گەرمانييادا مەيٸرگەر بولىپ جۇمىس ٸستەگەن نيلس حيوگەل مەديتسينا تاريحىنداعى ەڭ اۋىر سەرييالىق كٸسٸ ٶلتٸرۋ ٸستەرٸنٸڭ بٸرٸنە بايلانىستى ٶمٸر بويىنا باس بوستاندىعىنان ايىرىلدى, دەپ حابارلايدى ult.kz.
حيوگەل 2000-2005 جىلدارى ولدەنبۋرگ پەن دەلمەنحورست قالالارىنداعى اۋرۋحانالاردا جۇمىس ٸستەگەن. ول اۋىر حالدەگٸ ناۋقاستارعا ەدەيٸ دەرٸ-دەرمەك بەرٸپ, ولاردىڭ جٷرەك سوعىسىن توقتاتاتىن. كەيٸن ناۋقاستى قايتا جانداندىرۋعا تىرىسىپ, ٶزٸن «قۇتقارۋشى» رەتٸندە كٶرسەتكەن. الايدا كٶپتەگەن پاتسيەنتتٸ امان الىپ قالۋ مٷمكٸن بولماعان.
2019 جىلى ولدەنبۋرگ سوتى حيوگەلدٸ 85 ادامدى قاساقانا ٶلتٸرگەنٸ ٷشٸن كٸنەلٸ دەپ تانىپ, ٶمٸر بويىنا باس بوستاندىعىنان ايىردى. ول باستاپقىدا 100 ادامدى ٶلتٸردٸ دەگەن ايىپپەن سوتقا تارتىلعان. الايدا 15 ٸس بويىنشا سوت ونىڭ كٸنەسٸن دەلەلدەيتٸن جەتكٸلٸكتٸ ايعاق بولماعاندىقتان اقتادى.
تەرگەۋ بارىسىندا ونىڭ قۇرباندارى 34 پەن 96 جاس ارالىعىنداعى ناۋقاستار بولعانى انىقتالدى. قىلمىستاردىڭ نەگٸزگٸ موتيۆٸ رەتٸندە حيوگەلدٸڭ رەانيماتسييا كەزٸندە ٶزٸن قابٸلەتتٸ مامان رەتٸندە كٶرسەتۋگە دەگەن ۇمتىلىسى قاراستىرىلعان.
بۇل ٸس گەرمانيياداعى سوعىستان كەيٸنگٸ كەزەڭدەگٸ ەڭ ٸرٸ سەرييالىق كٸسٸ ٶلتٸرۋ وقيعاسى رەتٸندە باعالاندى. حيوگەل بۇعان دەيٸن دە ەكٸ ادامدى ٶلتٸرگەنٸ جەنە تاعى ەكٸ ناۋقاستى ٶلتٸرۋگە ەرەكەت جاساعانى ٷشٸن سوتتالعان بولاتىن.
2026 جىلعى جاڭا دەرەك: حيوگەلدٸڭ تٷرمەدەن ەڭ ەرتە شىعۋ مەرزٸمٸنە قاتىستى مەسەلە قايتا قارالعان. 2026 جىلى سوت ونىڭ كەمٸندە 28 جىل تٷرمەدە وتىرۋى كەرەكتٸگٸن انىقتادى. بۇل مەرزٸم اياقتالعاننان كەيٸن دە ونىڭ بٸردەن بوساتىلاتىنىنا كەپٸلدٸك جوق: پسيحياترييالىق ساراپتاما ونىڭ قوعامعا قاۋٸپتٸلٸگٸن باعالاۋى تيٸس.
وسىلايشا, اۋرۋحانادا ناۋقاستاردىڭ ٶمٸرٸن ساقتاۋى تيٸس بولعان مەدبيكە بٸرنەشە جىل بويى كەرٸسٸنشە ولاردىڭ ٶلٸمٸنە سەبەپ بولىپ, ونداعان ادامنىڭ ٶمٸرٸن قيعان.
