قىزىلوردا وبلىسى قازالى اۋدانى, بەكارىستان بي اۋىلىنىڭ تۇراتىن 98 جاستاعى قاباق سماعۇل كوروناۆيرۋسقا قارسى ەكپە سالدىردى, دەپ حابارلايدى قازاقپارات.
مايدانگەر دەنساۋلىق زور بايلىق ەكەنٸن العا تارتتى. سوندىقتان قازٸر ەلەمدٸ جايلاعان اقۋٸپتٸ دەرتتٸڭ بەتٸن قايتارۋ ٷشٸن ەلدٸ ەكپە قابىلداۋعا شاقىردى.
«قازٸر ەلەم حالقى پاندەمييانىڭ اۋىر زاردابىن تارتىپ كەلەدٸ. ودان قۇتىلۋدىڭ باستى جولى - ۆاكتسيناتسييا. مەن عاسىرلىق جاسقا قادام باستىم. دەسە دە قاي جاستا دا ادام ٶزٸنٸڭ دەنساۋلىعىنا ماڭىز بەرۋٸ تيٸس. سوندىقتان كوروناۆيرۋسقا قارسى ۆاكتسينا قابىلداۋدى جٶن سانادىم», - دەدٸ قارت مايدانگەر.
1923 جىلدىڭ 1 شٸلدەسٸندە دٷنيەگە كەلگەن قاباق اقساقال 1942 جىلى سوعىسقا اتتانعان. تۋلا قالاسىن ازات ەتۋگە قاتىسقان. 1943 جىلى اۋىر جارالانىپ ەلگە ورالعان.
بەيبٸت ٶمٸردە بٸلەك سىبانا ەڭبەك ەتتٸ. مايدانگەر اعارتۋ ٷيٸنٸڭ مەڭگەرۋشٸسٸ, اۋىلدىق كەڭەستٸڭ حاتشىسى لاۋازىمىن اتقاردى. ەسەپشٸلٸك سالاسىندا تۋرا 40 جىل جۇمىس جاسادى. جۇبايى كٷلجان ەكەۋٸ ون بالا ٶسٸرٸپ, ەل قاتارىنا قوستى. بالالارىنىڭ بارشاسى جوعارى بٸلٸم الدى. بۇل كٷندەرٸ نەمەرە-شٶبەرە, شٶپشەك سٷيٸپ وتىر.
ەلدٸڭ دامۋى ٷشٸن قىزمەت جاساعان مايدانگەر كٶپتەگەن وردەن, مەدالداردىڭ يەگەرٸ.
ايتا كەتسەك, وبلىستا ۆاكتسيناتسييانىڭ بٸرٸنشٸ كومپونەنتٸمەن ەگٸلگەندەر سانى – 329492 ادامدى قۇرايدى. ال ۆاكتسينامەن تولىقتاي قامتىلعاندار سانى 271 173 ادامعا جەتتٸ.
