىنداعى دوكتور كلاۋزەن.
ا. ەشٸموۆ قازاق كينو ٶنەرٸن جاڭا بەلەسكە كٶتەرۋ جولىندا كٶپ ەڭبەك سٸڭٸردٸ. ۇلتتىق كينومىزدىڭ تٶلقۇجاتىنداي بولعان "قىز جٸبەكتە" دالالىق سەرٸ دەڭگەيٸندە تۇلعالانعان بەكەجان, "اتاماننىڭ اقىرى" مەن "ترانسسٸبٸر جٷردەك پويىزىندا" قاسىمحان شاديياروۆ رولدەرٸ ونىڭ ەسٸمٸن قازاقستانمەن قاتار, شەت مەملەكەتتەردە دە تانىمال ەتتٸ. وتىزدان اسا فيلمگە تٷسكەن اكتەردٸڭ "بوتاگٶزدە" كەنجەتاي, "بٸر اۋداندا" بەكتاسوۆ, "ەن قاناتىندا" قايمەن, "جاۋشىدا" قاراجال, "نان دەمٸندە" ديرەكتور, "قازاقى وقيعادا" ٶمٸرباي شال, "سٸز كٸمسٸز ك.مىرزا?" فيلمٸندەگٸ ك. مىرزا, سونداي-اق, ب. مانسۇروۆتىڭ كٶپ سەرييالى "بۇلعارلار تۋرالى بايان" فيلمٸندە شىڭعىسحان, تاعى دا باسقا رولدەرٸ دە دارا.
شىعارماشىلىق تەرەڭ ويشىلدىقتىڭ بٸر عانا ٶمٸر سٷرۋ تەسٸلٸ بار. ول – تىنىمسىز ەڭبەك, رۋحاني ٸزدەنٸستەر جەنە قارەكەتشٸلدٸك. ا. ەشٸموۆتٸڭ تەاتر مەن كينودا بٸردەي رەجيسسەرلٸككە دەن قويۋى, سٶز جوق, سۋرەتكەر رەتٸندەگٸ ٸشكٸ سۇرانىسىنىڭ نەتيجەسٸ. ونىڭ تەاتر ساحناسىندا "اقبٸلەك" (ج. ايماۋىتوۆ), "امانگەلدٸ" (ع. مٷسٸرەپوۆ), "بٶلتٸرٸك بٶرٸك استىندا" (ق. مۇحامەدجانوۆ), "مەن ٸشپەگەن ۋ بار ما?"(ي. ورازباەۆ), "قازا مەن جازا" (ي. ۆوۆنيانكو); "رەۆيزور" (گوگول),"فارحاد-شىرىن" (ن. حيكمەت), "دون جۋاننىڭ دۋمانى" (م. فريش), "سۇلتان بولسام ەگەر مەن..." (س. ۆاننۋس) سپەكتاكلدەرٸن; كينو سالاسىندا "اجداھا جىلى", تٶرت سەرييالى "شوقان ۋەليحانوۆ", ەكٸ سەرييالى "قوزى كٶرپەش-بايان سۇلۋ", "جۋساننىڭ يٸسٸ", "تۇزدى كٶل جاعاسىنداعى ٷي" كٶركەم فيلمدەرٸن ساحنالاۋى سۋرەتكەرلٸك سەرگەكتٸكتٸڭ جارقىن كٶرٸنٸسٸ.
ۇلتتىق ٶنەردٸڭ كٶرنەكتٸ تۇلعاسى, كٶزٸ تٸرٸسٸندە اڭىز ادامعا اينالىپ, حالىقتىڭ سىي-قۇرمەتٸنە بٶلەنگەن دارابوز تۇلعا ا.ەشٸموۆ بيىل مەرەيلٸ 80 جاسقا تولىپ, ەۋەزوۆ تەاترىندا دٷركٸرەگەن توي بولىپ ٶتتٸ.
ەلباسى ن.ە.نازارباەۆتىڭ جارلىعىمەن «قازاقستاننىڭ ەڭبەك ەرٸ» اتاعىن العان ا.ەشٸمۇلىنىڭ قۇرمەتٸنە ارنالعان مەرەكەلٸك شارالار شەكتەلمەك ەمەس...
ەل ٶمٸرٸندەگٸ ماڭىزدى شارا «ەكسپو-2017» حالىقارالىق مامانداندىرىلعان كٶرمە اياسىندا 17-26 ماۋسىم كٷندەرٸ قر مەدەنيەت جەنە سپورت مينيسترلٸگٸنٸڭ قولداۋىمەن ا.ەشٸموۆتٸڭ 80 جىلدىعىنا ارنالعان I دٷنيەجٷزٸلٸك «استانا» تەاتر فەستيۆالٸ ٶتكٸزٸلگەلٸ وتىر.
17 ماۋسىم كٷنٸ ساع. 17.00 دە «بەيبٸتشٸلٸك جەنە كەلٸسٸم» سارايىندا فەستيۆالدٸڭ اشىلۋ سالتاناتى ٶتەدٸ.
فەستيۆالدٸڭ ماقساتى – قازاق كٶرەرمەندەرٸن ەلەم تەاترلارىنىڭ زاماناۋي تىنىسىمەن تانىستىرۋ, تەاتر ٶنەرٸنٸڭ بٷگٸنگٸ زاماناۋي ٷردٸسٸندەگٸ تانىمال ۇجىمدارمەن شىعارماشىلىق بايلانىس ورناتۋ, حالىقارالىق دەڭگەيدەگٸ وزىق ٷلگٸدەگٸ تەاتر ٶنەرٸنٸڭ جاڭا تەندەنتسييالارىن كٶرسەتۋ, تەجٸريبە الماسۋ. فەستيۆال قازاقستاننىڭ مەدەني استاناسى جەنە ەلەمدٸك مەدەنيەتتٸڭ ورتالىعى رەتٸندە استانا يميدجٸن تانىستىرۋ ارقىلى حالىقارالىق مەدەني بايلانىستاردى كەڭەيتۋگە ىقپال ەتەدٸ.
فەستيۆال اياسىندا ا.چەحوۆ اتىنداعى مەسكەۋ كٶركەم تەاترى (رەسەي), شوتا رۋستاۆەلي اتىنداعى گرۋزييا مەملەكەتتٸك اكادەمييالىق تەاترى, مۋلكەل تەاترى (وڭتٷستٸك كورەيا), يانكا كۋپالا اتىنداعى تەاتر (بەلورۋسسييا), بەرلين دراما تەاترى مەن قىتاي ۇلتتىق تەاترى سىندى ۇجىمدار ٶنەر كٶرسەتەدٸ.
ەۋەزوۆ تەاترىنىڭ رەپەرتۋارىنداعى كەمەڭگەر بيلەۋشٸ, تاعدىرى كٷردەلٸ تۇلعا سۇلتان بەيبارىستىڭ ٶمٸرٸنەن سىر شەرتەتٸن ر.وتارباەۆتىڭ «سۇلتان بەيبارىس» تاريحي دراماسى (رەج.يۋ.حانينگو-بەكنازار ) فەستيۆال اياسىندا ەلەم جۇرتشىلىعىنىڭ نازارىنا ۇسىنىلاتىن بولادى.
