اقش-تا جەرگٸلٸكتٸ تۇرعىندار ناعىز عاجايىپ دەپ اتاپ كەتكەن وقيعا بولدى. 82 جاستاعى ەيەل سەتسٸز قۇلاعاننان كەيٸن ٶز ٷيٸندەگٸ جۋىناتىن بٶلمەدە توعىز كٷنگە جۋىق قامالىپ قالعان. سوعان قاراماستان, ول امان قالدى, دەپ حابارلايدى ult.kz New York Post باسىلىمىنا سٸلتەمە جاساپ.
وقيعا كلايد قالاسىندا بولعان. دجوان ريۆەت 2023 جىلى كٷيەۋٸ قايتىس بولعاننان كەيٸن جالعىز ٶزٸ تۇرعان. بٸر كٷنٸ ول ۇيىقتاۋعا دايىندالىپ جاتقان كەزدە جۋىناتىن بٶلمەدە تايىپ كەتكەن. زەينەتكەر شالقاسىنان ۆانناعا قۇلاپ, سونىمەن بٸرگە پەردە كارنيزٸن جەنە اۋىر پەردەنٸ جۇلىپ كەتكەن. ومىرتقاسى قاتتى اۋىرعاندىقتان, ول ورنىنان تۇرا الماعان جەنە ۆاننانىڭ بيٸك جيەگٸنەن ٶزدٸگٸنەن شىعا الماعان.
وسى ۋاقىت ٸشٸندە ەيەل كٶمەككە شاقىرعانىمەن, ونى ەشكٸم ەستٸمەگەن. ونىڭ جانىنداعى جالعىز تٸرشٸلٸك يەسٸ فيبي ەسٸمدٸ مىسىق بولعان. ول جۋىناتىن بٶلمەنٸڭ سىرتىندا ايانىشتى تٷردە ميياۋلاعان.
تاماق ٸشپەي 9 كٷن جاتتى
قامالىپ قالعان ەيەل بٸرتٸندەپ ەلسٸرەپ, بٸرنەشە رەت ەسٸنەن تانىپ قالعان. ونىڭ امان قالۋىنا قاراپايىم سۋ كٶمەكتەسكەن. قاتتى اۋىرعانىنا قاراماستان, ەيەل اياعىمەن كرانعا ەرەڭ جەتٸپ, ونى اشقان. وسىلايشا بەتٸنە اققان سۋدى ٸشٸپ وتىرعان.
قۇتقارىلۋىنا تۋىستارى سەبەپ بولدى
زەينەتكەردٸڭ دجوردجييا شتاتىندا تۇراتىن اعاسى بيلل لەسكو ونىڭ جاعدايىنا الاڭداعان. ول بٸرنەشە كٷن بويى ەپكەسٸنە حابارلاسۋعا تىرىسقانىمەن, قوڭىراۋلارىنا جاۋاپ بولماعان. وسىدان كەيٸن ەر ادام كٶرشٸلەرٸنەن ونىڭ ٷيٸن تەكسەرۋدٸ سۇراعان. بۇل دا نەتيجە بەرمەگەن سوڭ, بيلل حەيۆۋد وكرۋگٸ شەريفٸنٸڭ كەڭسەسٸنە جٷگٸنگەن.
وقيعا ورنىنا كەلگەن پوليتسييا قىزمەتكەرلەرٸ دجوان ريۆەتتٸ جۋىناتىن بٶلمەدەن جارتىلاي ەس-تٷسسٸز كٷيدە تاپقان.
دەرٸگەرلەر ونىڭ قاتتى سۋسىزدانعانىن, ەلسٸرەگەنٸن جەنە بٸر قالىپتا ۇزاق ۋاقىت جاتۋىنا بايلانىستى دەنەسٸندە كٶپتەگەن ويىلۋ جارالارى پايدا بولعانىن انىقتاعان. بٸر قىزىعى, توعىز كٷن بويى تاماق پەن سۋسىز قالعان فيبي ەسٸمدٸ مىسىق تا امان قالعان.
ەم قابىلداپ, وڭالتۋدان ٶتكەننەن كەيٸن زەينەتكەر اعاسىنىڭ ٷيٸنە كٶشۋدٸ ۇيعارعان.
"مەن كٶپ ۋاقىتىمدى دۇعا ەتۋمەن ٶتكٸزدٸم. ۆاننادان قالاي شىعۋعا بولاتىنىن تٷسٸنۋگە تىرىستىم جەنە ەلٸ تٸرٸ بولعانىم ٷشٸن جاراتقانعا شٷكٸرشٸلٸك ەتتٸم. ەڭ جامان نەرسەلەر تۋرالى ويلاماۋعا تىرىستىم, ٶيتكەنٸ بٸر رەت سول ويلارعا بەرٸلٸپ كەتسەڭ, ودان كەيٸن قالاي شىعاتىنىڭدى بٸلمەيسٸڭ", – دەدٸ امەريكالىق ەيەل باسىنان ٶتكەن وقيعامەن بٶلٸسٸپ.
