قازاقستاندا 2020 جىلدىڭ قاڭتار-تامىزىندا رەزەڭكە جەنە پلاستماسسا بۇيىمدارى ٶندٸرٸسٸنٸڭ كٶلەمٸ 9,3 پايىزعا ارتتى, دەپ حابارلايدى "ۇلت اقپارات" www.energyprom.kz سايتىنا سٸلتەمە جاساپ.
وسى جىلدىڭ 8 ايىندا رەزەڭكە جەنە پلاستماسسا بۇيىمدارى ٶندٸرٸسٸنٸڭ كٶلەمٸ 145,3 ملرد تەڭگەنٸ قۇراپ, ٶتكەن جىلدىڭ قاڭتار-تامىزىمەن سالىستىرعاندا 9,3 پايىزعا ارتتى. جالپى 2019 جىلى ٶندٸرٸس كٶلەمٸ جىل ٸشٸندە 15,6 پايىزعا ٶسٸپ, 244,4 ملرد تەڭگەنٸ قۇراعان بولاتىن.
رەزەڭكە جەنە پلاستماسسا بۇيىمدارى ٶندٸرٸسٸ كٶلەمٸنٸڭ جارتىسىنا جۋىعى ٷش ٶڭٸرگە تيەسٸلٸ. كٶش باسىنداعى الماتى وبلىسى 30,1 ملرد تەڭگەگە, ودان كەيٸن نۇر-سۇلتان قالاسى 22,5 ملرد تەڭگەگە, ال ٷشٸنشٸ ورىندا تۇرعان الماتى قالاسى 18,5 ملرد تەڭگەگە بۇيىم شىعارعان. ٶندٸرٸستٸڭ جىلدىق ەڭ جوعارى ٶسٸمٸ اقمولا (+76,5 پايىز), باتىس قازاقستان (+56) جەنە ماڭعىستاۋ (+47,7) وبلىستارىندا تٸركەلگەن.
ٶتكەن جىلدىڭ قاڭتار-تامىزىمەن سالىستىرعاندا ناقتى مەندە پلاستماسسا ٶنٸمدەرٸ عانا ٶسٸم كٶرسەتٸپ وتىر. اتاپ ايتقاندا, ٷي شارۋاسىنا قاجەتتٸ پلاستماسسا بۇيىمدارىنىڭ ٶندٸرٸسٸ 36,6 پايىزعا ارتىپ, 7 مىڭ تونناعا جۋىقتادى. مۇنان بٶلەك 17,1 مىڭ توننا قاپشىق پەن سٶمكە, 76,5 مىڭ توننا قۇبىر مەن قۇبىرشەك, ولاردىڭ پلاستماسسادان جاسالعان فيتينگتەرٸ شىعارىلدى.
الايدا رەزەڭكەدەن جاسالاتىن بۇيىمدار ٶندٸرٸسٸ كەرٸسٸنشە قىسقارا تٷسكەن. ناقتى ايتقاندا, قۇبىر مەن قۇبىرشەك ٶندٸرٸسٸ 20,3 پايىزعا, كونۆەينەرلٸك تاسپا مەن جەتەكتٸ بەلدٸك 12,1 پايىزعا تٶمەندەپ وتىر.
