جەلٸدە 75 جاستاعى ەر ادامنىڭ 95 جاستاعى اناسىنا ەرەكشە قامقورلىق تانىتىپ جٷرگەن ۆيدەوسى قولدانۋشىلاردىڭ جٷرەگٸن تەبٸرەنتتٸ, دەپ حابارلايدى ult.kz Stan.kz سايتىنا سٸلتەمە جاساپ.
بەينەجازبادا قارت اناسى ٷيٸندە جاتقانىن كٶرۋگە بولادى. ال ۇلى ونىڭ جانىنان بٸر سەتكە دە الىستاماي, ٷنەمٸ قاسىندا جٷرەدٸ. ول اناسىنا قايتا-قايتا كەلٸپ, جاعدايىن مۇقييات باقىلاپ, ٶزٸن قالاي سەزٸنٸپ جاتقانىن تەكسەرٸپ وتىرادى.
جەلٸ قولدانۋشىلارىن ونىڭ اناسىنا دەگەن شىنايى الاڭداۋشىلىعى مەن ەرەكشە مەيٸرٸمٸ قاتتى ەسەرلەندٸردٸ. كٶپشٸلٸك بۇل ۆيدەونى كٶرٸپ, كٶڭٸلدەرٸ بوساپ, كٶزدەرٸنە جاس العاندارىن جازعان.
پٸكٸرلەردە ادامدار اناعا دەگەن ماحاببات پەن بالا مەن اتا-انا اراسىنداعى بايلانىس جاسقا قارامايتىنىن ايتۋدا. ولاردىڭ سٶزٸنشە, ادام قانشا جاسقا كەلسە دە, اناسىنىڭ جانىندا ەردايىم بالا بولىپ قالا بەرەدٸ.
