جەلٸدە 1990 جىلدارى گەرمانيياعا كٶشٸپ كەتكەن قاراعاندىلىق ۇلتى نەمٸس ەجەيدٸڭ قازاقشا باتا بەرٸپ وتىرعان ۆيدەوسى تارادى. جەلٸ قولدانۋشىلارى قازاقشاعا تٸلٸ جاتىق قارييانىڭ باتا بەرۋٸنە تاڭعالعان, دەپ جازادى KAZ.NUR.KZ.
جەلٸدە "نەمٸس اپانىڭ" داستارحان باسىندا قازاقشا باتا بەرٸپ وتىرعان ۆيدەوسى قىزۋ تالقىلاندى. ۆيدەو سيپاتتاماسىندا بەلگٸسٸز ەيەلدٸڭ 90 جىلدارى قاراعاندى وبلىسىنان گەرمانيياعا قونىس اۋدارعان نەمٸس ۇلتىنىڭ ٶكٸلٸ ەكەنٸ ايتىلادى. جەتٸ شەلپەك پەن باۋىرساققا تولى قازاق داستارحانىندا وتىرعان كٶپشٸلٸك نەمٸس ەجەيدٸڭ باتاسىن ۇيىپ تىڭداپ, قول جايادى.
"پايعامباردىڭ باعىن بەرسٸن,
سٷلەيمەننٸڭ تاعىن بەرسٸن!
باق باعىپ جٷرسٸن,
قىدىر دارىپ جٷرسٸن!
قۇدايىم ەر پەلەدەن قاعىپ جٷرسٸن!
ٶلٸگە يمان, تٸرٸگە بەرەكە بەرسٸن!
ەكٸ دٷنيەنٸڭ ابىرويىن بەرسٸن!
قاي-قايسىنىڭ وتباسىنا اللانىڭ بەرەر جاقسىلىعى تاۋسىلماسىن! باقىتتى بولىڭدار, قاراقتارىم! اللاھۋ اكبار!", - دەيدٸ نەمٸس ەجەي.
جەلٸ قولدانۋشىلارى قازاقشاعا تٸلٸ جاتىق قارييانىڭ باتا بەرۋٸنە تاڭعالعان.
"مىنا ۆيدەودا 1990 جىلدارى قاراعاندى وبلىسى, شەت اۋدانىنان گەرمانيياعا كٶشكەن نەمٸس اپامىزدىڭ باتا بەرۋٸنە تاڭ قالىپ وتىرمىن. تٸلدٸ قالاي مەڭگەرگەن دەسەيشٸ. مۇنداي باتا بەرە الاتىن اقساقالدار ٶزٸمٸزدە دە از قالدى. زامان سولاي ما, ادام سولاي ما بەلگٸسٸز", - دەيدٸ ۆيدەونى پاراقشاسىندا بٶلٸسكەن بلوگەر باۋىرجان سەرٸكباەۆ.
باسقا جەلٸ قولدانۋشىلارى دا "نەمٸس اپاعا" ريزا بولعاندارىن جازدى. ولار تٸلدٸ ٶتە جوعارى دەڭگەيدە مەڭگەرٸپ قانا قويماي, سونشا جىل ٶتسە دە دەستٷردٸ ۇمىتپاعان ٶزگە ۇلت ٶكٸلٸنە تاڭداي قاعۋدا.
"تەكتٸ حالىق قوي. سولتٷستٸك ٶڭٸردە تۇرسا دا قازاقشا بٸلەتٸن تالايىن كٶردٸك. ەلدە تٸل ٷيرەنۋ قابٸلەتتەرٸ مىقتى?!", " اقادىردا وسىنداي نەمٸس كٶرشٸلەرٸمٸز بولىپ ەدٸ. قانداي ادال جاندار ەدٸ", - دەيدٸ جەلٸ قولدانۋشىلارى.
